¹ Hasil fi sana al saba, fi yom ishiriin ta sharr kamsa, shuyuuk ta Israel ja ashan asalu Yahwa wa geni gidam tai. ² Yalla kalam ta Yahwa ja le ana, gal ³ Jena ta insan alinu le shuyuuk ta Israel wa kelim le humon, Rabuna Yahwa kelim keda: Hal ita ja ashan asalu ana? Ze ma ana hai, Ana ma bi asalu ana ma ita!__elan ta Rabuna Yahwa. ⁴ Hal ita bi hukumu humon? Hal ita bi humu, jena ta insan? kede humon arufu ann abu fagarat ta abu tomon. ⁵ Kelim le humon, Rabuna Yahwa kelim keda: ⁶ Fi yom al ana iktar Israel wa guwmu edan tai ashan bi halifu halifa le iyal iyal ta bet ta Yakub, wa kutu nefsa tai maruf le humon fi ard ta Mesi, zaman ana guwmu edan tai ashan bi haifu halifa le humon. Ana kelim, ''Ana Yahwa Allah taki''__fi yom dak ana guwmu edan tai ashan bi halifu halifa le hmon inu ana bi tala bara min ard ta IMesir fi ard al ana iktar le hmon. huwo kan kubo lebn wa asel; huwo yau al jamil fi nus ta kulu ardi. ⁷ Ana kelim le homon, kede aye zol jada bara hajat al batal min gidam ta uyuun tou wa asnam ta Masie. Ma ta amulu nefsa taki am nedif; ana Yahwa Allah taki.'' ⁸ Lakin homon itmarrad ded ana wa homon ma indu nia asan bi asuma le ana. Kulu zol ma jada bara hajat al waskan min gidam ta ena tai wale sibu asn am ta Mesir, fa ana kariru ashan bara zalan tai fogo homon ashan bi timu zalan tai fi nus tomon fi wasat ta ard Mesir. ⁹ Ana amulu le isim tai ashan ma bi kun batal fi uyuun ta umam al homon kan kelimu. Ana kutu nefsa tai maruf le homon, fi uyuun tomon, bi wasat jibu homon bara min ard ta Mesir. ¹⁰ Fa ana rasulu bara min ard ta Mesir wa jinbu homn fi al barria. ¹¹ Yalla ana wodi le homon qawanin tai wa kutu kararat tai maruf le homon bi terega al insan bi ish kan huwo ihtaramu homon. ¹² Ana kaman wodi le homon Sabbaths tai ze alama bein nefsa tai wa homon, ashan homon bi arufu inu ana Yahwa al kutu homon kuduus. ¹³ Lakin bet ta Israel itmarrad ded ana fi al barria. Homon ma doworo fi qawanin; lakin, homon aba kararat tai, al inu insan bi ish kan huwo ihtaramu homon. Homon karabu Sabbaths, fa ana kelim ana bi kubu bara zalan tai fogo homon fi al barria ashan bi intah homon. ¹⁴ Lakin ana amulu ashan isim tai ashan ma bi karabu fi uyuun ta umam, al fi ena tou jibu homon bara min Mesir. ¹⁵ Fa ana bi nefsi kaman arufa yadan tai ashan halifu halifa ta barria le homon ashan kede ma jibu fogo homon ard ta al ana bi ruwa wodi le homon, ard al bi kubo lebn wa asal, al jamil kalis fi nus ta kulu ard. ¹⁶ ana halifu keda ashan homon aba kararat tai wa ma doworo fi qawanin tai, wa homon aba Sabbaths tai, min zaman gelba tomon doworo wara asnam tomon. ¹⁷ Lakin uyuun anqizu homon min tijah wa ana mademiru homon fi al barria. ¹⁸ Ana kelimu le iyal tomon fi al barria, ''Ma ta doworo fi qawanin ta abuhat taki, aw hafizu mabadi tomon, aw karabu nefsak ma asnam tomon. ¹⁹ Ana Yahwa Allah taki, dowoo fi qawanin tai; hafizu kararat tai wa ihtaramu homon. ²⁰ Hafizu Sabbaths tai mukadas ashan homon bi kun alama bein ana wa inta, ashan inta bi arufu inu ana Yahwa Allah taki.'' ²¹ Lakin awulad tomon wa banat tomon tamarrad ded ana. Homon ma doworo fi qawanin tai aw ma hafisu kararat tai, bi teriga al insan bi ish kan huwo ihtaramu homon. Homon intehik Sbbaths tai, Fa ana kariro ashan bi kubo bara zalan tai fogo homon ashan bi shabaan zalan tai ded homon fi al barria. ²² Lakin Ana gilibu yadan tai bara wa amulu ashan isim tai, ashan huwo ma bi kun batal fi uyuunta umma al anajbu bara min Israeliyin. ²³ Ana bi nefsa tai kaman arufa fok yadan tai ashan bi halifu le homon fi al barria, al ana bi shetetu homon fi nus ta umam wa shetetu homon fi nus ta ard. ²⁴ Ana kariru ashan bi amulu de min zaman al homon ma ihtaramu kararat tai, wa min zaman homon rafat qawaniin tai wa aba Sabbaths tai. uyuun tomon kan bi fetisu wara ta asnam ta abuhat tomon. ²⁵ Yalla ana kaman wodi le homon qawaniin tai al kan ma kwes, wa kararat tai al homon ma ish mau. ²⁶ Ana alinu homon ma nedif be wasat hadiya tomon al homon amulu zebeha ta kulu bikiir ta rihim wa sibu homon ruwa min nar__inu ana bi mala homon ma khawf ahsan homon bi arufu inu ana Yahwa!' ²⁷ Ashan keda, jena ta insan, wonusu le bet ta Israel wa kelim le homon, Rabuna Yahwa kelim keda: fi de kaman abuhat shitimu ana zaman homon kan ma muminin le ana. ²⁸ Zaman ana jibu homon fi al ard al ana halifu bi wodi le homon,wa yalla fi aye zaman homon wosifu mahalat al fok wa kati ma ashjar, homon gedimu zebeha tomon, homon kutu ana zalan be zebeha tomon wa hinak homon kaman haragu bakhur wa kubo bara zebeha ta shiraab. ²⁹ Yalla ana kelim le homon, ''De sunu mahal al fok de al inta jibu zebeha hinak?'' Fa isim nadi Bamah lahadi yo ta alela. ³⁰ Ashan keda kelim le bet ta Israel, Rabuna Yahwa kelim keda: Lei inta maulu n ma nedif ma sika ta abuhat takiefsa taki? Fa lei inta amulu zena, bi fetisu le hajat al shein? ³¹ Zaman inta gedimu hadiya taki__zaman inta kutu awulad taki ashan bi ruwa min nar__lahadi yo ta alela inta karabu nefsa taki ma asnam taki. Fa lei ana bi sibu inta fetisu ana, bet ta Israel? Ze ma ana__de yau elan ta Rabuna Yahwa__ana ma bi sibu inta ashan bi fetisu ana. ³² Al fekira al fi mug taki ma bi hasil. Inta kelim, Keda ana kun ze umam tanin, ze usura fi fi ard tanin, al bi abidu kasab wa hajar.'' ³³ Ze ma ana hay__de yau elan ta Rabuna Yahwa__ana bi hukumu fogo inta ma yadan guwi, yadan al marfu, wa zalan al bi kubo bara fogo inta. ³⁴ Ana bi jibu inta bara min nas wa bi linu inta bara min nus ta bilad al shetetu intukm fogo. Ana bi amulu yadan al azim wa ma zalan al kubo bara. ³⁵ Yalla ana bi jibu inta fi al barria ta nas, wa hinak ana bi hukumu inta wosa be wosa. ³⁶ Ze ana hukumu abuhat takum fi al barria ta ard ta Masir, fa kaman ana bi hukumu inta__de yau elan ta Rabuna Yahwa. ³⁷ Ana bi kutu inta ruwa min tihit hadid tai, wa ana bi kutu inta ihtaramu mutatalbat ta itifaqia. ³⁸ Ana bi nadifu min nus takum al mutamarrid wa del al tamarrad ded ana. Ana bi rasulu homon bara min ard al homon bi feni fogo ze ajanib, lakin homon ma bi dakalu al ard ta Israel. Yalla inta bi arufu inu ana Yahwa. ³⁹ Fa le inta , Bet ta Israel, Rabuna Yahwa kelim keda: Kulu wahid minakum kede ruwa le sanam tou. Abidu homon kan inta aba ashan bi asuma le ana, lakin inta lazim ma bi tani karabu isim tai al mukadaas ma hadaya taki ta asnam. ⁴⁰ Leanu fi jebel tai al mukadaas, fi fok ta jebel ta Israel__de yau elan ta Rabuna Yahwa__kulu bet ta Israel bi abidu ana hinak fi ard. Ana bi afrah ashan bi asalu zebeha taki hinak, wa kaman awel samar ta dariba ma kulu hajat taki al mukadaas. ⁴¹ Ana bi rudu inta ze bakhuur zaman al kan ana jibu inta bara min nas wa limu inta bara min bilad al shetetu intum fogo. Ana bi beinu nefsa tai mukadaas fi nus takum ashan al uma bi ayenu. ⁴² Yalla, zaman ana jibu inta le ard ta Israel, le ard al fogo ana arufa fogo yadan tai fok ashan bi halifu ashan bi wodi le abuhat taki, inta bi arufu inu ana Yahwa. ⁴³ Hinak inta bi zekir suluk taki wa kulu amayil al inta demiru ma nefsa taki, wa inta bi kharhu nefsa taki fi uyuun takiashan kulu amayiel taki al sahrir al i ta amulu. ⁴⁴ Fs inta bi arufu ana Yahwa zaman ana amulu keda le inta ashan isim tai le sabab ta isim tai, wa ma ashan amayiel al sharir, wa ma ashan amayiel ta fasad, bet ta Israel__de yau elan ta Rabuna Yahwa.'''' ⁴⁵ Yalla kelima ta Yahwa ja le ana gal, ⁴⁶ Jena ta insan, kutu wosa taki le junub al ard, wa wonusu ded junub; nubowa ded gabat ta Negev. ⁴⁷ Kelim le gabat ta Negev, De yau elan ta Yahwa__Rabuna Yahwa kelim: Ayenu, ana bi kutu nar fi nus takum. huwo bi katulu aye shejara wa aye shejara al nashif fi nus takum. lisan ta nar de ma bi batulu; kulu wosa min junub le shamal bi haragu. ⁴⁸ Yalla kulu nefs bi ayenu inu Ana Yahwa zaman alkan ana wala nar, wa ma bi batulu.''' ⁴⁹ Yalla ana kelim, ''wayl! Rabuna Yahwa, humon kelim ann ana, Hal huwo ma bes ma ta wori amsila?''''