¹ Ja fi zaman baad Yesua wajihu talamiz al itnasar, Huwo tala min hinak ashan yederis wa beshiru fi mudun bitomon. ² Hasa zaman Yohana sima fi dakil sijin an amail ta al Mesih, huwo rasulu risala be talamiz bitou ³ wa kelimu le huwo, ''Hal inta yau al bi ja, wele nina bi suf le tani?'' ⁴ Yesua juwabu wa kelimu le umon, '' Amshu wa kelimu le Yohana hajat al intum sufu wa asuma. ⁵ Nas amiyanin bi sufu, nas al mukasirin bi douru, nas al indu marad juzam ligo ilaj, nas al ateresin bi yasma tani, nas al meitin goumu tani le haya, wa nas al muhtjin wori le umon kabara al kwes. ⁶ Baraka le ai zol al ma ligo kalam batal min ana.'' ⁷ Zema nas del mashin fi terik bitomon, Yesua bada kelim le jamahir an Yohana, ''Intum mashi le sahara ashan sufu sunu- shejer bi hizu be hawa? ⁸ Lakin intum mashi ashan sufu sunu- zol labis gumas naim? Bel hagiga, del al bi libisu gumasat naim aishin fi biyut bita muluk. ⁹ Lakin intum mashi ashan sufu sunu- nebi? Nam, Ana bi kelemu le intum, Ana mohim kalis mi nebi. ¹⁰ De yau huwo al katabu anu, 'sufu, Ana bi rasulu murasil bitai gidam intum, al bi jahizu terik gidam intum.' ¹¹ Ana bi kelim le intum hagiga, bein del al weledu be nusuwan mafi wahid kebir min Yohana Mahmadan. Lisa Akir zol al mohim fi molokut bita samah kebir min huwo. ¹² Min ayam bita Yohana lahadi hasa, Molokut ta samah taaban be unf, wa nas bita unf bi shilu be guwa. ¹³ Fa kulu anbiya wa ganun kan bi itnaba lahadi zaman bita Yohana; ¹⁴ wa kan endakum niya ashan bi gabilu, Huwo Elia al bi ja. ¹⁵ Zol al indu adana ashan bi yesma, keli huwo asma. ¹⁶ Le haja yatu ashan Ana bi karinu be jil del? Huwo ze iyal bi alabu fi suk, al bi yagot wa bi nadi be baad ¹⁷ wa bi gul, 'nina bi yelaab wud le intum, wa intum ma bi alabu. Nina bikun aznainin, wa intum ma bi kore.' ¹⁸ Fa Yohana ja ma bi akulu rakhif wele bi asurubu kamur, wa umon bi gul, 'huwo indu roho sherir.' ¹⁹ Ibin al insan ja bi akulu wa bi asurubu wa umon bi gul, 'sufu, huwo zol akal wa sukuruji, sabi bita nas daraib wa khatiyin! Lakin amail bitou bi wori be inu huwo indu hikma.' ²⁰ Bad dak Yesua bada wobiku mudun al amail bitou al azim amulu fogo, le-anu umon ma tuubu.'' ²¹ Wo le intum, Chorazin! wo le intum Bethsaida! Kan amail al azim de amulu fi Tyre wa Sidon al amulu le intum, umon kan tuubu min zaman dak be malabis min sual wa rumat. ²² Lakin ma bi kun taab kalis le Tyre wa Sidon fi zaman ta hukum min al bi hasil le intum. ²³ Inta, Capernaum, hal inta fekir bi arfau inta fi samah? La, bi jibu inta tehet le nar. Kan fi Sodoma amulu amail al azim al amulu fi inta, huwo lisa bi yefdul lahadi hasa. ²⁴ Lakin Ana bi gul le inta huwo bi kun besit le ardi bita Sodom fi yom ta hukum min al bi hasil le inta. ²⁵ Fi zaman dak Yesua gal, ''Ana bi sabihu inta, Abu, Rabana ta samah wa al ard, Le-anu Inta ma sibu kalam de arafu ma nas al negitin wa nas al fahimin, wa zahiru umon le del al ma derisu, ze iyal suhar. ²⁶ Nam, Abui, fa de zahar kwes fi uyun bitak. ²⁷ Kulu hajat istelimu le Ana min Abui; wa mafi zol arfu al Ibin ile bes Abui wa Mafi ai wahid arufu Abui ile bes al Ibin, Wa le ai zol al Ibin azilu ashan bi zahiru le huwo. ²⁸ Talu le Ana, Kulu intum al indakum tegila, wa Ana bi wodi le intum Raha. ²⁹ Shilu niir bitai le intum wa alimu min ana, Ana hanin wa mutuwade fi gelib, wa intum bi ligo raha le nufuskum. ³⁰ Ashan niir bitai sahil wa tegila al ana bi wodi le inta kafif.'