1
Kan zol sergu bagara au koruf, wa daba au biyu bara, bi wodi bidal bagara kamsa wa bidal koruf arba.
2
Kan amsuku zol bi serhu, dugu au mutu de ma bikun.
3
De kan hasil wa shemis tala de jerima katulu. Kan huwo ma endu haja, bi biyu huwo ashan bi dafau haja al huwo seregu de.
4
Kan ligo haiwan sergu hai, kan bagra au himar, au koruf, huwo bi dafa kulu le inta.
5
Kan zol bi ainu makan zara wa huwo sibu haja hasil huwo bi dafa.
6
Kan nar wala wa hargu suk wa harugu garmir wa mazara au kulu haja zol al walu nar de bi dafa.
7
Kan zol wodi fida au hajat, tou le zol wa sergu min huwo kan huwo ma ligo harami de bi dafa maraten.
8
Kan bi shilu huwo fii gediya, kan huwo yau midu ida fi hajat ta zol.
9
Kulu gediya ashan mumtalakat ze bagara, himar, koruf au gumas, au haja tani mafi, de kulu de tou: fi zaman de humon kulu de la gadi, al amulu batal de dafa le zol tani de.
10
Kan zol tani de sitimu lo zol himar au bagara au koruf ai haiwan tani, wa mutu au kasuru min huwo mafi zol ainu.
11
Humon bi wori gidam Allah huwo ma arufu haja, wa zol de bi rudu huwo ma bi dafa haja,
12
Lakin kan seregu min huwo huwo bi dafa le sidu.
13
Lakin kan hakimu huwo bi rija bagi de wori ashan bi sadeku huwo, huwo bi dafa haja.
14
Kan inta shilu min zol haja wa kasuru au mutu, wa sidu mafi, bi dafau.
15
Kan sidu de fii ma bi dafau, kan ujura bi wodi ujura de.
16
Kan zol num ma biniya fata bi wodi le huwo mari
17
Kan abu tou aba huwo bi dafa miya min fida
18
Mata sibu zol batal kede hai.
19
kulu zol bi num ma haiwan bi katulu.
20
Kan zol daba haiwan ma le Rabuna. Bi katulu huwo,
21
Mata amulu batal le nas tannin ashan inta kan fi beled tan as tannin masuir.
22
Mata amulu armala batal, wa la atim.
23
Kan inta amulu huwo batal huwo kan kore le ana, ana bi asuma le humon,
24
wa kataul wa nusuwan bi kun aramil wa iyal takum atim
25
Kan inta wodi fidah le nas tai al ma indu mata arufa nefsak mata kun le humon Rrabuna.
26
Kan inta shilu gumas ta zol rija le sidu fi zaman shemis ge waga.
27
Ashan de bikun wahid haja al huwo indu, al huwo bi kati be huwo jisim, huwo bi numu fi ai mahal? Kan huwo kore ana bi asuma ashan ana hannin.
28
Mata shitimu Rabuna wa la talaan reis taki, Allah au lainu wa musuliin ta nas taki.
29
Mata shilu awel haja al bi tala min zira de tai.
30
Wodi le ana awel jena taki. Saba yom huwo bi geni ma uma tou, fi yom nimira tamaniya inta bi gedimu le ana.
31
Kede itakum kun bes le ana, mata akulu laham batal jada le kilab.