¹ Wululu le delin al bi gata gedia be zulum wa kataba al bi sejilu kizib. ² Umon bi shilu hag ta miskin, wa bi nakamu hak ta nas tai al tabanin, bi zulumu atrmala, wa bi kutu atimin yao haiwan ta gaba tumon! ³ Inta bi amulu shunu fi yom ta hukum kan damar ja min bait? Intakum bi jere le muno le musada, wa intakum bi sibu shukul ganian takum wen? ⁴ Mafi haja fadulu, gubudu intakum fi nus ta masajin, wele intakum waga fi nus ta maitin. Fi hajat de kulu, zalan tuo ma wasa; lakin iden tuo lisa bi midu. ⁵ Wululu le Ashur, asaya ta zalan tai, asya al ana bi weri beu zalan tai! ⁶ Ana bi rasulu huwo beled al belitin wa le did nas al bi arfa wusiya tai. Ana bi wedi le huwo awamir kede shilu haja al karabu, wa bi shilu ferisa, wa bi dusu umon ze tiin fi sika. ⁷ Lakin de haja al huwo der, wele huwo bi fekir be teriga de. Fi geliba tuo huwo der demiro wa wuduru bilad ketir. ⁸ Lanu huwo kelim, ''Hal ruwasa tai kulu ma muluk? ⁹ Hal Kalno ma ze Karkamish? Hal Hamah ma ze Arfad? Hal Samira ma ze Dam,ashek? ¹⁰ Ze ma iden tai gilibu mamlakat ta zinna, al asnam tumon kan nazim min ta Urshelim wa Samira, ¹¹ bes ze ma ana amulu le Samira wa asnam tuo al ma indu faida, hal ana ma bi amulu nefsa haja le Urshelim wa le asnam tuo?'' ¹² Kan Rabuna kalasau shukul tuo fi jebel Sahiun wa fi Urshelim, Ana bi wedi igab le kalam ta geliba ta melik ta Ashur al belid wa ayinu tuo ta kibiria. ¹³ Lanu huwo bi kelim, ''Ana bi ishtakal be hikama wa guwa tai. Ana indu faham, wa shilu hudud ta nas. Ana seregu hajat tumon al gali, wa ze tor ana jada sukan tihit. ¹⁴ Iden ta gubudu, ze shabaka, shukul ganian ta umam, wa ze zol al bi limu baida ketir, Ana limu ard kulu. Mafi wahid ageder ferigu jenhen tumon wele fata kasamat tumon.'' ¹⁵ Hal fas be kebir nefsa tuo did de al bi gata bau? Hal munshar bi kebir nfsa tuo le de la bi gata bau? Kan ze asaya bi rafa delin al bi arfa huwo, ze kashab bi arfa zol. ¹⁶ Ashan kida Rabuna Yahwah ta junud bi rasulu shukul jugut le delin al sumanin; wa tihit mejid tuo bi kun fi sheme bi wala ze nar. ¹⁷ Nur ta Israel bi tala nar, wa Kudus de bi kun lehib; bi aragu wa bi akulu shuk wa hasak fi yom wahid. ¹⁸ Yahwah bi aragu mejid ta gabat tuo wa ta wata tuo al musmir, kulu itnin jisim wea nefsa; bi kun ze kan haya ta zol al ayan kalasu. ¹⁹ Bagi ashjar ta gaba tuo bikun besit, jena dak de bi ageder iddu umon. ²⁰ Fi yom dak de, bagi ta Israel, usura ta Yagub al jere, tani ma bi teki le delin al gilibu umon, lakin bi teki le Yahwah, kudus ta Israel. ²¹ Bagi ta Yagub bi rija le Allah al gadir. ²² Ragmi inu shaab taki Israel, ze rumula ta taraf bahar, best bagi min umon yao bi rija. Damar alinu, ze am bir deru. ²³ Ashan Yahwah Allah ta junud, bi ruwa jibu damar le wata kulu. ²⁴ Ashan kida Yahwah Rab al junud kelim, ''Shaab tai al bi geni fi Sahiun, ma bi kafu Ashurien. Huwo bi dugu intakum be asaya wa bi arfa asaya tuo did intakum, ze Masrien amulu. ²⁵ Matakum kafu huwo, lanu le zaman guser zalan tai did intakum bi intaha, wa zalan tai bi wedi huwo le damar tuo.'' ²⁶ Yala Yahwah ta junud jibu sut wa darba did umon ze ma huwo durubu Midianin fi hajer Gurab. Huwo bi arfa asaya tuo fugu bahar ze ma huwo amulu fi Masir. ²⁷ Fi zaman dak, degila tuo arfau min kitifa takum wa nir tuo min ragabta takum, wa nir de bi kasurui be shukul semin. ²⁸ Adu ja le Aias wa mururu be Majron; fi Mika,mash huwo kazinu hajat tuo. ²⁹ Umon mururu be Mabar wa num fi Jabaa. Ramah kafu wa jibaa ta Shauol tefes. ³⁰ Kure be sout ya biniya ta Jelim! Kutu bala, ya Lisha! Inta ya Anasus al miskin! ³¹ Madmina tefes, wa sukan ta Jebim be jere le himaya. ³² Yom dak de bi wegif fi Nob wa bi hizu jisim fi jebel ta biniya ta Sahiun, jebel ta Urshelim. ³³ Yao Yahwah Rab al junud bi sibu furu ta shejera weledu be guwa; shejal al atwal bi gatau bara, wa nas al mutkebirin bi nezilu umon tihit. ³⁴ Huwo bi gata tihit gaba al kubarin de be fas, wa Lobnan bi waga be mejid tuo.