¹ Fa Daud ruwa min hinak wa jere gurgur ta Adullam. Zaman akuwana to wa kulu nas al fi bet ta abu tou asuma, huwomon nezil tihit le huwo. ² Kulu wahid al kan fi huzun, kulu zol al kan fi dein, wa kulu zol al kan biga galgan__huwomon kulu limu le huwo. Daud biga tala captain le huwomo. huwomon kan urbomia jrujal ma huwo. ³ Yalla Daud ruwa min hinak le Mizpah fi Moab. Huwo kelimu le melik ta Moab, ''Malish sibu abu tai wa uma tai ruwa ma inta lahadi ana bi arufu sunu Allah bi le ana. ⁴ ''Huwo sibu huwomon ma melik ta Moab. Abu tou wa uma tou geni ma huwo zaman kulu al Daud kan guwi fi hukum. ⁵ Yalla biga al nabi ta jadd kelimu le Daud, ''Ma ta geni fi sur taki. Sibu wa ruwa fi ard ta Yahudiya. ' Fa Daud tala min hinak wa ruwa fi gabat ta Hereth. ⁶ Saul asuma inu Daud kashifu, sawa ma rujal al kan ma huwo. Saul kan geni fi Gibeah tihit shajer tamarisk fi Rmah, ma harba tou fi yadan tou, wa kulu kudam kan wagifiin hawili tou. ⁷ Saul kelimu le kudam tou al wogif hawili huwo, ''Asuma hasa, nas ta Benjamin! Ha jena Jesse bi wodi le kulu wahid min intakum mahal zara wa alkurum? Hal huwo bi amulu inta kulu capatiin ta alaf wa capatiin ta miaat, ⁸ fi tabadul le intakum kulu al bi amulu muamara ded ana? Ma fi zol min intakum weri le ana zaman jena tai amulu itifagia ma jena ta Jesse. Ma fi zol min intakum tala asif le ana. Ma fi zol min intakum weri le ana iu jena tai harridu kadam tai Daud ded ana. Alela huwo dusu wa bi intezir le ashan hwu bi hajimu ana. '' ⁹ Biga Doeg al ''adumi, al bi wogif bi jambo ta kudam Saul juwabu, '' Ana ayenu jena ta Jesse ja le Nob, le Ahimelech jena ta Ahitub. ¹⁰ Huwo seli le Yahwa inu huwo bi sadu huwo, wa huwo wodi le huwo ziyada wa safe ta Goliath al Philitini. '' ¹¹ Yalla al melik rasulu zol ashan bi jibu gesis Ahimelech jena ta Ahitub wa kulu nas al fi bet ta abu tou, gusos al kan fi Nob. huwomon kulu ja le melik. ¹² Saul kelimu, ''Asuma hasa , jena ta Ahitub. ''Huwo juwabu, ''Ana yau hini, seid tai.'' ¹³ Saul kelimu le huwo, ''Le inta amulu muamara ded tai, inta wa jena ta Jesse, inta wodi le huwo rigif, wa safe, wa huwo seli le Allah inu huwo bi sadu huwo, ashan huwo bi gum fok ded ana, ashan bi dusu fi sii, ze am huwo amulu alela?'' ¹⁴ Yalla Ahimelech juwabu al melik wa kelimu, ''Munu fi nus ta kulu kudam takum al amin ze Daud, al huwo jena nesib ta melik wa huwo fok le haris, wa ihtaramu fi bet taki? ¹⁵ Alela awel yom ana seli le Allah ashan bi sadu huwo? Huwo beit min ana! ma ta sibu melik tahamu kadam tou ma aye haja aw bet ta abu tai kulu. Leanu kadam taki ma arufu aye haja fi kulu mashakil de.'' ¹⁶ Al melik juwabu, ''Inta bi mutu, Ahimelech, inta wa kulu nas ta bet taki. ¹⁷ ''Al melik kelimu le haris al wagif hawili huwo, ''agelibu wa katulu al gusos ta Yahwa. leanu yadan toumon kaman ma Daud, wa leanu huwomon arufu inu huwo jere, lakin hwuo ma kashifu le ana. ''Lakin al kudam ta melik ma bi kutu yadan tou ashan bi katulu al gusos ta Yahwa. ¹⁸ Yalla al melik kelimu le Doeg, ''agelibu wa katulu al gusos. '' Fa Doeg al Edomi gelibu wa hajimu al gusos; huwo katulu kamsa tamaniin ashkhas al libisu alrrada al nayim fi yom dak. ¹⁹ Huwo kaman dugu Nob bi safe medina ta gusos, rujal wa nuswan, iyal wa iyal sokar, wa mashia, alhamir wa khuruf, huwo dugu ma safe. ²⁰ Lakin wahid min iyal ta Ahimelech jena ta Ahitub, isimu Abiathar, jere wara Daud. ²¹ Abiathar wori le Daud inu Saul katut gusos ta Yahwa. ²² Daud kelimu le Abiathar, '' Ana arufu fi yom dak, zaman Doeg al Edomi kan hinak, huwo bi kelim le Saul. Ana maswuwl fi kulu mutu fi usura ta abu taki! ²³ Geni ma ana wa ma ta kafu. Lenu wahid al bi fetisu haya taki bi fetisu tai. Inta bi kun aman ma ana.''