¹ Yala Ayob gum juwabo Yahuwa wa kelimo, ² "Ana arufu ino ita bi agder amolo kulu haja, mafi haja taki bi agdero wogifu. ³ Ita bi asalo ana, 'Ita muno ashan bi lakabatu haja al ana katitu amulo?' Hagiga tou, ana wonuso haja al ana ma fahim, haja saab le ana ashan bi fahimo, hajat al ana ma bi arufu ann huwo ai haja. ⁴ Ita kelimo le ana, 'Asuma, hasa, wa ana yao bi wonuso; ana bi asalu ita min hajat, wa kede ita wori le ana.' ⁵ Ana asuma ann ita be adana tai, lakin hasa ena tai aino ita. ⁶ Ashan keda ana bi laom nefsa tai; ana bi tub fi turab wa rumad.' ⁷ Baad ma Allah kelimo kelimat de le Ayob, huwo gum wonuso le Alifaz al Temani, "Zalan tai wala le inta wa sabi taki al itnen de, ashan intum ma wonuso anna ana haja saah, ze ma khadam tai Ayob amulu. ⁸ Ashan keda hasa, shelo le nufus takum saba teran wa saba kurfan abu rajil, ruwa le khadam tai Ayob, wa gedimo ann nufus takum zebiha. Khadam tai Ayob bi seli le intum, wa ana bi asuma salawat tou, ashan ana ma bi akibu intum. Intum ma kelimo al hag ann ana, ze khadam tai Ayob amulo." ⁹ Fa Alifaz al Temani, Blidad al shuhi, wa Sufer al numati ruwa wa amulo ze ma Yahuwa wodi awamir le humon, wa Yahuwa rudu le Ayob. ¹⁰ Zama Ayob seli le ashab tou, Yahuwa rija le huwo ganiyan tou. Yahuwa wodi le huwo maratain akter min al huwo kan indu. ¹¹ Biga akwana ta Ayob kulu, wa ikhwat tou kulu, wa kulu zol al arufu huwo gubal keda, ja le huwo wa akulu akil ma huwo fi bed tou. Humon zahir le huwo rahman wa shejao huwo fi karisa al Yahuwa jebu le huwo, wa kulu wahi wodi le Ayob fidda wa khatim min dahab. ¹² Yahuwa bariku haya ta Ayob fi nihaya akter min bidaya; huwo indu arbaa alif khurfan, seta alif jimal, alif joz min teran, wa alif min humar abu mara. ¹⁴ Huwo kaman indo saba awlad wa talata banat. ¹³ Huwo kutu isim ta biniya nimra wahid Yemima, nimra itnen Gasiya, wa talata tou Garan Hafuk. ¹⁵ Fi ard kulu mafi nuswan giyafa ligu ze banat ta Ayob. Abu tumon wodi miras le humon sawa ma akwana tumon. ¹⁶ Baad dak, Ayob geni 140 sena; huwo aino iyal iyal tou, lahadi arbaa jeel. ¹⁷ Biga huwo mutu, ajus wa shaban fi ayam tou.