¹ Ana bi wogif fi makan tai wa sabito nefsa tai fi buruj, wa ragibo biraa ashan bi aino huwo bi kelimo shuno le ana be khusus shakwa tai de. ² Yahuwa juwabo le ana gali, "Sejill rauwya de, wa katibo wadih fi terebeza ashan zol al bi jere bi agder agara. ³ Ashan rauwya de ta mustagbal al jai wa bi amolo nefsa tou wa ma bi fashal. Fekir ino bi akir, lakin istena. Ashan huwo akid bi ja wa ma bi akir. ⁴ Aino! Delin al niyat tumon ma nedif humon bi kebiro nefsa tumon. Lakin al abrar bi hai be iman. ⁵ Leano khamr huwo khain le shab al mutakabir ashan huwo ma bi sabit, lakin bi zido niyat ze gabor wa, ze moto, ma bi tala shaban. Huwo bi limo le nefsa tou kulu ummam wa limo le nefsa tou nas kulu. ⁶ Lakin gerib kulu del al humon gobodo bi hagiro wa guna ann huwo, gali,' Lanaa le zol al bi limo le huwo hajat al ma nta tou! Ashan lahadi miten ita bi zido kemiya ta hajat al ita bi limo?' ⁷ Nas del al ita bi asoro de ma bi gom le ita yom tani, wa bi koto ita kafo humon? ⁸ Ashan ita agila hajat ta (Nahab) nas ketir, bagi shab de shelo hajat taki be guwa. Ashan ita dofugo dom ta insan wa ita amolo shar fi ard, medina, wa kulu hai al geni fogo. ⁹ kharab le de al bi limo mksab al haram fi bet tou, biga bi abino bet tou fi makan fok ashan bi hafizo nefsa tou min iden ta ado.' ¹⁰ Ita jibo fadia le bet katolo nas ketir, wa ita jibo damar le nefsa taki. ¹¹ Leano hujar bi kore min heta, wab musadat ta timber bi juwabo le humon, ¹² Kharab le zol al abino medina be dom, wa al bi asiso beled be khatiya.' ¹³ De ma yao hukum min Yahuwa ino tab ta nas bi ruwa fi nar wa shokol tumon le kusara? ¹⁴ Ashan arid bi mala be marafa ta mejid ta Yahuwa ze ma moya bi kafi bahar. ¹⁵ Hajat batal bi hasil le intum shab ta Babil, al intum asoro bilad al jeran takom ashan bi sekran. Ita asoro humo ashrab ketir lahadi humon biga sekranin wa daoro ariyanin yala intum biga murtahin be shikil toumn. ¹⁶ Itakom bi mala be fadiya bidal mejid. Hasa de zaman takom! Ashrab takom, wa intum bi zahir jisem takom al ma gatao de! Kobaya de fi iden ta Yahuwa al yemin bi ja le intum, wa fadiya bi kati intum bedal mejid ¹⁷ Mashakil al hasil fi Libnan bi futu guwa taki wa teriga al demiro be haiwanat de bi sibo ita kafo. Ashan ita dofugo dom ta nas wa amolo hajat batal fi arid, modon, wa wa kulu haja al bi geni fugu. ¹⁸ Faida ta sanam shuno le ita? Ashan zol al amolo, aw zol al sala sanam min hadid, huwo bi deriso kidib; ashan huwo bi sedig haja al huwo salao shokol ta iden tou fi zaman al huwo sala allah al atrash. ¹⁹ Tab le zol al bi kelimo le khashab, Gom fok! Aw le hajer al ma bi wonuso, Gom!' Amolo deriso hajat de? Aino, kati huwo be dahab wa fida, lakin mafi haya fogo. ²⁰ Lakin Yahuwa fi haikal tou al mokadas! Arid kulu kede askot fi gidam tou"