¹ Ze ma ana ayenu le al qubba al kan fok ras ta malaiyka, haja beinu fok tomon ze yaqut azraq ma mazhar ta shikil ta kursi. ² Yala Yahwa wonusu le insaan libisu kitan wa kelim. ''Ruwa bein al ajilat tihit al malaiyka, wa mala kulu yadan taki ma nar alfahm min bein al malaiyka wa shetetu humon fok al medina.''Yala al insaan dakalu ze ma ana raqibu. ³ Al malaiyka wogif fogo tijah yemin ta bet zaman al insaan dakalu, wa sihab mala juwa ta medan ta bet. ⁴ Al mejid ta Yahwa gam fok min al malaiyka wa wogif fogo ataba ta bet. Huwo mala al bet ma al sihab, wa medan ta bet kan maliyan min lama ta mejid ta Yahwa. ⁵ Al sawt ta jinahat ta malaiyka kan asumau beid bara medan ta bet, ze sawt ta Allah al guwi zaman huwo wonusu. ⁶ Huwo ja zaman Allah amiru insaan libisu kitan wa kelim. ''Shilu nar min bein al ajilat al bein al malaiyka,''al insaan dakalu wa wogif bijnib ajila. Malaiyka medu bara yadan tou bein ⁷ al malaiyka le nar al kan fi nus ta malaiyka, wa rafau fok wa kutu huwo fi yadan ta wahid al libisu kitan. Al insaan shilu wa rija wara. ⁸ Ana ayenu fogo malayka haja ze yadan ta insaan tihit jinahat tpmpn. ⁹ Fa ana ayenu, wa Arba ajilat kan bijanib ta al malaiyka__ajila wahid bijanib kulu jena jamil__wa mazhar ta ajilat kan ze hajar albaril. ¹⁰ Mazhar tomon kan nefsu shikil le kulu humon al arba, ze ajilat al gatau ajila tou. ¹¹ zaman humon haik, humon ruwa fi le kulu tijahat tomon al arba, bidun agelibu ze ma humon futu; lakin mahama kan itijah ras bi wajih. humon tabe wara bidum agelibu ze humon futu. ¹² Gesim tomon kulu__bima fiha dahar, yadan tomon, wa jinahat tomon__kan khati ma uyuun, wa uyuun khati arba ajilat kulu hawulu kaman. ¹³ Ze ana asuma, al ajilat kan nadi, lafa.'' ¹⁴ Humon indu arba wosa le kulu wahid; al wosa al awel os ta jena jamil, al tani wosa kan wosa ta insaan, al talit wosa t asad, wa al rabe wosa ta suguur. ¹⁵ Biga al amaiyka__del kan makuluugat hay al ana ayenu bi wasat Qana al Mutajiz__gam fok. ¹⁶ kullama kan al malaiyka harik, al ajilat bi ruwa bijanib tomon, wa kullama kan almalaiyka arufau jinahat tomon ashan gum fok min al ard, al ajilat ma bi rija. Humon lisa geni bijanib tomon ¹⁷ Za,man al malaiyka wogif sabit, al ajilat wogif sabit, wa zaman humon gum fok, al ajilat gam fok ma humon, leamu al roho ta makuluugat al hay kan fi al ajilat. ¹⁸ Yala mejid ta Yahwa ruwa bara min fok ataba ta bet wa wogif fok al malaiyka. ¹⁹ Al malaiyka rafa fok jinahat tomon wa gum min al ard fiena tai zaman humon ruwa bara wa ajilaamulu nefsu bijanib tomon. Humon wogif fi sharik ta madkal ta bet ta Yahwa, wa al mejid ta Allah ta Israel ja fogo humon min fok. ²⁰ Del yau kan makulugat al hay al ana ayenu tihit Allah ta Israel bi wasat Qana al uhtajiz, fa ana arufu inu humon kan malaiykat! ²¹ Humon indu arba wosa kulu wahid indu jinahat, wa shikil ta insaan tihit jinahat tomon, ²² wa shikil ta wosa kan ze wosa al kan ana ayenu fi ruya fi Qana al muhtajiz, wa kulu wahid minu ruwa gedam adil.