¹ Biga zaman seliman kalasu salawat, nar ja tehet min sama wa akulu/haragu tegdima wa zebiha al haragu de, wa mejid ta Rabuna mala al beit, ² Al kahanat ma bi agdeir ashan bi dakalu fi beit ta Rabuna, leanu mejid tou mala beit de, ³ Fi zaman al iyal ta Israel ainu nar ja tehet wa mejid ta Rabuna fi beit, homon dengiri usa tomon tehet fi turab fir as hajer wa abidu wa wodi sukuru le Rabuna, homon kelimu Rabuna kwes wa rahama tou ela al abad. ⁴ Biga melik wan as kulu gedimu zebiha le Rabuna, ⁵ Melik seliman gedimu zebiha min bagara al huwo 22,000 ras min bagara wa 120,000 min khorouf wa akhnam, yala melik wa kulu nas gedimu/kerisu beit ta Rabuna, ⁶ Al kahana wegifu, kulu wahid wegifu fi mahal al ta khedma tou, wa kan laweiin Kaman ma alaf ta musica ta Rabuna, al melik Daud yau amulu ashan bi wodi sukuru le Rabuna fi zaman ta guna, ashan ahead tou wa rahama tou gi genie la al abaad, kulu kahana kan gi afuku burugi gedam tomon wa Israel kulu gi wogifu fok. ⁷ Seliman gesimu mahal al fin us al gedam ta beit ta Rabuna, huwo gedima hinak tegdima al haragu wa zebiha al saham ta salama, leanu mazbaha al huwo amulu min nehas de ma bi timu zabiha al aragu de, zebaih ta hebub ze dura, wa shaham. ⁸ Biga seliman amulu ahlifa fi zaman dak le muda saba ayam wa kulu Israel ma huwo, nas ketir kan shedid min lebo hamath lahadi Egypt, ⁹ Fi yom al nimra tamaniya, homon amulu ahtefal resmi leanu homon amulu tegdim ta mazbaha saba ayam, wa ahtifal le muda saba ayam, ¹⁰ Wa fi yom 23 fi shahar, saba seliman rasulu ferteku nas ashan bi reja wara fi mahalat tomon bi farah wa geliba al kwes, ashan sukul kwes al Rabuna amulu le daud, seliman wa iyal/nas tou Israel. ¹¹ Wa biga seliman kalasu abinu beit ta Rabuna wa beit ta melik, wa kulu hajat al kan fi fekra ta seliman au fi geliba tou ashan amulu kulu bi naja ¹² Rabuna zahar le suliman bi lelil wa kelimu le huwo, ana asuma salawat taki, wa ana ikhtar mahal de le ana ze beit ta zebiha. ¹³ Iza ka nana gofulu samawat ashan keli matara ma nezil, au iza ka nana rasulu jara jarat ashan bi demiru arad, au iza kana ana rasulu darbat fi wasat tan as tai, ¹⁴ Yala iza kan nas tai al gi nadi isim tai, bi nezil nefsa tomon, seli, fetisu usa tai wa homon reja min sikat tomon al batal, ana bi asuma min sama, wa bi afi katiya tomon, wa bi asuma baraku ard tomon, ¹⁵ Hasa ouyon tai bi kun mufto wa adana tai bi asuma le salawat al gi amulu fi mahal. ¹⁶ Leanu ana hasa ahtar wa kasisu beit de ashan isim tai bikun hinak ela al abad, ouyon tai wa geliba tai bi kun hinak kulu yom, ¹⁷ Wa be nisba le inta, iza kan inta douwuru fi gidam tai ze ma abu taki odud douwuru, wa inta amulu kulu hajat ze ma ana kelimu le inta, wa inta hafisu gawaniin wa wasaya tai, ¹⁸ Biga ana bi asisu karis ta mamlaka taki, ze ma ana kan kelim fi waad al ma abu taki dauud fi zaman al ana kelim, ana ma bi wogifu usa min hakimu Israel. ¹⁹ Lakin iza kan inta reja wara wa sibu gawaniin wa wasaya al ana wodi le inta wa iza kan inta ruwa abidu Rabuna taniin wa degiri le homon ²⁰ Biga ana bi tala homon bara min mahal al ka nana wodi le homon, beit de ana kasisu le isim tai, ana bi jada homon min gedam tai, wa ana bi amulu homon mesal wa gesa fi wasat ta kulu nas. ²¹ Hata iza kan heikal de towil wa fok, ai zol al gi ruwa min jambu tou bi istagrab homon bi asalu, lee Rabuna kalam de le, mahal de wa beit de? ²² Baad min nas bi juwabu, leanu homon sibu/aba Rabuna al Allah tomon, al tala judud tomon bara min Egypt, wa homon ruwa wa dengiri tehet le Rabunat taniin ashan bi abidu homon, de yau sabab al Rabuna jibu tab fi ras tomon.