¹ Ruhu tai biga daef, wa ayam tai kalaso, gubur jahiz le ana. ² Hagiga fi nas al bi aliso ana; ena tai daiman bi aino fetiso kalam tumon. ³ Allah, amolo ahad ma ana, kede ita geni damana tai; fi munu tani al bi saido ana? ⁴ Ashan ita, Allah, kait gulub tumon ashan bi fahim; be keda , ita ma bi arufa humon fok min ana. ⁵ Zol al bi amolo khiana le sabi tou le faida tou, iyon ta iyal tou bi taban. ⁶ Lakin zol al kutu ana misal le nas; humon tufu buzag fi wosa tai. ⁸ Ana kaman big amian be sabab ta huzun; kulu haja fi jisim tai biga deyef ze dul. ⁷ Nas al adilin bi wogif fi kalam de; zol al barr bi tala zalan shedid min nas al ma bi kafu Allah ^{9 10} Zol al barr bi hafizo sika tou; al iden tou nedif bi tal gawi wa gawi. ¹⁰ Lakin taal takum hasa, fi itakum kulu; ana ma liga nus takum zol al hakim. ¹¹ Ayam tai kalaso; haja al ana khatito ma bi hasil, wa hata kaman neyat ta geliba tai. ¹² Nas deal, al bi aliso, bi nadi bilel nahar; humon bi kelimo kan bilel bi ja, ino nahar jaai. ¹³ Kan Hawia yao beat al ana bi itmana; wa kan ana sala sika tai fi duluma; ¹⁴ wa kan ana kelimo le hufra, 'Ita abu tai,' wa le dudu, 'Ita uma tai aw akhut tai,' ¹⁵ biga weno raja tai? Muno bi agder aino raja tai? ¹⁶ Hal raja bi ruwa ma ana tihit le bab ta Hawia zaman bi nezilo ana fi turab?"