¹ "Fi zaman daak malaika Mikhael, reis al azim al bi hariso shaab taki, bi gum fok. Bikon fi taab shedid al ma hasil kulu kulu gubal keda min zaman bidaya ta ai umma lahadi zaman dak. Fi zaman dak ai zol min shaab taki ligo isim tou moktob fi kitab, bi khaliso. ² Ketireen al mutu dofuno fi turab bi gom, tanin le haya abadia wa tanin be fadia wa azab abadi. ³ Delin al hukama bi wala ze nur ta sama al fok, wa deal al rija ketiren le haya ta bir, ze nujom lel abad al abideen. ⁴ Lakin ita, Daniel, duso kelimat de; gofulo kitab de ba khitim lahadi zaman ta nihaya. Kutar bi jere hini wa hinak, wa maraf bi zido." ⁵ Biga ana Daniel, aino, kan fi itnen malaikat tanin kan wogif. Wahid fi taraf ta nahr, wa tani de wogif fi taraf ta nahar fi itijah al tani. ⁶ Wahid min humon gum kelimo le rajil al libiso gumash abiat min guton, al wagif fi ras nahr de, "Lahadi miten hajat al ajib de bi kalaso?" ⁷ Ana asoma zol al libiso abiat, al wogif fi ras moyo ta nahr kelim bad ma huwo arufa idenat tou al itnen le sama wa halifo be al bi ish lel abad ino haja de bi hasil le fatra ta talata sena wa nos. Haja de kulu bi timo fi zaman al demir guwa ta shab al mokadas. ⁸ Ana asom, lakin ana ma fahim. Ashan keda ana aslo, "Sead tai, nihaya ta hajat de bi kon miten?" ⁹ Huwo gom kelimo, "Ruwa hasa, Daniel, ashan kelimat de gofuli wa khatimo lahadi wokit ta nihaya. ¹⁰ Ketirin bi tehiro, nedifo, wa jeribo, lakin al ashrar bi bi istemir fi sher tumon. Mafi zol min ashrar de bi fahim, lakin del al indo hikma ba fahim. ¹¹ Min zaman al wogifo zebiha ta kulu yom wa bidaya ta shar al bi jibo kharab kamil, 1,290 yom. ¹² Barak le zol al bi istena lahadi nihaya ta 1,335 yom. ¹³ Ita kede ish haya taki le nihaya, wa akudo raha. Ita bi gom geni fi makan al jahizo le ita, fi nihaya ta ayam."