¹ Yala hu kan yom wokit aulat ta Allah ja gedim nufusum fi gidam ta Yahweh. Satan Kaman ja mahum ashan gedim nefsu gidam Yahweh. ² Yahweh kelim le Satan, “Min wen inta ja? “ Yala Satan juwabu Yahweh wa kelim “min lafaat fi ardi ,min ruah hinak wa hini fogo.” ³ Yahweh kelim le Satan, “ Hal inta iktebir kadam tai Ayub?Lianu mafi wahid zeiyu fi dunia ,bila loum wa rajil adil,wahid albi kaaf Allah wa agelibu bara min shar. Hu lisa mudmasik ma istikama towo mahmakan inta lizu ana did huwo ,ashan demiru budun sabab.” ⁴ Satan Juwabu Yahweh wa kelim, “Jilid ma Jilid, sei; al rajil bi istelim kulu alhuwo indu ashan hayatu. ⁵ lakin shilu bara yeden taki hasa wa lemesu udam towo wa jisim towo ,wa ainu iza kan huwo mabi naalu inta fi woshak.” ⁶ Yahweh kelim le Satan, Shuf, huwo fi yedenak; hu bes haya towo mata lemesu.” ⁷ Yala Satan ruah bara min gidam ta Yahweh. Huwo dugu Ayub ma waja shedid gi furu min tehed kura towo lahaidi raasu. ⁸ Ayub shilu ginta ta gurma al kasuru ashan angurusu jisim towo mau, wa huwo geni fi nus rumat. ⁹ Yala mara towo kelim lou, “Hal inta mudmasik ma Istekama taki? Naalu Allah wa mutu.” ¹⁰ Lakin huwo kelim le hia , “ inta gi kelim ze mara al belid fi kalam. Hal ena bi istakbil al kuwes min Allah wa ma bi istakbil albatal? “ fi kulu mushkila de, Ayub ma amulu katiya ma kasma towo. ¹¹ Hasa wokit talata asdika ta Ayub asuma kulu al shar al ja lou ,kulu wahid ja min mahal towo : Eliphas al Temaniti, Bildad al Shuhiti, wa Zophar al Naamathiti. Humon nizamu zaman ashan ja ahzin mau wa arshidu. ¹² wokit hum arfa uyunum min masafa beid , humon ma lahizu huwo. Humon arfa sot tomon fok wa kore ; aiya wahid sheretu jalabia towo wa kubu turab fok wa fi raasum. ¹³ yala humon geni mau fi waata le saba ayam was aba lel . mafi zol wonusu kelima lou, lianu hum ainu huzun towo kebir kalis.