¹ Hasa rusul wa Ikwa al kan fi Yahudia asuma inu Umamin bardu ligu kalam ta Allah. ² Zaman Buturus ja lahadi fi Urshelim, delin al tabien le mujumua ta nas al mutaharin aridu wuw; ³ umun kelim, '' Ita gi itamal ma nas al ma mutaharin wa bi akulu ma umun!'' ⁴ Lakin Buturus bada sharihu le umun kalam de be tafasil; uwu kelim, ⁵ Ana kan gi seli fi medina ta Yaffa, Anan ayinu ruweiya haja bi nezil tifit, ze milaya bi nezilu tihit min samawat min arkan tuo al aruba. Uwu nezil le Ana. ⁶ Ana ayinu uwu kues. Ana ayinu hiwanat ta ard, wuhush, hiwanat al bi duwru be batna,wa tiur ta sama. ⁷ Ana asuma sout wunuso le ana, ''Gom fuk, ya Buturus; daba wa akulu!'' ⁸ Ana kelim, ''Ma kid, ya Rabana; lanu mafi haja al nejis aw ma mukadus dakalu jua kasma tai.'' ⁹ Lakin sout Juabu tani min sama, ''Haja al Allah tahiru ma nejisu inta.'' ¹⁰ Kalam de hasil talata marat, baat kida ayi haja rijuo fuk le sama tani. ¹¹ Talata rujal kan gi wegif fi gidam bait al inna kan fugu; rasului umun le ana min Gaisaria. ¹² Roho weri le ana kede ruwa ma umun, wa ana kede ma amulu teffriga be kusus umun. Ikua al Siita de ruwa ma ana, Inna rua fi bait ta zol. ¹³ Uwu weri le inna kef uwu ayinu malaika be wegif fi bait tuo wa kelim, ''Rasul rujal le Yaffa kede jibo Samaan al be nadi Buturus. ¹⁴ Uwu be wunuso le itta kabara al itta bi ligu kulasa be wasat tuo- itta ma nas ta bait taki.'' ¹⁵ Ze ana uwu bada wunuso le umun , Roho al Kudus nezil le umun, ze ma kan nezil le nina fi bidaya. ¹⁶ Ana zekiru kelimat ta Rabuna, kef uwu wunuso, ''Yuhanna amido be moyo; lakin bi amido itakum be Roho al Kudus.'' ¹⁷ Kan Allah wedi le umun nefsa hadia ze ma uwu wedi le nina zaman nina amin fi Rabana Yesua al Messih, Ana kan munu ashan bi aridu Allah?'' ¹⁸ Zaman umun asuma kalamat de, umun ma juwabu ayi haja, lakin umun mejodo Allah wa wunuso, ''Allah wedi tuba le Umamin kaman.'' ¹⁹ Has delin al kan shetetu be kalam ta itehadat al bada be mutu ta Istifanus kan shetetu bait le Finigiya, Gubrus, wa Antakia, lakin umun weri risala an Yesua le Yahud. ²⁰ Lakin baat min umun, rujal min Guburus wa kirin, ja le Antakia wa wunuso bardo le Igrigin, be weri le umun kabara al kues an Yesua al Messih. ²¹ Ida ta Allah kan ma umun; adad kebir amin nwa ja le Rabuna. ²² Kabar an umun wusulu fi Kenisa fi Urshelim, wa umun rasulu Baranaba baid fi Antakia. ²³ Wekit uwu ja ayinu hadia ta Allah, uwu kan murtah; wa uwu nshajau umun kulu kele fadulu fi Rabuna ma geliba tumun kulu. ²⁴ Lanu uwu kan zol kues wa malian be Roho al Kudus wa iman, wa nas kedir kan domu le Rabana. ²⁵ Barnaba rua bara le Tarsus ashan bi fetishu Shaul. ²⁶ Zaman uwu ligu uwu, uwu jibu uwu le Antakia. Le fetera ta sena kamil umun limu sawa fi Kenisa wa derisu nas kerir. Talamiz kan nadi Messihin awel fi Antakia. ²⁷ Fi ayamat de fi Ambiya ja min Urshelim le Antakia. ²⁸ Wahid min umun, isim tuo Agabus, wegif fuk wa weri be Roho inu maja al saab be ja hsil fi wata kulu. Kalam de hasil fi zaman ta Claudius. ^{29 30} Yala talamis, ayi zol al agder, gariru ashan bi rasulu musada le ikua fi Yahudia. Umujn amulu kalam de; umun rasulu gurush le shiuk bewasat ta Barnaba wa Shaul.