¹ Zaman Melika ta Sheba asuma an kabar ta Seliman,hiya ja fi Jerusalem ashan bi jeribu uowo ma su-alat al saab. Hiya bi tuwf kebir, ma jumal (Camels)al gi arfa bokhurat wa dahab ketir, wa hajad ketir al gali min al huja. Zaman hiya ja le Seliman, hiya wori le huwo kulu hajad al kan fi galiba ta hiya. ² Seliman juwabu kulu su-alat ta hiya, mafi haja saab le Seliman, kan mafi su-alat al huwo ma juwabu. ³ Zaman Melika ta Sheba ainu hikma ta Seliman wa beit al huwo abinu, ⁴ akil al kan fi terbiza tou, teriga al khudam tou gi geni, shukul ta khudam tou, wa libisa tomon wa nas al gi istakal fi mudbak wa libsat tomon, wa zebiha al huwo gi amulu al fi beit ta Rabuna, guwa ta hiya kalasu. ⁵ Hiya kelimu, le melik, kalam de hagiga al ana asuma, zaman ana fi belet tai, an kilimat wa hikma taki, ⁶ Ana ma sedek ma kabara al ana asuma lahadi ma ana ja hini, wa hasa ena tsi ainu, ma wori le an anus ta hikma taki wa mali taki al ketiir de, inta zidu kabara al ana asuma. ⁷ Baraka le rujal taki, wa Baraka le khudam taki al gi wogifu daiman fi gedam taki, leanu homon asuma hikma taki, ⁸ Baraka keli kun le Yahweh Rabuna taki, al farhan min inta wa huwo kutu inta fi kursi tou. Ashan bi kun melik le Yahweh Rabuna taki, leanu Rabuna taki hibu Israel, ashan bi asisu sabita homon ela al abadi, huwo amulu inta melik tomon, ashan inta bi hakumu homon be adala!" ⁹ Hiya wodi le melik 120 wezin khilo ta dahab, wa adad kebir min bohar wa hujar al gali. Shekil buhurat al melika ta Sheba wodi le melik Seliman de mafi le aizol. ¹⁰ Khudam ta hiram wa khudam ta Seliman al jibu Dahab min Ophir, Kaman jibu khashab sandal, wa hajar al gali. ¹¹ Melik amulu / sala ma khashab sandal beit ta Rabuna, wa beit tou, wa Kaman Guitarat le fananin. Shikil khashab de wahid yom am ainu fi Ard ta Judah. ¹² Melik Sliman wodi le melika ta Sheba kulu hajat al hiya deiru, wa di haja al hiya asalu, huwo wodi le hiya aktar min al hiya wodi le melik . biga hiya ruwa wara fi beled ta hiya, hiya wa khudam ta hiya. ¹³ Biga wezin ta dahab al wodi le Seliman fi swahid sena kan 666 wezin khilo ta dahab. ¹⁴ be zat dahab al tujar jibu, kulu muluk ta Arab wa kulu hukam al fi beled jibu dahab wa fedda le Seliman. ¹⁵ Melik Seliman amulu/ sala 200 Daraga al kebir ta Dahab al dugu, 600 shekels ta dahab ruwa le kulu wahid. ¹⁶ wa huwo Kaman amulu/sala 300 daraga ta dahab al dugu, talata minas ta dahab ruwa le kulu le kulu daraga, melik kutu homon fi beit al fi gaba ta Lebanon. ¹⁷ Biga melik sala kursi kebir min sunun ta feel wa kati jesim tou kulu ma dahab al nedif. ¹⁸ Kan fi hinak (6) khatuwat le irsh, wa mahal ta kutu kura min dahab kan ktut sawa ma irsh, fi kulu safha ta kursi irsh de Kan fi mahal ta kutu iden ma itinin Aset gi wogifu mugabil kulu wahid min homon. ¹⁹ itnasher Aset gi wogifu fiv mahal ta khotuwat, wahid fi kulu safha ta seta khotuwa, shikil ta irsh de mafi fi ai mamlaka tani. ²⁰ kubayat al Seliman gi asurubu ma huwo, kulu kan min dahab, wa kulu kubayat al ta sherab al fi beit al fi gaba ta Lebanon kan kulu min dahab al nedif, kan ma min feda leanu feda kan ma indu kema fi zaman ayam ta Seliman. ²¹ Leanu sefena ta melik kan gi rua fi tarshish, sawa ma khudam ta Hiram, wa kan sefena ta Tarshish gi jibu dahab, feda wa sunun ta feel wa Kaman gurud wa tawus. ²² Biga Seliman futu kulu salatin al fi alam fi ganiyan wa hikma. ²³ kulu muluk al fi duniya gi ja le Seliman ashan bi asuma hikma tou, al Rabuna kutu fi geliba tou. ²⁴ Nas al gi ja zuru huwo gi jibu le huwo hadiya, su hana al ta feda wa dahab, malabis,asliha wa buharat wa Kaman hamir wa bagal, kulu baad sena. ²⁵ wa kan Seliman indu 4000 mahal tol hasiin wa markabat wa 12000 jesh al kan gi geni fi medinat ta markabat, ma melik fi Jerusalem. ²⁶ Huwo gi hukum muluk kulu al fi bahar ta Euphrates lahadi fi Ard ta Philistines, wa lahadi hudud ta Egypt. ²⁷ Melik indu feda fi Jerusalem ketir ze hujar fi turab. Huwo amulu kasab ta urs ze jemiz al ketir fi sohil. ²⁸ Homon jibu hasiin le Seliman min masir wa min kulu aradi, ²⁹ wa bagi umur al weil wa al akiir an Seliman, ma katibu fi tarik ta nebi Nathan fi nubuwa ta Ahijah al shiloniti, Kaman fi ketab ta Iddo al kan gi ainu (wa al Kaman gi indu akbar an Jerusalem jena ta Nebat)? ³⁰ Seliman hukum fi Jerusalem ala Israel 40 sena. ³¹ Huwo geni ma judud tou, wa dofunu huwo fi medina ta David abu tou, Rehobaom al jena tou yahu biga geni melik fi mahal tou.