1
Nadi bara hasa; hal fi zol bi juwabu inta? le yatu kudusiin al ita bi gilibu?
2
Lianu zalan bi katulu zol al belid; gira sabab ta mutu ta belitin.
3
Ana ainu zol al beled inu juzur, Lakin tuwali ana naalu bed towo.
4
Auladu beid min aman; Humon kormosu fi baab al medina. mafi zol albi ankizum.
5
Al janiin gi akulu mahasil tomon; Humon shilu min nus ta shok. Al adshan gi istahi le mal towo.
6
lianu al sobbat ma tala min turab; Wele mushkila tala min wata.
7
Bel ax insan molud le muskila, bes ze sharer gi tiri fok.
8
lakin le ana , ana bi gelibu le Allah be nefsu; le huwo ana be wodi shokol tai
9
Huwo al gi amulu adhama wa hajat alma bi fetishu, Le huwo ana bi amulu ajaib bidun adad.
10
Huwo bi wodi matar fi ardi, wa bi rasulu moyo fi zira.
11
Huwo bi yamil de ashan bi arfau fok del al wotehed; Ashan bi arfa le aman del al fi huzun.
12
Huwo bi kasuru kuta ta nas, Ashan yeden tomon ma bi istabil najah.
13
Huwo bi sherigu nas al azkiya fi shokol tomon; alkuta ta nas almorbutin bi alagu le nihaya.
14
Humon bi limu ma duluma be zaman nahar, wa fetishu be nahar ze huwo be bilel.
15
lakin huwo bi ankisu zol al fagir min sef al fi kasuma wa zol almuktaj min yeden ta nas algowin..
16
yala zol al fagir indu rajah, wa adam adala gofulu kasma.
17
Shuf, mubarak le rajil al Allah bi sehihu; Ashan kida mata mata alisu ukuba ta alagadir.
18
lianu bi ligo waja wa bi robutu; Huwo bi jarihu yala yeden towo bi alij.
19
Huwo bi kalisak min kulu sita mashakilat; Sei, fi saba mashakil, mafi shar bi habisu ita.
20
Fi jaan shedid hu bi kalisak min mot,Wa fi harib fi yeden ta sef.
21
lianu inta bi dusu min lahap ta lisan; wa ita mabi kun kuwaf min damar kan ja.
22
inta bi ataku fi damar ta jaan al shedid,Wa ita mabi kun kuwaf min kayana ta ardi.
23
lianu inta bi indu amina ma hujar fi zira taki wa kayana fi zira bikun fi salam maak.
24
Inta bi arif gal kema taki fi aman; Ita bi zuru zeriba ta korfan taki wa ita ma bi jeli aiya haja.
25
inta Kaman bi arif gal bizra taki adhim, Al ajial taki bikun ze gesh fi wata.
26
inta bi ja le turba taki fi umur kamil, Ze raas ta dura al tala fi zaman towo.asuma lou,
27
Shuf, Ena iktebir modu de; hu ze de ; le yatu kudusiin al inta bi gilibu? wa arufu le nefsak.”