¹ Abijah ragad/ mutu ma judud tou, wa homon dafunu owo fi medina ta Daud, Asa Jena tou yahu biga tala melik fi mahal tou. Fi ayam bi tou beled kan hadi le feterat 10 sena. ² Asa amulu hajad al kwes fi ena ta Allah Rabuna tou. ³ leana huwo shilu bara mazbaha al garib wa mahalat al fok. Huwo kasusru tehet amout ta hajer wa gata tehet amout ta Asherah. ⁴ huwo ketimu le Judah ashan bi fetishu Allah, Rabuna ta judud tomon, wa keli hafisu sheriya wa wasaya. ⁵ Kaman howo shilu bara mahalat al fok wa mazbaha ta buhur min kulu mudun ta juddah, mamlaka kan indu raha fi zaman tou. ⁶ Huwo abinu mudun defaiya if juddah, leana beled kan hadi, wa kan howo ma indu harib fi sanawat dak, leanu Rabuna wodi le howo salam. ⁷ Leanu asa kelimu le Juddah, keli nina abinu mudun del wa amulu aswar hawili homon, wa abraj wa abuwab, wa hawajiz, lisa Ard de ta nina leanu nina asalu Rabuna, Allah ta nina, nina asalu howo, wa howo wodi le nina salam fi kulu ihtiyajat, yala homon abinu wa homon naja. ⁸ Jesh ta Asa indu daraga wa harba fi juddah howo indu 300,000 rujal wa fi Benjamin howo indu 280,000 jrujal al indu daraga wa danga. De kulu nas al gi haribu shedid. ⁹ Zerah al min Cushite ja did homon be 100,000 jesh, wa 300 markabat, howo ja le mareshah. ¹⁰ yala Asa ruwa ashan bi gabilu homon, wa homon haribu fi wadi Zaphathah. ¹¹ Asa kore le Rabuna, mafi Rabuna Allah tou wa Kelimu, ya Rabuna, mafi Rabuna tani lakin inta yahu al bi saidu zol al ma indu gowa fi zaman al howo gi wajehu nas ketir, saidu nina, ya Rabuna Allah ta nina , leanu nina gi teki le inta, wa bi isem taki yahu nina ja did nas al ketir de. Ya Rabuna, inta Allah ta nina, mata sibu insaan keli futu inta. ¹² Yala biga Rabuna dugu nas Cushites gedam ta Asa, wa Juddah, nas Cushites jere. ¹³ Asa wa asakir al ma howo turudu homon lahadi fi gerdr. Nas ketir min Cushites arufu gal homon ma bi agder, leanu demiru homon tamaman gedam Rabuna. Ma kulu jesh tou, wa jesh ta Asa kan shilu ganima ketir. ¹⁴ Jesh demiru kulu karyyat al hawili gerar. Leanu kafu ta Rabuna biga ja le kulu nas ta beled dak, asakir jesh seregu kulu hajat ta kariyat dak, homon kan ligo ganima ketir. ¹⁵ Wa jesh Kaman demiru kheyam tan as al indu bahaim, homon shilu khorfan ketir, wa Kaman jumal, yala homon reja fi Jerusalem.