1
Yusif amiru kadam ta bed towo, kelim, amla shawalat ta rijal de ma akil, godur al humon bi aged arfa wa kutu gurush ta ai rajil fi shawal towo;
2
Wa kutu kubaya tai fida de fi fatha shawal ta sheker de, wa Kaman gurush towo ta dura, “al kadam amulu ze Yusif kelim.
3
Fi saaba bedir al rijal del rasul bara hum wa hamir tomon.
4
Wokit humon tala bara medina lakin ma baid kalis Yusif kelim le kadam towo, “gum fok, tabi wara rijil del, wa wokit ita kerimu humon, kelim le humon le ita kum rajah al sher be alkuwes?
5
Hal de ma kubaya al said tai gi adrab min fogo? Wa kubaya al huwo gi istakdimu le salawat? Itu amulu shur, haja al itakum amulu de”.
6
Al kadam de kerimu humon wa kelim kalam de le humon.
7
Humon kelim kalam te huwo, “le said tena bi kelim kalam ze de? Beid min ena ze kadamin ashan bi amulu kalam ze de.
8
Ienu al gurush al ena ligo fi shawalat tena ena jibu tani mara le itakum min fi ardi Canaan. Kef ena be seregu min bed ta said taki fida wala zahab?
9
Kan iya wahid min kadam taki ligo endu keli mutu, wa kadam almosul kelim,
10
“Hasa keli yekun ze itakum kelim, ai zol al ligo le huwo gubaya de bikun abid le ana, wa albagi bi Yakun hurr.
11
Yala iya rajil alagu kutu shawal towo tehed, wa iya rajil fatah shawal towo.
12
Al kadam almosul fetish. Huwo bada ma al kebir Lahil suker, wa al kupabaya alfida de ligo fi shawal ta Benjamin.
13
Yala humon sheretu gumash tomon, kulu rajil shahinu hamir towo wa raja wara le Medina.
14
Yahuza wa akuanu ja le beed ta Yusif huwo lisa fi hinak, wa humon dengiry gidam towo fi wata.
15
Yusif kelim le humon “de shunu al intu amulu? Itu ma arif inu al rajil ze ana endu sahar?
16
Yahuza kelim, “ena bi kelim shunu le said tena? Ena bi wonusu shunu? Au kef ena bi beri nufusna? Allah ligo katiya ta kadamin taki. Shuf nihna kadamin taki ya said, kulana wa Kaman hu al kubaya ligo ma huwo.
17
Yusif kelim keli yekun beid min ana ashan bi amil de al rajil al ligo min huwo kubaya de, zol dak bi kun kadam tai, lakin al tannin keli ruah be salam le Abu takum”
18
Yala Yuhuza ja gerib le huwo wa kelim, “ya said tai, arjuk keli kadam taki wonusu kalam fi adana ta said tai, wa keli zalan taki ma wala did kadam taki inta best ze Pharaon.
19
Al said tai sal kadamin towo, gali ital. indakum abu wala aku?
20
Ena kelim le said tena ena endu abu; al rajil ajuz, wa jena fi umur ajuz. De al azgar wahid, lakin aku towo mutu wa huwo barau yau sibu le uma towo, wa abu bihubu kalis.
21
Yala inta kelim le kadamin taki, keli jibu ashan ita deiru shufu.
22
Baad dak ena kelim le said tena, al waled mabi agder ashan sibu abu, iza kan huwo sibu abu, abu bi mut.
23
Yala inta kelim le kadamin taki, ile aku takum al suker ja ma etakum, itakum bi iyenu wusa tai tani mara
24
Yala baad ena ruah le abu tena kadam taki ena wori le huwo kalamat ta said tena.
25
Abu tena kelim, ruah tani isteri lena akil.
26
Yala ena kelim, ena ma bi agder ruah ile iza akur tena al suker bi kun ma ena, yala ena bi ruah fa ena ma bi agder iyenu wusa ta rajil de ile kan aku tena al suker de fi ma ena.
27
Abid taki abu tena kelim lena, itu bi arif gal zoja tai weledu lena ethnen awlad.
28
Wahid ninum ruah bara min ana wa ana kelim, “hagiga tan huwo sheretu hetaheta, wa ana ma enu huwo minzamandak.
29
Hasa iza itakum Kaman shilu de min ana wa muskila ja le huwo, itakum bi jibu shar tai al abiaad de ma tab wa mutu.
30
Hasa, ashan kida wokid ana jai min kadam taki abu tai wa rajil al suker de ma bena minzaman haya towo morbut ma haya ta weled de.
31
Bi yekun, wokit huwo enu al weled de ma bema huwo bi mutu. Kadamin taki bi kutu shar ta abutena al abiad de ma tab wa mutu.
32
Ta ana kadam taki biga yau damana le welede le abutai ana kelim, iza ana ma jibu le ita, ana bi istamal kulu kata le abutai lel abad.
33
Hasa ashan kida, arijuk keli ana kadam taki geni le ita abid mn bidal weled de ya said tena, wa keli weled de ruah ma akuana towo.
34
Kef ana bi ruah le abutai iza kan weled de ma mai? Ana kaif ashan ienu al shaar al bijah le abu tai