¹ Yahwah kan keelim le Musa, gali, ² Wori le nas ta Israel kulu gali, intum bikun kedeisiin, ashan ana Yahwah Rabuna takum kudus. ³ Kulu zol keli ehterim uma towo ma abu towo, wa intum bihafizu Sabbath (subut) tayi. Ana yahwa Rabuna takun. ⁴ Mata kum agilibu le asnam al ma indu faida, wala amulu le intum rabunat al bi intaha, ana Yahwah Rabuna takum. ⁵ Iza kan intum azu gedimu zabiha ta salam le Yahwah, intum bigedim ashan biga bilu intum. ⁶ Bi akulu zabiha de fi nefsa yom al intum gedim, awo fi yom al tani. Iza kan ayi haja fadulu lahadi yom nimira talata, biharagu benar. ⁷ Iza kan akulu kulu fi yom nimira talata, de biga galat, ma bikun mogbul (radian). ⁸ Wa kulu zol al bi akulu bi arfa katia towo fi nefsa towo, ashan huwo kalas nejisu haja al kan kudus le Yahawah, wa zol de begata wo bara min nas ta nas towo. ⁹ Iza kan intum gi limu hajat al nigitu fi mahal zeraa takum, intum ma bilimu hajat al nigitu fi atraf ta mahal zara takum, walaa intum bilimu bagi hajat al intum nesitu fi nus ta mazraa takum. ¹⁰ Inta ma birija wara ashan bilegetu hibub ta karma al fadulu fi shejera al fi zeraa takum, hata al kan waga falata, intum bisibu umon le nas al masakin, wan as al gurba, ana Yahwah Rabuna takum. ¹¹ Mata kum sergu, mata kum gata kedib, matakum kabasu badun. ¹² Mata kum halifu ma isim bitai be kidib ashan bikarabu isim ta Rabuna takum, ana Yabuna. ¹³ Mata dagitu jeiran takum, wala nyakam huwo. Ujura ta zol al intum ajiru le shokol keli ma fadulu le intum lahadi yom al tani. ¹⁴ Mata laanu zol al atras, awu kutu hajiz gidam zol al amiyan, lakin keli intum kafu Rabuna takum. Ana Yahwah. ¹⁵ Mata sibu mohakama keli tala ta kidib, inta ma bi amulu moja mala le zol ashan huwo meskin, wa inta ma bi amulu mojamala zol Anshan huwo mohim. Lakin keli inta hakimu jeiran taki be adala. ¹⁶ Mata douru fi nus ta nas ma kalamat ta fitna, lakin keli intum hawil ashan bihafizu haya ta jeiran takum. Ana Yahwah. ¹⁷ Mata akrah aku takum fi gulub takum, keli zol wobik nahiru jeiran taki ma kalamat al saraha, wa matakum jibu katia fi nus takum ashan zol de. ¹⁸ Mata dafa takum hajat al batal al amulu le intum, wa hasidu nas fi gulub takum. Ana Yahwah. ¹⁹ Keli intum hafizu taalimat tayi. Mata lakbatu hayiwanat taki ma hayiwanat tannin al barau, mata zarau etnein hibub barawu fi hufra wahid fi mazraa taki, wa mata libisu takum gumash al indu etnein shekel sawa. ²⁰ Zol al binum ma biniya al kadama al deir jowuzu ma rajel tani, lakin biniya de lisa ma dadama towo de, bi wodi le humon ikab, lakin ma bikatulu umon, ashan biniya de lisa ma hura. ²¹ Rajil bijibu zabiha ta galat al huwo amulu le Yahwah fi bab ta dukul le kelima ta ijitima huwo bijibu koruf ze zebiha ta galat towo. ²² Biga gesis bi amulu kafara le zol de be koruf zabiha ta galat towo le Yahwah, ashan katia al huwo kan amulu. Baad de katia ta zol de biligo afu. ²³ Iza kan intum ja fi wata/mahal wa kan zara asjar al bi akulu simar de tala kwes, intum ma bi akulu simar de towali, le muda talata sena intum ma bi akuku simar ta asjar de, huwo bikun haram. ²⁴ Lakin fi sena nimira arba kulu simar bikun mokadas mobarak, ze zabiha ta tamjid mejidu le Yahwa. ²⁵ Fi sana nimira kamsa intum bi akulu simar ta asjar de, baad intum estene ashan asjar del bi weledu simar ketir. Ana Yahwah Rabuna takum. ²⁶ Matakum akulu ayi laham al fogo dom. Matakum amulu sahar wala kajara. ²⁷ Intum ma bishilu shaar al fi atraf ta rous rastakum, wala haligu digin takum. ²⁸ Matakum gata jisim takum ashan zol al mutu, wala resimu alamat fi jisim takum. Ana Yahwah. ²⁹ Mata kum kutu binia takum nijis ze hiya bi geni amulu zina le intum, bikutu beled kulu biwaga fi zina biga wata kulu bikun sherir. ³⁰ Hafisu yom ta salawat wa hafisu mahal guwat tai, de ana Yahwah. ³¹ Matakum ruwa wara nas ta seher au nas al gi ayino kalamat be arowah. Matakum fetisu umon ashan keli umon ma kutu intum nijis. Ana Yahwah. ³² Intum keli wogif fok iza kan zol kebir al shaar towo abiyad jafi nus takum, interim nas ajusin fi nus takum. Intum bikafu Rabuna. Ana Yahwah. ³³ Iza kan fi wata al intum fogo, keli intum ma amulu huwo batal. ³⁴ Ajnebi de al geni fi nus takum bikun le intum ze mowatin tta Israel al geni fi nus takum, wa intum bihibu huwo ze intum bihibu nufus takum, ashan intum kan ajanib fi beled ta Masir, ana Yahwah Rabuna takum. ³⁵ Matakum zulum laman intum bi gisu toul, wozinu haja, wala kimiya ta haja. ³⁶ Intum bi istamulu meizan al adil, wozin Yakun adil, ephah Yakun adil, mikiyal adil. Ana Yahwah Rabuna takum, al kan tala intum min Masir. ³⁷ Intum be ehterim kulu awamir bitai wa kulu sharia tai, wa amulu umon. Ana Yahwah.”