¹ Hasa be kusus aukat wa mawasim, ya akuana, itakum ma muhtajin ashan be katibu le itakum ayi haja. ² Ashan itakum be nefua takum arufu kues inu yom ta Rabana gi ja zeharami belel. ³ Kan umun be kelimu`` Salam wa aman``, faja damarbe ja le umun. Bekun ze waja ta weledu le maraal hamil. Mafi teriga al umun be agder tefes beuo. ⁴ Lakin itakum, ya akuana, ma fi duluma ashan yom dak beja le itakum ze harami. ⁵ Ashan itakum kulu eyal ta nor wa iyal ta nahar. Inna ma iyal ta belel wele eyal ta duluma. ⁶ Ashan kida, kede inna ma nom ze bagin gi amulu. Lakin, kede inna geni sahin wa gi ayinu. ⁷ Ashan delin al gi nom bi amulu be nesu teriga belel, wa delin al gi sakaran nefsu haja umun gi amulu belel. ⁸ Lakin ze ma inna tabien le nahar, Lazim inna begeni sahin wa belibisu dire ta iman wa muhaba, wa tagiya ta takid ta kalas ta nina fi mustakbal. ⁹ Ashan Allah ma jibu inna le shukul zalan, lakin ashan beligu kulasa bewasat Rabana Yesua al Messih. ¹⁰ De uwu yau mutu ashan nina, ashan hata kan inna sahien wele naimin, inna be hai ma uwu. ¹¹ Ashan kida azi takum badun wa abinu takum badun fuk, be nefsu teriga al ikum biga be amulu beuo. ¹² Inna bi asalu itakum, ya akwana, ashan bi arufu delin al bi taban fi nus takum wa bi jahizu itakum fi Rabana wa bi anziru itakum. ¹³ Inna bardu bi asalu itakum wedi le umun muhaba kebir ashan shukul tumun. Kedeitakum kun be salam fi badun takum. ¹⁴ Inna bi asalu itakum , ya akwana: anziru takum delin al gi ish bidun tertib, sheje takum al muhbitin, sadu takum al daifin, subur takum le kulu nas. ¹⁵ Kede ma fi zol dafa sher be sher le ayi zol. Lakin, ruwatakum wara haja al kues le badun takum wa le ayi zol. ¹⁶ Afrah takum daimen. ¹⁷ Seli takum bedun wuguf. ¹⁸ wedi takun shukur fi ayi haja. Ashan de yau meshiya ta Allah fi Yesua al messih le itakum. ¹⁹ Ma takun batulu Roho. ²⁰ Ma takun Alisu nubuwat. ²¹ Imtehin takun kulu haja. Amsuk takun fi haja al kues. ²² Aba takun ayi haja bi bainu ze sher. ²³ Kede Allah ta salam Kutu itakum kukadasin bel kamil. Kede Roho takum kulu, Nefsa, wa gisim takum kun mahfuz budun luom le ja ta Rabana ta nina Yesua al Messih. ²⁴ De al nadi itakum uwu amin, wa kaman bi ageder temimmu. ²⁵ Akwana, seli takum le inna kaman. ²⁶ Selimu takum akwana kulu ma gubbla mukadas. ²⁷ Ana bi atlub min itakum be Rabana inu risala de kede agaarau le akwana kulu. ²⁸ Kede naima ta Rabana Yesua al Messih kun ma itakum.