¹ Biga nas talata de askut ma juwabo Ayob ashan huwo bar fi ena tou. ² Biga zalan ta Alihu jena ta Barkhail al Buzi, min gebila ta Ram; wala le Ayob ashan huwo berir nefsa tou bidal Allah. ³ Alihu kaman zalan shedid min ashab tou al talata ashan humon ma agder juwabo le Ayob, wa ma ino humon tala Ayob galtan. ⁴ Alihu kan istena wokid tou ta wonusa le Ayob ashan rujal al talata de kubarin min huwo. ⁵ Zaman Alihu aino mafi ijaba fi kasumat ta rujal al talata, huwo tala zalan shedid ⁶ Yala Alihu jena ta Barael kelimo, "Ana suker, wa intum kubari shedi. ashan keda ana askut wa ana mader wodi rai tai le intum. Ana kelimo, ⁷ "Kede ayam al tawil wonuso; sinin al ketir deriso hikma. ⁸ Lakin fi suh fi insan; nefes ta al Gadir bi wodi le huwo fihim. ⁹ Ma ino nas al kubarin yai indo hikma, wele nas al ajusin humon barao yao bi fahim hagiga. ¹⁰ Ashan keda ana bi kelimo le intum, 'Asuma takum le ana; ana kaman bi wori le intum marafa tai.' ¹¹ Aino, ana antezr kilimat takum; ana asuma le asbab takum fi wokit al intum bi fekir kalam al intum bi wonuso. ¹² Hagiga tou, ana kutu bala le intum, lakin, aino, mafi zol min intum bi agder aknaa Ayob aw rudu le kalamat tou. ¹³ Lakin amolo takum hisab matakum kelimo, "Enna indo hikma!' Allah yao bi juwabo le Ayob; insan ma agder amolo. ¹⁴ Ashan Ayob me wajiho kilimat tou le ana, ashan keda ana ma bi juwabo huwo be nefsa kilimat takum. ¹⁵ Rujal al talata de kan motahirin; humon tani ma agder juwabo Ayob; humon ma indo kalamat tani ashan bi wonuso. ¹⁶ Ashan humon ma bi wonuso wa wogif sakit, hal kede ana istena? ¹⁷ La, ana kaman bi juwabo juzu tai, ana bi wodi fikra tai. ¹⁸ Ashan ana malian be kalam; huru al fi juwa ana bi kutu ana wonuso. ¹⁹ Aino, dus tai bi furu ze khamr al ma fatao; ze jilid al kutu fogo khamr wa der fejir. ²⁰ Ana bi wonuso ashan ana fiko nefsa; ana bi fata kasuma tai wa juwabo. ²¹ Ana ma bi jamil; wele bi wodi rutba ta sharaf le ai zol. ²² Ashan ana ma bi arufu wodi shikil rutab de; kan ana amolo, al Khalig bi shelo ana be sura.