¹ Fa ja fi sita sana wa sita shahar, fi yom al kamis ta shahar, ze ana geni fi bet tai wa shuyukh ta Yahuza geni gedam ana, inu al yadan ta Rabuna Yahwa tani waga fogo ana hinak. ² Fa ana ayenu, wa hinak kan ze mazhar ta insaan. Min mazhar ta warak tou le tihit hinak kan fi nar. Wa min warak tou le fok hinak kan mazhar ta haja bi wala, ze gezaz al walau. ³ Yala huwo wusulu bara le shikil ta yadan wa shilu ana ma shaear ta ras; al Rohoaruf ana fok bein ard wa sama, wa fi ruya min Allah, huwo jibu ana le Uruselim, le madkal ta juwa ta bab al shamli, al fogo asnam bi hagiru ghyira azim kan wagifi. ⁴ Yala ayenu, al mejid ta Allah ta Israel kan hinak, hasab ruya ana iayenu fogo adi. ⁵ Yala huwo kelim le ana, ''Jena ta insaan, arufa fok uyuun taki le shamal. ''Fa ana arufa uyuun tai le shamal, wa le shamal ta bab al mashi le mazbah, hinak fi madkal, kan sanam ta ghyra. ⁶ Fa huwo kelim le ana, ''Jena ta insaan, hal inta ayenu haja al humon bi amulu? Del yau fagarat al azim al bet ta Israel bi amulu hini ashan bi kutu ana ruwa beid min haykal tai. Lakin inta bi rija wa ayenu hata fagarat al azim.''' ⁷ Yala huwo jibu ana le bab ta medan ta bet, wa ana ayenu, wa hinak kan hufura fi heita. ⁸ Huwo kelim le ana, Jena ta insaan, hafura fi heita.'' Fa ana hafura fi heita, wa hinak kan bab. ⁹ Yala huwo kelim le ana, ''Ruwa wa ayenu fagarat al sharir al humon bi amulu hini.'' ¹⁰ Fa ana dakalu wa ayenu, wa, ana ayenu hinak sura fi heita kulu kulu shikil ta hajat al bimidu min tihit wa haywanat affin, wa kulu asnam ta bet ta Isarel. ¹¹ Sebein shuyukh ta bet ta Israel kan hinak, wa Jaazaniah jena ta Shaphan kan wagif fi nus tomon. Humon kan wagifiin fi gedam ta sura, wa kulu riajil indu mubakhara tou fi yadan tou ahan reha ta sihab ta bakhuf bi ruwa fok. ¹² Huwo kelim le ana, Jena ta insaan, hal inta ayenu haja al shuyukh ta bet ta Israel bi amulu fi duluma? Kulu wahid al amulu de fi sirr fi ghurfa ta sanm tou, leanu humon kelim, Yahwa ma bi ayenu anina! Yahwa sibu al ard.'''' ¹³ Yala huwo kelim le ana, '''Gelibu tani wa ayenu le fagarat azim al humon bi amulu.'' ¹⁴ Bad dak huwo jibu ana le madkal ta bab ta bet ta Yahwa al kan fi tija shamal, wa ayenu! nasawiin kan gayidin hinak haznaiin le Tammuz. ¹⁵ Fa huwo kelim le ana, '''Hal inta ayenu de, jena ta insaan? Gelibu tani wa ayenu hata fagarat al azim min del .'' ¹⁶ Huwo jibu ana fi juwa medan ta bet ta bet ta Yahwa, wa ayenu! fi madkal ta haykal ta Yahwa bein al rwaq wa al mazbah, hinak kan kamsa ishriin rijal ma dahar tomon le haykal ta Yahwa wa wosa tomon le sharik, wa humon kan bi abidu al shms. ¹⁷ Huwo kelim le ana, ''Hal inta ayenu de, jena ta insaan? Hal haja soker le bet ta Yahuza ashan bi amulu fagarat del al humon amulu hini? Leanu humon mala al ard ma eunf wa humon gelibu tani ashan hagiru ana le zalan, kutu al farae fi anafa tomon. ¹⁸ Fa ana bi amulu kaman fi nus tomon; ena tai ma bi indu rahma, wa ana ma bi kutu humon ezber, Hata wa lo humon kore fi adana tai ma sawt fok, ana ma bi asuma humon.''