¹ Le zaman hukum ta nas al batalin ma kutu be al Gadir? Le nas al aminen le Allah ma bi aino yom ta hukom tou le ashrar? ² Fi nas ashrar al bi shelo alama al bi gesimo ard ta nas; fi tanin bi shelo haiwanat ta nas be guwa wa kutu fi mazra tou. ³ Humon bi shelo humar ta yetim, humon bi shelo tur ta armala ashan heya bi dafa dain tou. ⁴ Humon bi toruju nas al muhtajin min sika tumon; nas al amsakin ta alam kulu bi duso nefsa tumon min humon. ⁵ Aino, nas al masakin bi tala bara le shokol ze humar ta gaba fi sahra, bi fetishu akil be jedia; imkin sahra bi wodi le humon akil le iyal tumon. ⁶ Humon bi seregu zira ta nas tanin belel; humon bi nyakamu karma min hasat ta nas al ashrar. ⁷ Humon bi num belel kulu bedon gumash; mafi haja al bi kati humon fi zaman sekete. ⁸ Humon bi bilo be muturo ta jebal; humon bi num jambo hujar al kebir ashan bed mafi. ⁹ Fi nas ashrar bi shelo aitam min sudur ta umahat tumon, wa nas al ashrar yao bi shelo iyal ze daman min nas al masakin. ¹⁰ Lakin nas al masakin de bi daoro arian bedon gumash; jianin, humon bi arufa hizma ta gemeh ta nas tanin. ¹¹ Humon bi tala zet min zaiton fi beyot ta nas al ashrar; humon bi dosu enab ashan amolo khamr, wa humon atshanin. ¹² Fi mudun nas al bi mutu bi tal sot ta waja, wa al aogu bi kore le musaada. Lakin Allah ma bi asuma le nadi tumon. ¹³ Juzu min ashrar de itmeredu le nur; humon ma arofu sikta tou, wele humon geni fi derib tou. ¹⁴ Gubal nur ma tal al katil bi gum wa katulo al misken wa nas al mohtajin; bele ta tou huwo ze harami. ¹⁵ Kaman, ena ta zani bi istena shemis kede waga; huwo kelimo, 'Mafi ena bi aino ana.' Huwo bi kati wusa tou. ¹⁶ Bilel nas al ashrar bi fetisu biyot; lakin fi nahar humon bi gofulo nufus tumon; humon ma fadi le nur. Humon kulu bi fetisu duluma ze sabah; ¹⁷ Humon rudu hajat al bata al bi hasil bilel. ¹⁸ Humon bi ruwa be sur, ze kofuto al fi ras moya; nasib tumon fi ard molun; mafi zol bi ruwa ishtakal fi jenena tumon. ¹⁹ Ze ma jafaf wa harara bi kutu jelid tala moya, kaman Hawia bi shelo deal al amulo katia. ²⁰ Batna al weledo huwo bi nisetu huwo; kan mutu dudu bi akulu huwo; ma bi zekiro huwo tani; be teriga de, ashrar de bi kon ze shejera al kasuro. ²¹ Al asherir bi wonuso batal le nuswan al ma agider weledo; huwo ma bi saido armala. ²² Lakin Allah be guwa tou, shelo nas al indo guwa; huwo bi gawim wa ma bi saido humon fi haya. ²³ Allah kuto humon fekir ino humon fi aman, wa humon murtahi fogo, lakin ena tou fi sikat humon. ²⁴ Nas deal tala fok; le lahza, humon woduro fajaa; hagig, bi jibo humon; bi limo humon ze bagi nas (mutu); bi gato humon ze ras ta hubob. ²⁵ Kan ma zede, de muno bi asbit kalam tai de kedib; muno bi kutu (kelimo) kalam tai de farif?"