¹ Zaman nas ayenu Musa akir fi nuzul tou min jebel, huwomon limu hawli Haron wa kelimu le huwo, ''Taal sala le nina sanaam al bi kun gedam ta nina. leanu hata al ann anina ma arufu sunu hasil le Musa al tala anina bara min ard ta Mesir. ² ''Fa Haron kelimu le huwomon, '' shilu takum bara katim al fi adana ta nusuwan takum, wa adana ta iya takum wa ta banat takum, wa jibu takum huwomon le ana, ''' ³ Kulu nas tala bara katim dahab al fi adana toumon wa huwomon jibu le Haron. ⁴ Huwo shilu dahab min edan toumon wa huwo kayitu ma adawat ta naqsh wa huwo sala jada sanaam al fi shilkil ta eajjil. Yalla huwomon kelimu, ''De yau Alliha takum, Israel, al tala itakum bara min ard ta Mesir.'' ⁵ Zaman Haron ayenu de, huwo abinu al mazbaha gedam ta eajjil wa amulu iielam; huwo kelimu, ''Bukura bi kun eyd le ihtaramu Yahwa. ⁶ ''Nas gum sabah bedri ta yom al tani wa gedimu zebeha al mahruug wa jibu zebeha ta shirika. Huomon geni tihit ashan bi akulu wa ashrubu, wa bad dak gum fok le ihtifaal wa ashrubu merisa. ⁷ Yalla biga Yahwa wonusu le Musa, ''Ruwa seri, le nas taki, al inta tala bara min ard ta Meir, huwomon karabu nufus toumon. ⁸ Huwomon seri sibu sika al ana amiru huwomon fogo. Huwomon amulu sanaam fi shikil ta eajjil wa huwomon abidu huwo wa huwomon gedimu zebeha le huwo. Huwomon kelimu, 'Del yau Alliha takum, Israel , al tala itakum bara min ard ta Meisr.''' ⁹ Biga Yahwa kelimu le Musa, ''Ana ayenu nas de. shuuf, huwomon nas ragabta toumon gowi. ¹⁰ hasa biga ma ta hawil wogifu huwomon. Zalaan tai bi wala sukun ded huwomon, fa ana bi demiru huwomon. Yalla ana bi amulu umma azima min inta. ¹¹ Lakin Musa hawil ashan bi kutu Yahwa fi hudu. Huwo kelimu, '' Yahwa lei zalaan taki bi wala ded nas taki, al inta tala bara min ard ta Meisr ma guwa al azim wa ma edan al kebir? ¹² Lei al Mesiriin bi kelim 'Huwo gedimu huwomon bara ma nia ta shar, ashan bi katulu huwomon fi jubaal wa ashan bi demiru huwomon min wosa ta ard?' Aglibu min zalaan takum al bi wala wa khafif takum eiqab de min nas takum. ¹³ rija zekir Abraham wa Ishak wa Israel, kudam taki, al inta halifu le huwomon ma nefsa taki wa kelimu le huwomon, Ana bi kutu iyal ta iyal taki bi kun ketir ze nujum ta samawat, wa ana bi wodi le iyal ta iyal taki kulu ard al ana wonusu. Huwomon bi wayrisu elal abad. ''' ¹⁴ Yalla biga Yahwa bi khafifu min eiqab al huwo kelimu huwo bi dugu ma nas tou. ¹⁵ Biga Musa gelibu wa nezil min jebel, shilu mao etnin lawha ta itifaqia fi edan tou. lawhat kan katibu fogo fi kulu tijahat, fi gedam wa fi wara. ¹⁶ al lawhat de kan shokul ta kitaba ta Allah, naqsh fogo lawhat. ¹⁷ Wokit Joshua asuma eaziag ta nas ze ma huwomon sarraku, huwo kelimu le Musa, ''hinak fi eaziag ta mashakil fi muaskar. ¹⁸ ''Lakin Musa kelimu, '''huwo ma sout ta intishar, wa ma sout ta nas mahzum, lakin sout ta guna yau ana bi asuma. '' ¹⁹ Zaman Musa biga gerib ma muaskar huwo ayenu al eajjil wa nas bi raquus. Huwo biga zalan sheded. Huwo jada lawha al etnin bara min edan tou wa kasuru huwomon tihit jebel. ²⁰ Huwo shilu al eajjil al nas sala haragu limu huwo biga deqiq, wa kubo fi moyo. yalla huwo kutu nas ta Israel ashrubu. ²¹ Yalla biga Musa kelimu Haron, ''Nas de amulu sunu le inta, al inta jibu katiya kebir de fogo huwomon?'' ²² Haron kelimu, ''Ma sibu zalan taki wala sokun, seid tai. Inta arufu nas del, kef huwomon munazamiin fi amulu shar. ²³ Huwomon kelimu le ana, 'amulu anian allah al bi kun gedam ta nina. Leanu Musa al tala anian min ard ta Mesir anina ma arufu sunu hasil le huwo,' ²⁴ Fa ana kelimu le huwomon Aye zol al indu dahab, kede huwo shilu bara,' Huwomon wodi le ana al dahab wa ana jada fi nar wa tala eajjil de.'' ²⁵ Musa ayenu inu nas biga bi tala ze haiwan (leanu Haron sibu huwomon tala bara min seitara, sibu adu toumon bi alisu huwomon). ²⁶ Biga Musa wogif fi bab ta muaskar wa kelimu. Aye zol al fi safa ta Yahwa, taal le ana. ''Kulu Lawiin limu jambo huwo. ²⁷ Huwo kelimu, ''Yahwa, Allah ta Israel, kelimu ze de: 'kede kulu zol sabitu safe tou fi tija tou wa ruwa wara wa tija ta bab min bab ta muaskar, wa katulu aku tou,sheriik tou, wa jeran tou. ''' ²⁸ AL Lawiin amulu haja al Musa kelimu le huwomon. Fi yom dak talata alf nas mutu. ²⁹ Musa kelimu le Lawiin, ''wodi itakum le shokul ta Yahwa alela, leanu kulu wahid min itakum amulu shokul ded jena wa aku tou, fa Yahwa bi wodi le itakum baraka alela.'' ³⁰ Al yom al tani Musa kelimu le nas tou, ''Itakum amulu katiya kebir. Hasa ana bi fok le Yahwa. mumkiin ana bi amulu kaffara le katiya taki. ³¹ Musa rija le Yahwa wa kelimu, ''Oh, nas del amulu katiya kebir wa sala le nufus toumon sanaam min dahab. ³² Lakin hasa, malish afi kaitya toumon; lakin kan inta ma amulu ze de masa ana bara min ketab al inta katibu.'' ³³ Yahwa kelimu le Musa, Aye zol al maulu katiya ded ana, zol de bi masao bara min ketab tai. ³⁴ Fa hasa ruwa, gedimu nas le mahal al ana kelimu le inta. Ayenu, malaika tai bi kun gedam takum. Lakin fi yom al ana bi aqabu huwomon le katiya toumon. ³⁵ Yahwa rasulu ayan fogo nas leanu huwomon amulu al eajjil, al Haron amul.