¹ Fogo al yom tamania Musa nadi Harun wa awulat tao wa al nas kubar ta Israil. ² Uwo kelim le Harun, ''Silu al ijil min al abgar le tekdimat katia, wa dan al ma indu eab le tekdima al mahruk, wa gedim umon gidam Yahuah. ³ Ita lazim wonusu le al nas ta Israil wa kelim, 'Silu galamaya abu rajil le tekdimat katia wa ijil wa koruf, kulum umur sena wa maindu eab, le tekdimat mahruk; ⁴ kaman silu al tor wa al koruf le tekdimat le salam le zebiha gidam Yahuah, wa tekdimat dura lakabatu ma zet, ashan alela Yahuah bi zahir le itakum.''' ⁵ Bekida umon jibu kulu al Musa amiru le al kemat ta intima, wa kulu al jemeia ta Israil ja gefrib wa wogif gidam Yahuah. ⁶ Biga Musa kelim, ''De yau sunu Yahuah amiru itakum ashan bi amulu, kida gali mejid tao bi zahir le itakum.'' ⁷ Musa kelim le Harun , ''Taal gerib le altari wa gedim tekdimat katia taki wa tekdima mahruk, wa amulu makfara le nefsa taki wa le al nas, wa gedim al zebiha le al nas le amulu makfara le umon, ze Yahuah kan amiru.'' ⁸ Kida Harun rua gerib al altari wa katulu al ijil le al tekdimat katia, al kan le nefsatao. ⁹ Al awulat ta Harun gedim al dom le uwo, wa uwo dakalu dufur tao fogo wa kutu fogo al gurun ta al altari; biga uwo kubu bara al dom fi al magaat ta al altari. ¹⁰ Kefkaman, uwo haragu al zet, al kiluwat, wa al futa ta al kibda fok al altari ze tekdimat katia, ze Yahuah kan amiru Musa. ¹¹ Al laham wa al jilit uwo haragu bebara al kema. ¹² Harun katulu al tekdima mahruk, wa awulat tao wodi le uwo al dom, al uwo rusu fi ayi tija ta al altari. ¹³ Biga umon wodi le uwo tekdima mahruk, gita be gita, kulu sawa ma al ras, wa uwo haragu umon fogo al altari. ¹⁴ Uwo kasulu al ajiza al dakili wa al kurein wa haragu umon fogo ras ta tekdima al mahruk fok al altari. ¹⁵ Harun gedimu zebiha al nas _galamaya, biga silu uwo ze al zebiha le katia tomon wa katulu uwo; uwo gedimu uwo le katia, ze uwo kan amulu ma awel galamaya. ¹⁶ Uwo gedimu tekdima al mahruk wa gedimu uwo ze Yahuah kan amiru. ¹⁷ Uwo gedimu al tekdimat dura; uwo mala iden tao ma umon wa haragu umon fok al altari, kulusawa ma al tekdima mahruk sabah. ¹⁸ Uwo katulu kaman al tor wa al dan, al zebiha le tekdimat al salam, al kan le al nas. Awulat Harun wodi le uwo al dom, al uwo rusu fogo ayi tija ta al altari. ¹⁹ Kefkaman, umon gata bara al zet ta al tor wa al dan, al zet danab, al zet bi kati al ajiza al dakili, al kiluwat, wa al futa ta al kibda. ²⁰ Umon silu al ajiza al kan gatau bara wa kutu delin fogo al sudur, wa biga Harun haragu al zet fok al altari. ²¹ Harun hariku al sudur wa al laham al fi nus ta kurain ma dus ze tekdima al mahbub gidam Yahuah, ze Musa kan ammiru. ²² Biga Harun arfa idenat tao fok fitija ta al nas wa bariku umon; biga uwo nezil tehet min gedimu tekdimat katia, al tekdimat mahruk, wa al tekdimat salam. ²³ Musa wa Harun rua fijua al kemat al itima, biga tala bara tani mara wa bariku al nas, wa al mejid ta Yahuah zahir le kulu al nas. ²⁴ Nar ja bara min Yahuah wa akulu al tekdima al mahruk wa zet fok al altari. Zaman kulu al nas ayinu zede, umon kore wa raka be rukba usatehet.