¹ Ashan kida, zaman inna ma ageder istahmul, inna fekir uwu kues ashan inna bi fadulu barau fi Asinna. ² Inna rasulu Timusaus, aku ta nina wa kadam ta Allah, al gi istakal ma inna sawa fi Injil al Messih, shan bi azzee wa gowi iman takum. ³ Inna amulu kida ashan mafi zol bi hizzu be taab de. ashan itakum be nefsa takum aruf ikaru inna ashan kalam de. ⁴ Hagigaten, zaman inna kan ma itakum, inn aweri le itakum min bediri enu kan gi ruwa ligu taab, wa hasil ze ma itakum aruf. ⁵ le sabab de, zaman ana biga ma ageder istahamal, ana rasulu ashan bi aruf an iman takum. Mumkin al mujerib jeribu itakum, wa taab ta inna bi ruwa kasara. ⁶ Lakin Timusaus ja le inna min itakum wa jibu le inna kabar kues an iman takum wa muhaba. Uwu weri le inna inu itakum daimen indu zikiriat kues le inna, wa ikakum indu niya ashan bi ayinu inna ze ma inna kaman indu niya ashan bi ayinu itakum. ⁷ Ashan kida, akuana, Inna ligu taziya min itakum ashan iman takum, fi kulu Dikaat wa taab ta nina. ⁸ Ashan inna gi ish hasa, kan itakum wagif gowi fi Rabana. ⁹ Ashan de yatu shukur al inna bi agder wedi le Allah min ajil itakum, le kulu farah al inna gi ligu min itakum gidam ta Allah? ¹⁰ Bilel wa nahar ina gi seli shedid ashan ina bi ayinu usa takum wa b timu haja al nagis fi iman takum. ¹¹ Kede Allah nefsu Abu tanina, wa Rabana Yesua gedime sika ta nina le itakum. ¹² Kede Rabana sebu itakum raba wa zidu fi muhaba le badun wa kulu nas, ze nina bardu gi amulu le itakum. ¹³ Kede uwo gowi gulub takum ashan bikun bidun loum wa fi kadasa gidam ta Allah wa al Ab, fi ja ta Rabana Yesua wa kadisin bituo.