¹ Ruwasa ta aba ta Lawin ja le Alaazar al kahin, le Yashu weled ta Nun, wa le ruwasa ta usar ta aba tumon min shaab Israel. ² Umon kelim le umon fi Shiloh fi ard Kanaan, ''Yahwah weri le be wasat ta Mosa kede itakum wedi le anina mudon al anina bi geni fugu, be mahal al mawashi tanina bi akulu fugu.'' ³ Ashan kida be awamir ta Yahwah, shaab Israel wedi le Lawin mudon de be mahalat al mawashi tumon bi akulu fugu. ⁴ Gura waga le bab ta Gahatin kan le iyal ta Haron al kan min Lawin umon ligu talatashar mudon al wedi min gebila ta Yahuza, mon gebila ta Shamoun, wa min gebila ta Benyamin. ⁵ Wa le gebila Gahat ashara mudon be gura min abuwab ta gabaiel ta Afraim, Dan wa min nus gebila ta Manassa. ⁶ Min gebila ta Jarshun waga le umon gura ta talatashar mudon, min bab ta gebila ta Yassakir, wa min gebila ta Asheer, Nafatali, wa nus gebila ta Manassa fi Bashan. ⁷ Wa la nas al kan min iyal ta Marari, bab bab, umon ligu itnashar mudon min gabaiel ta Raubin, Jad, wa Zabulun. ⁸ Shaab Israel wedi mudon de le Lawin be gura (sawa be mahal akil ta mawashi tumon), ze ma Yahwah weri le umon be wasat Mosa. ⁹ Min gebila ta Yahuza wa Shamoun, mudon de be asma tumon,. ¹⁰ Mudon al kan wedi le iyal ta Haron, al kan min abwab ta Gahatin, al umon kan min gelia ta Lawi. Lanu gura al awel kan waga le umon. ¹¹ Israeliin wedi le umon Garia Arba Abu ta Anak, nefsa mahal ze Habron, fi jebel Yahuza, be mahal ta mawashi tuo. ¹² Lakin mahal zira ta medina ma mayadin tuo wedi le kalib weled ta Yafnna, ze miras. ¹³ Umon wedi le iyal ta Haron al kahin Habron ma mahal ta mawashi tuo- wa medina Libna ma mahal ta mawashi tuo ze malja al zol al katulu zol bi jere fugu, wa ¹⁴ Yatir ma mahal ta mawashi tuo, wa Ashtamu ma mahal ta mawashi tuo. ¹⁵ Umon kaman wedi Holon ma mahal ta mawashi tuo, Dabir ma mahal ta mawashi tuo, ¹⁶ Ain ma mahal ta mawashi tuo, Yuta ma mahal ta mawashi tuo, wa Bet Shemes ma mahal ta mawashi tuo. Umon kan tissa mudon al wedi min itnin gabail de. ¹⁷ Min gebila ta Benyamin kan wedi Jabeon ma mahal ta mawashi tuo, Jaba ma mahal ta mawashi tuo, ¹⁸ Anasos ma mahal ta mawashi tuo, Almon ma mahal ta mawashi tuo. ¹⁹ Mudon al wedi le Kahana, iayal ta Haron, kan talatashar mudon, sawa ma mahal ta mawashi tuo. ²⁰ Ama bagi abuab ta Gahatin al Lawin al tabiin le usra ta Gahat- umon indu mudon tumon al wedi le umon ma gebila ta Afraim be jada gura. ²¹ Kan wedi le umon Shekimm ma mahal ta mawashi tuo fi jebel Afraim ze medina al zol al katulu zo bidun gasit bi jere fugu, Jazir ma mahal ta mawashi tuo, ²² Gibsaim ma mahal ta mawashi tuo, wa Bet Horon ma mahal ta mawashi tuo- kulu arba mudon. ²³ Min gebila ta Dan, wedi le umon Eltaga ma mahal ta mawashi tuo, wa Jabson ma mahal ta mawashi tuo, ²⁴ Ailon ma mahal ta mawashi tuo, wa Jat Rimmon ma mahal ta mawashi tuo-arba kulu arba mudon. ²⁵ Min nus gebila ta Manassa, bab ta Gahat kan wedi Taanak ma mahal ta mawashi tuo, wa Jat Rimmon ma mahal ta mawashi tuo- itnin mudon. ²⁶ Kan umon ashara mudon fi adad le bagi gebila ta Gahat, sawa ma mahal ta mawashi tumon. ²⁷ Min nus gebila ta Manassa, le bab ta Jarshon bagi Lawin, umon wedi Jolan fi Bashan ma mahal ta mawashi tuo, ze medina ta malja al kan zol katulu zol bi dun gasit bi jere fugu, sawa ma Baashtara ma mahal ta mawashi tuo- kulu itnin mudon. ²⁸ Umon bardu wedi le bab ta Jarshon min gebila ta Yasakir umon wedi Gishiun saw ma mahal ta mawashi tuo, ²⁹ Yarmut ma mahal ta mawashi tuo, wa En Jannim ma mahal ta mawashi tuo, arba mudon. ³⁰ Wa min bab ta Ashir, wedi Mishal ma mahal ta mawashi tuo, Abdon ma mahal ta mawashi tuo, ³¹ Halkah ma mahal ta mawashi tuo, Rahob ma mahal ta mawashi tuo, kulu arba mudon. ³² Min gebila ta Nafatali, umon wedi medina Gadish fi Jelil medina al zol kan katulu zol bidon gasit bi jere fugu; wa ma mahal ta mawashi tuo Hamon Dor ma mahal ta mawashi tuo, wa Gartan ma mahal ta mawashi tuo, kulu talata mudon. ³³ Umon kulu kan talatashar mudon ma mahal ta mawashi tumon. ³⁴ Wa le bagi Lawin al min bab ta Marari min gebila ta Zabulun: Yugnnam ma mahal ta mawashi tuo, wa Garta ma mahal ta mawashi tuo, ³⁵ wa Dimmna ma mahal ta mawashi tuo, wa Nahlaal ma mahal ta mawashi tuo, umon kulu arba mudon. ³⁶ Le bab ta Marari kan wedi le umon min gebila Raubin: Basir ma mahal ta mawashi tuo, wa Yahsa ma mahal ta mawashi tuo, ³⁷ Gadimus ma mahal ta mawashi tuo, wa Miffaa ma mahal ta mawashi tuo kulu arba mudon. ³⁸ Min gebila ta Jad wedi Ramus Jalaad ma mahal ta mawashi tuo ze medina ta malja al kan zol katulu zol bidon gast bi jere fugu, wa Mahanim ma mahal ta mawashi tuo, ³⁹ Bab ta Marari bardu wedi le umon Hashbon ma mahal ta mawashi tuo. Kulu kan arba mudon. ⁴⁰ De kulu kan mudon ta abuab ketir ta Marari, al kan min gebila ta Lawi-itnashar al kan wedi le umon be gura, ⁴¹ Mudon ta Lawi kulu al fi nus ta shaab Israel kan temeniya wa arbein mudon, saw ma mahal ta mawashi tumon. ⁴² Mudon de kulu ayi wahid be mahal ta mawashi tuo taraf tuo. ⁴³ Yahwah wedi le shaab Israel kulu ard al huwo halifu beu le aba tumon. Israel weriso aradi de wa geni fugu. ⁴⁴ Yala Yahwah wedi le umon raha min kulu tijah, ze ma huwo halif le aba tumon. Mafi wahid min adu tumon bi ageder kilibu umon. Yahwah selimu adu tumon kulu fi iden tumon. ⁴⁵ Mafi ayi wahid min wadad al Yahwah wunuso le shaab Israel al fashal. Kulu wadad de hasil.