¹ Yala melik wa Haman ruwa le iid ma Melka Esther. ² Fi yom nimra itnin de, fi zaman humon bi wodi le humon kamur, melik kelimu le Esther, " Balak(Arida) taki shunu, Melka Ether? Bi wodi le inta. Talab taki shunu?Hata nus ta momlaka de, wa bi wodi le inta." ³ Bad dak Melka Esther juwabu, " Melik kan inta moksut ma ana, kede haya tai wodi le ana- de yau balak tai, wa ana talabu kaman de le nas tai. ⁴ Kan bau nina, Ana ma nas tai, ashan bi demiru, katulu, wa yabad. Kan bau nina bes le abudiya, ze abid al zakar wa unsa, Ana kan bi askut sakit, sikil asar(alam) de kan ma bi taabu ma inta." ⁵ Melik Ahasuerus kelimu le Melka Esther, "De munu? Wenu zol de al geliba tou malyan ma hajat del?" ⁶ Esther kelimu, "Zol al adu, sitan al isimu Haman!" Bad dak amulu irhab le Haman gidam melik wa Melka. ⁷ Melik gam fok be ghadab(zel) min asrubu kamur wa ruwa fi kasra tou, lakin Haman geni ashan bi anisu(asalu) Melka ashan haya tou. Huwo ainu melik karar karisa did huwo. ⁸ Bad dak melik raja min kasra ta zira le kurfa(oda) mahal al khudam wodi le humon Kamur. Haman kalas waga fi kursi(serir) al kan Esther gaid fogo. Melik kelimu, "Hal huwo bi hajimu melka fi gidam tai fi juwa bet tai?" baad kalam bita hukum tala min kasuma ta melik, Khudam kahti wusa ta Haman. ⁹ Bad Harbona, wahid min dubad al bi akhdim melik, kelimu, "shenek al indu kamsin cubits (talata wa ishirin mitir) wagif jambu bet ta Haman. huwo kutu fok le Modecai, zol al wonusu huwo bi hami melik." Melik kelimu, "haligu huwo fogo." ¹⁰ Yala humon haligu fi shenek(masnaga) al huwo jahizu le Mordecai. Bad dak ghadab ta melik nazal.