¹ Yala kelima ta Yahwa ja le ana, gal, ² Jena ta insaan, kef karma afdal min aye shajar al ma furue al fi nus takum al ashjar fi gaba? ³ Hal nas bi shilu khashab min karma ashan bi amulu aye haja? Aw hal humon amulu watad minfogo ashan bi haligu aye haja fogo? ⁴ Ayenu! Kan jadau huwo fi nar ze waqud, wa kan nar haragu nihaya tou kulu wa kaman nus, hal sei kwes le aye haja? ⁵ Ayenu! zaman huwo kan kamil, huwo ma bi amulu aye haja; bitakkid yala, zaman nar kan haragu, yala huwo kan lisa ma amulu aye haja tamam. ⁶ Ashan keda Rabuna Yahwa kelim keda: Shajarat ta gaba barau barau, Ana wodi al karma ze waqud le haragu; Ana bi amulu fi nefsu teriga le sukan ta Uruselim. ⁷ Leanu ana bi jahizu wosa tai ded humon. Hata lo humon tala bara min nar,lisa nar bi akulu humon; fa inta bi arufu inu ana Yahwa, zaman ana jahizu wosa tai ded humon. ⁸ Yala ana bi kutu al ard fi karab leanu humon amulu khatiya__de yau elan ta Rabuna Yahwa.''