¹ Kalam ta Yahwa ja le ana gal, ² Jena ta insaan, kan fi etnin nuswan, banat ta nefsu umma. Humon amulu zina fi Mesir fi zaman ta shababia tomon. ³ Humon amulu zina hinak. Sudur tomon kan asuru wa kasma sudur tomon kan karabu hinak. ⁴ Asma tomon kan Oholah__akut al kebir__wa Oholibah__akut tou al soker. Yala humon biga tai wa weledu awulaad wa banat. Asma tomon mana tou ze deOholah Samiria, wa Oholibah mana tou Uruselim. ⁵ Lakin Oholah amulu ze sharamuta hata zaman haye kan tai; heya istemir le muhaba ta heya, leanu al asuriyiin la kan musaitar, ⁶ alhukuma al lebisu azarq, wa le musuliin tou, al kan huwi wa jamil, humon kulu rijal rakibiin hasin. ⁷ Fa heya wodi nefsa tou ze sharamuta le humon, le kulu kwes ta rijal ta Asuriyiin, wa heya amulu nefsa ma nedif ma kulu wahid heya istemir__wa ma kulu asnam tomon. ⁸ Leanu heya ma sibu suluk tou ta shamata wara fi Mesir, zaman humon kabasu ma heya zaman heya kan binia soker, zaman humon itamal ma azra ta heya hadinu wa kubu bara shuhuwa fogo heya. ⁹ Ashan keda ana wodi le heya fi yadan ta habib tou fi yadan ta Asuriyiin leanu heya al mustehi. ¹⁰ Humon ma khati ariyan ta heya, shilu iyal ta heya wa banat, katulu heya ma sayf, wa heya tala suma kab fi nus nuswan tanin, fa humon nefizu hukum fogo heya. ¹¹ akut ta heya Oholibah ayenu keda, lakin heya mustehi hata bihamas ketir wa amulu ze sharamuta hata aktar min akut ta heya. ¹² Heya mustehi le Asuriyiin, al hakumat wa hakumamt al musaitaral lebisu ajib, rijal la kan arkab hasin. Kulu humon kan guwi, rijal jamiliin. ¹³ Ana ayenu inu heya amulu nefsu ma nedf. huwo kan nefsu le kulu ikwat. ¹⁴ Yala heya zidu shamata ta heya ketir. Heya ayenu rijal khati fogo heita, arqam ta Keldanin masau be ahmr, ¹⁵ lebisu gass hawili sulba tomon, ma amayim al bi dufugu fogo ras tomon. Kulu humon indu mazhar ta dubat ta aaba jaysh, fi shekil ta Iyal ta Babylon, al ard tou al amhali Keldaniin. ¹⁶ Ze geribena ta heya ayenu humon, heya ishtehi le humon, fa heya rasulu marasulaat le humon fi Keldaniin. ¹⁷ Yala al Babyloniyin ja le heya wa le serie ta heya ta shuhuwa, wa humon amulu heya ma nedif ma laa akhlaqi. be haja al heya amulu heya kan amulu ghyr nedif, fa heya gelibu nefsa ta heya bara min humon fi taab. ¹⁸ Ashan keda zahiu amayil ta heya ta sharmata wa ariyan ta heya al ma khati, ana gilibu bara min heya, bes ze ana agilibu fi ayan min akut ta heya, ¹⁹ Yala heya zidu shamata ta heya ze ma heya zekir ayam ta shabab ta heya, heya kan sharamuta fi ard ta Mesir. ²⁰ Fa heya ishtah le mahbubiin tou, ada tomon al kas ze hamir, wa al barnamij tomon ta weledu kan ze hasin del. ²¹ De yau kef inta amulu amayil ta fadiya ta shabab taki. zaman Mesiriyiin itamal kasma sudur takum kwes w asuru sudur takum al soker. ²² Ashan keda, Oholibah, Rabuna Yahwa kelim keda, Ayenu! ana bi gilibu mahbubiin takum ded intum, Del al min intum agilibu bara min humon, ana bi jibu humon ded intum min kulu itija: ²³ al Babyloniyin wa kulu aal Keldaniyin, Pekod, Shoa, wa Koa, wa kulu al Asuriyiin ma humon, guwa, rijal wusimiin, wulaa wa qada, humon kulu dubbat wa rijal ta suma, kulu humon al arkab fi hasin. ²⁴ Humon bi ja ded inta ma asliha, wa ma murkibat wa arabat, wa ma jumhur azim ta nas. Humon bi jahizu daraqa kebir, daraga soker, wa tegia ded inta hawili inta kulu. Ana bi wodi le humon al fursa ashan aqibu inta, wa humon bi aqibu inta ma amayil tomon. ²⁵ Leanu ana bi jahizu ghyra ta zalan tai fogo inta, wa humon bi timu ma inta fi zalan shedid. Humon bi gata bara anafa taki wa adana taki, wa al najihin taki bi waga biwasat sayf. Humon bi shilu bara awulaad taki wa banat taki, wa al najihiin taki bi shetetu biwasat nar. ²⁶ Humon bi gata inta bara min gumash wa shilu bara kulu majwhrat taki. ²⁷ Fa ana bi agila suluk taki ta fadiya min inta wa amayil taki ta shamata min al ard ta Mesir. Inta ma bi arufa uyuun taki fok le humon ma raqbq, wa inta bi fekir ann Mesir tani. ²⁸ Leanu Rabuna Yahwa kelim keda, Ayenu ana bi wodi inta fi al ard ta wahid al inta bi akrah, wara le ard ta wahid al min huwo int gelibu beid. Humon bi timu ma inta bikrahia; ²⁹ humon bi shilu kulu mumtalakat wa sibu inta ariyan wa zahir le uyuun, wa ariyan taki bi khati bes ze zaman inya dakalu fi ikhtilaf wa sharmata. ³⁰ Hajat del bi amulu le inta fi amal taki ze sharamuta, shuhuwa wara umam biwasat inta al bi ga ma nedif ma asnam tomon. ³¹ Inta duwuru fi sika ta akut taki, fa ana bi kutu kubaya ta heya ta eiaqab fi yadan taki. ³² Rabuna Yahwa kelim keda, Inta bi asurubu kubaya ta akut taki al juwa wa kebir. Inta bi kun ataku wa meadue le talis__kubaya de fogo kammia azim. ^{33 34} Bi malau inta ma sakar wa hazn, al kub ta khawf wa dimar; al kub ta akut taki al samiria. Inta bi asurubu huwo wa bi sibu fadi; yala inta bi kasuru huwo wa sheretu sudu taki heta heta. Leanu ana alinu huwo__de yau ealan ta Rabuna Yahwa.' ³⁵ Ashan keda, Rabuna Yahwa gal keda, 'Leanu inta nesitu ana wa jada ana be wara dar taki, fa kaman inta bi istahamal al netija ta suluk ta fadiya taki wa amayil jins al ghyr akhlaqi.''' ³⁶ Yahwa keim le ana, ''Jena ta insaan, hal inta bi hukumu Oholah wa Oholibah? Fa gedimu le humon amayil al shen, ³⁷ min zaman humon amulu zina, wa min zaman dom fi yadan tomon. Humon amulu zina ma asnam tomon, a humon hata kutu awulaad tomon mururu min nar, ze akil le asnam tomon. ³⁸ Yala humon istemir ashan amulu keda le ana: Huon amulu le ana haykal al ma nedif, wa fi nefsu yom humon waskanu Sabbaths tai. ³⁹ Leanu zaman humon dabah iyal tomon le asnam tomon, yala humon ja le haykal tai fi nefsu yom ashan bi waskanu huwo! Fa ayenu! de yau haja al humon amulu fi nusb ta bet tai. ⁴⁰ Inta rasulu le rijal la ja min beid, al maralasulat rasulu le humon hasa ayenu. Humon behagiga ja, del al inta hamimu, masa uyuun taki, wa zkharf nefsa taki ma majwarat. ⁴¹ Hinak inta geni fi serie jamil wa fi tarbeza nezimu gidam tou al fogo inta kutu bakhue wa eit tai. ⁴² Fa sawt iza'ag ta jumhuur hawili heya; bima faha kulu ashkal ta nas, hata Sabean kan jibu juwa min al barria, wa humon kutu gaid fi yadan tomon wa taj jamil fogo ras tomon. ⁴³ Yala ana kelim le heya munu kan lebisu ma zina, Hasa humon bi kun jinsiyan ma indu akhlaq ma heya, wa heya ma humon. ⁴⁴ Humon ruwa le heya, ze rijal ruwa le sharamuta. Fi tega de humon ruwa le Oholah wa Oholibah, mara al ma akhlaqai. ⁴⁵ Lakin rijal al salihiin bi mururu hukum wa eaqabu humon ze zania, wa humon bi eaqabu humon ma hukum le del al bi kubu dom, ashan humon zania wa dom fogo yadan tomon. ⁴⁶ Fa Rabuna Yahwa kelim keda: Ana bi guwmu fok sharik ded humon wa bi wodi ashan bi khawfu humon wa nahab. ⁴⁷ Yala sharik de bi lugu humon ma hajar wa gata humon tihit ma sayf tomon. Yala bi katulu ital tomon wa banat wa haragu tihit biuyuut tomon. ⁴⁸ Leanu ana bi agila suluk ta fadiya min ard wa adibu kulu nusuwan ashan humon ma bi tani amulu ze sharamuta. ⁴⁹ Fa humon bi jahizu suluk taki ata fadiya ded inta. Inta bi istahmal galaat ta khatiya taki ma asnam taki, wa fi teriga de inta bi arufu inu ana Rabuna Yahwa.'''