1
Ilifaz ta Temani gum kelimo,
2
"Hal zol bi kun indo faida le Allah? Hal zol al hakim bi kun indo faida le huwo?
3
Hal birr taki bi kutu Allah murtah? De yato faida al huwo bi liogo kan ita negt?
4
Hal de ashan tekris taki le huwo sibu Allah wabikh ita wa shelo ita fi mahkama?
5
Sai katia taki yao ma ketir kedir? Wele shar taki ma indo nihaya?
6
Ashan ita shelo dain be daman min aku taki bedon sabab, wa ita shelo gumash tou wa sibo huwo arian.
7
Ita ma wodi moya le nas al atshanin; ita aba akil le deal al jianin,
8
ashan ita zol kedir, hakim ta misaha kebir fi ard, ashan ita, zol al bi ihteremo, bi geni fugu.
9
Ita rasulu aramil iden fadi; kasuru iden ta yatama.
10
Ashan keda, khatar hawil ita, wa khof al mufaji bi tabu ita.
11
Fi duluma, ashan kede ita ma aino; moya ketir kati ita.
12
Allah mush yao fok fi sama? Bi aino fi nujum al fok, goduro shuno humon fok!
13
Ita kelimo, 'Allah bi arufu shuno Hal huwo bi agder hakimo min juwa duluma?
14
Gumash al tegil yao bi kati huwo, ashan keda huwo ma bi aino;huwo bi geni baed fok fi sama.'
15
Kede ita sibu sika al gedim al sherir bi dauro fugu-
16
deal al mutu gubal zaman tumon, deal al asas tumon masao bara be feidan,
17
deal al kelimo le Allah, 'Ruwa min enna'; dea; al wonuso, 'Al Gadeir bi amulo shuno le enna?'
18
Fi de kulu huwo mala biyut tumon be hajat al kwais; khuta ta ashrar bayid min ana.
19
Nas al abrar bi aino shuno al bi hasil le sherir wa humon farhanin; humon bi ataku wa aliso humon.
20
Humon bi kelimo, 'Hagiga delin al bi arufa nufus tumon did enna gatau humon bara; nar akulu kulu hajat tumon al fadulo.'
21
Hasa tifagu ma Allah wa geni fi salam ma huwo; be teriga de, kher bi ja le ita.
22
Rudu, ana bi asalu ita, kalam al min kasuma tou; kutu kalam tou fo geliba taki.
23
Kan ita rija le al Gagir, ita bi raba, kan ita shelo katiia bara min khema taki.
24
Kuto mumtalakat taki fi turab, dahab ta Ofir fi hujar ta waadi,
25
wa Allah bi kun dahab, fidda taki al galii.
26
Biga ita bi itlazaz be huwo; ita arufa wusa taki gidam ta Allah.
27
Ita bi seli le huwo, wa huwo bi asuma le ita; ita bi wodi nizr taki.
28
Ita kaman bi alino ai haja , wa bi amulo le ita; nur bi wala fi sika tai.
29
Allah bi asuru zol al mutakebir, wa huwo bi hafizo al mutawadi.
30
Huwo bi ankizo hata zol al galtan be saba ta geliba taki al nedif."