¹ Al keima ja le Ermiah min Yahuah zaman melik Zedekiah rasal Pashhur welet ta Malkijah wa Zephaniah welet ta Maaseiah al kahin le uwo, wa umon kelim, ² ''Fetisu irsad min Yahuah niaba an nina, lianu Nebuchadnezzar melik ta Babylon biga deyiru sakila fogo nina. Bi kun Yahuah bi amulu mojizat le nina, ze fi zaman bediri, wa bi sibu uwo rija wara min nina.'' ³ Kida Ermiah kelim le umon, ''De yau sunu itakum lazim bi kelim le Zedekiah, ⁴ Yahuah, Allah ta Israil, kelim zede: Ayinu, Ana gerib le gilibu wara al hajat ta sakila al yau fi iden takum, al ma uwo itakum bi sakila dit al melik ta Babylon wa Khaldanien al biga gofulu itakum jua min bebara al hetat! Lianu Ana bi limu umon fi al wasat/nus ta medina de. ⁵ Biga Ana nefsatai bi sakila dit itakum ma arfau iden wa ida gowi, wa ma gadab,zalan, wa zalan sedid. ⁶ Lianu Ana bi hajimu al sukan ta medina de, kulu min insan wa haiwan. Umon bi mutu fi al daraba sedid. ⁷ Bat de_de Yahuah yau alinu_Zedekiah melik ta Yahuzah, kadamin tao, al nas, wa ayiwahid al fadulu fi medina de bat al darba, al sef, wa al majaa, Ana bi wodi umon kulu fogo al ida ta Nebuhadnezzar melik ta Babylon, wa fogo al ida ta adda tomon, wa fogo al ida ta delin fi fetisu haya tomon. Biga uwo bi katulu umon ma al taraf ta al sef. Uwo ma bi arham umon, jamilu umon, au indu rahma.' ⁸ Biga le nas de itakum lazim bi kelim, 'Yahuah kelim zede: Ayinu, Ana gerib le kutu gidam takum al sika ta haya wa al sika ta mutu. ⁹ Ayiwahid bi geni fi medina de bi mutu be al sef, majaa, wa darba/waba; lakin ayiwahd rua bara wa waga be rukuba tao gidam al Khaldanien al kalas gofulu jua dit itakum bi geni hai. Uwo bi tefes ma haya tao. ¹⁰ Lianu Ana kalas kutu/gilibu usa tai dit medina de le jibu karisa/karaba wa ma le jibu kuwes-de Yahuah yau alinu. Uwo kalas biga wodi fogo al ida ta al melik ta Babylon wa uwo bi haragu uwo.' ¹¹ Bekusus al bet ta al melik ta Yahuzah, asuma le al kelima ta Yahuah. ¹² Bet ta Daud , Yahuah kelim, 'Jibu an adala fi al sabah. Ankisu al wahid al kalas biga niyakamu be al ida ta al muassirin, au zalan tai bi rua bara ze nar wa haragu, wa bi kun mafi ayi wahid inak al bi batulu uwo, ashan be amail takum batal. ¹³ Ayinu, sukan ta al wadi! Ana dit itakum, hujar ta al mutala_de Yahuah yau alinu_Ana dit ayiwahid al bi kelim, ''Munu bi ja tehet le hajimu nina?'' Au ''Munu bi dakalu fi biut taina ?'' ¹⁴ Ana kalas wodi al simar ta hajat takum geni amulu le bi/ja dit itakum_de Yahuah yau alinu_wa Ana bi wala nar fi al kasab ketir, wa uwo bi akulu/demiru ayihaja gerib le uwo.