¹ Huwo keim le ana, ''Jena ta insaan, wogif fok fi kura taki; yala ana bi wonusu le inta. ² ''Yala, ze huwo wonusu le ana, Roho hdakalu fogo ana wa jahizu ana le kura tai, ³ Huwo kelim le ana ''Jena ta insaan, Ana bi rasulu inta le nas ta Israel, le umam mutamarrid al mariid ded ana__humon kulu ma judud tomon akhta ded ana la hadi yom ta alela de! ⁴ Iyal ta iyal tomon indu wosa ta anid wa gelba guwi. Ana bi rasulu inta le humon, wa inta bi kelim le humon, 'De yau haja al Yahwa Rabuna kelim. ⁵ 'imma humon bi asuma aw humon ma bi asuma. Humon bet mutamarrid, lakin humon bi ala aql bi arufu indu nabi kan fi nus omon. ⁶ Intum iayl ta isaan, ma ta kun kayif min humon aw min kelimat tomon. Ma ta kafu, hata wa lo inta ma shuk wa kursiyat wa hata wa lo inta geni ma aqarib. Ma ta kafu kelimat tomon aw kun istagarab bi wasat wosa tomon, ze ma humon zaman dak bet ta mutamarrid. ⁷ Lakin inta bi wonusu kelimat tai le humob, sewa kan humon bi asuma wala am bi asuma, leanu humon mutamarrid. ⁸ Lakin inta, jena ta insaan, asuma le haja al ana bi kelim le ita. Ma ta kun mutamarrid ze bet bet dak al mutamarrid. Fata kasma taki wa akulu haja al ana bi wodi le ina!'' ⁹ Yala ana ayenu, wa yadan kan medu bara le ana; fi juwa kan ketab. ¹⁰ Huwo nashiru gedam ana; huwo kan katibu kulu gedam wa dahar tou, wa kan katibu fogo kore, huzn, wa musiba.