1
Ayub bada wonasa min jedid wa gal,
2
"Oh, Ana hasa ze ta suhur al faat zaman Allah bi ainu wara ana,
3
Zaman lamba tou bi wala fi ras tai, wa zaman ana bi dowuru be wasat duluma be nur tou.
4
Oh, inu Ana hasa ze kan fi ayam ana lisa shab wa gowi zaman sadaka ta Allah kan fi kem tai,
5
zaman Al gadir ala kulu shey lisa kan ma ana, wa iyal tai kan fi hawili(jambu) ana,
6
zaman sika tai khati be zibda, wa hujar bi defig le ana tayar ta zed!
7
Zaman Ana bi ruwa buaba ta medina, zaman ana bi geni fi mahal tai fi muraba ta medina,
8
shabab bi ainu ana wa bi wogif beid be ihtiram min ana, wa kibar al sin bi gum wa wogif le ana.
9
Amra bi wogif wanasa kan ana ja; humon bi khati kasuma tomon be iden.
10
Shot ta nubala bi kun mafi, wa lisan tomon bi akir fok juwa kasuma(humon ma bi indu kalam ashan bi wonusu).
11
Baad adana tomon asuma ana, humon bi bariku ana; baad ena tomon ainu ana, bi shahidu le ana wa bi wofiku ana
12
leanu Ana ankizu zol al kan fahir zaman huwo kore, wa zol al ma indu abu zaman huwo am indu zol al bi saidu huwo.
13
Baraka tou al kan deir mutu ja le ana; Ana kutu aramil ashan bi guna be farah.
14
Ana bi libisu istikama(biir), wa huwo libisu ana; adala tai ze libsa wa amama.
15
Ana kan ena le nas amiyanin; Ana kan kura le nas mukasarin.
16
Ana abu le nas al muhtajin; Ana bi fahisu hata zol al kan ana ma arufu.
17
Ana kasuru fak ta zol al ma saleh; Ana bi talau dahaya bara beinu asnan tou.
18
Bad dak Ana kelim, 'Ana bi mutu fi bet tai; Ana difu ayam tai ze dura ta rumula.
19
Irik tai shetetu fi juwa moya, wa nada naim lel kulu fi furu tai.
20
Ihtiram le ana daiman jedid, wa danga ta guwa tai jedid kulu yom fi iden tai.'
21
Le ana nas bi asma; humon bi istene le ana; Humon bi askut ashan asuma irshidad tai.
22
baad kalam tai kalasu, humon ma bi wonusu tani mara; kalam tai ze moyo le humon.
23
Humon daiman bi istene le ana ze humon istene matar; Humon bi fata kasumat tomon shedid ashan bi asrubu kilamat tai, ze humon bi amulu le matar al tegil.
24
Ana bi ibtesim le humon zaman humon ma sedek(utwaka) Humon; humon ma aba nur ta wusa tai
25
Ana azilu sika tomon wa kutu ze sultan tomon; Ana aish(geni) ze melik fi jesh tou, ze wahid(zol) al bi azi nas al fi huzun