1
Kelim ta Yahwa ja le ana, gal,
2
''Jena ta insaan, jahizu wosa taki ded jubal ta Israel wa itnaba le humon.
3
Kelim, 'Jubaal ta Israel, asuma le kelima ta Rabuna Yahwa! Rabuna Yahwa kelimkeda le jubaal wa le ttalal, le majra ta nahar, wa le wadi: Ayenu! ana bi jibu safe ded inta, wa ana bi demiru mahalat takum al fok.
4
Yala mazbah takum bi kutu mudemir wa amida takum bi demiru, wa ana bi jada tihit mayit takum fi gedam ta asnam takum.
5
Ana bi kutu mayit ta nas ta Israel gedam ta asnam tomon, wa shetetu eazam takum hawili mazbaha.
6
Kulu al inta bi geni, mudon bi kutu wasaka wa mahalat al fok bi kasuru, ashan mazbah takum bi kutu wasaka wa bi karabu Yala humon bi kasuru wa bi woduru, amida takum bi khatau tihih wa shokul takum bi masau bara.
7
Mayit bi waga tihit fi nus takum wa intum bi arufu inu ana Yahwa.
8
Lakin ana bi hafizu bagi fi nus takum, wa hinak tanin bi jere kin safe fi nus ta umam, zaman al kan shetetu intum fi belaad kulu.
9
Yala del al jere bi fekir an ana fi nus ta umam hinak bi amsuku humon sabi, al ana kan hazin ma gelba tomon al laakhlaqi al agelibu bara min ana, wa ma uyuun tomon al zana wara asnam tomon. Yala humon bi beinu affin fi wosa tomon ashan sharr al humon amulu ma kulu fagarat.
10
Fa humon bi arufu inu ana Yahwa. Huwo le sabab al ana klim ana bi jibu nihaya ta sharr le humon.
11
Rabuna Yahwa kelim keda: Safaq yadan takum wa meshi kura taki! 'La! 'ashan kulu fagarat al sharir ta bet ta Israel! Leanu humon bi waga ma safe, majaa, wa waba.
12
Al beid bi mutu ma waba, wa al humon gerib bi waga ma safe. Del al fadulu wa naja bi mutu ma majaa. Fi teriga de ana bi kamilu zalan tai al shedid ded humon.
13
Yala inta bi arufu inu ana Yahwa, zaman mayit tomon num fi nus asnam tomon, hawili mazbah tomon, fogo kulu ttal ali__fogo kulu qimam ta jubaal,wa tihit kulu shajar al ghaniyan wa baluta al tegil__al mahala alhumon bi haragu fogobukhur le kulu asnam tomon.
14
Ana bi hujumu ma yadan tai wa kutu ard mudemir wa wasaka, in al barria le Diblah, fi kulu mahalat al humon bi geni fogo. Yala humon bi arufu inu ana Yahwa.'''