¹ Talata sinin futu bidun harb bein Aram wa Israeliyin. ² Bad dak ja zaman inu fi sena nimra talata, Jehosphat melik bita Judah rua le melik ta Israel. ³ Hasa melik ta Israel kelimu le khudam tou, "Hal intum arufu inu Ramoth Gilead bita nina, lakin inu nina ma amulu haja ashan bi shilu min iden ta melik bita Aram?" ⁴ Yala huwo kelimu le Jehoshat, "Hal inta bi rua ma ana fi harb fi Ramoth Gilead?" Jehoshaphat juwabu lr melik bita Israel, 'Ana ze inta, shab bitai ze shab bitak, wa husanat bitai ze husanat bitak." ⁵ Jehoshaphat kelimu le melik ta Israel, "Arjuk fetisu tija min kalam bita Yahwa fi haja al inta der amulu awel.' ⁶ Bad dak melik ta Israel limu anbiya fi mahal wahid, urbumiya rijal, wa kelimu le umon, "Hal kede ana rua le harb fi Ramoth Ggilead, wele kede ana ma rua?" umon kelimu, "Hajimu, Rabuna bi wodi mahal de fi iden ta melik." ⁷ Lakin Jehoshaphat kelimu, "Hal mafi nebi tani bita Yahwa al nina bi fetisu irshad?" ⁸ Melik bita Israel kelimu le Jehoshaphat, Fi lisa wahid zol al nina bi fetisu irshad min Yahwa ashan bi saidu, Micaiah weled bita Imlah, lakin Ana bi karahu huwo leanu huwo ma bi nabau ai haja al kwes an ana, lakin tegila bes." Lakin Jehoshaphat kelimu, "Kede melik ma kelim kalam de." ⁹ Bad dak melik bita Israel nada(nadi) dabid wa wodi awamir, "jibu Micaiah weled bita Imlah, hasa." ¹⁰ Hasa Ahab melik bita Israel wa Jehoshaphat melik bita Judah ai wahid bi geni fi kursi tomon ta Muluk, Umon libisu gumasat tomon, fi mahal fadi fi dukul ta buaba bita Samaria, wa anbiya kulu bi nabau gidam umon. ¹¹ Zedekiah weled bita Kenaanah amulu le nefsu gurun abu hadid wa gal, "Yahwa kelimu kida: Be de intum bi turudu(lizu) Arameans lahadi umon kalasu." ¹² Bad dak anbiya kulu nabau nefsu kalam, gal, "Hajimu Ramoth Gilead wa fus, Fa Yahwa kalas wodi mahal de fi iden ta melik." ¹³ Murasil al rua(masha) ashan nadi Micaiah wonusu le huwo, gal, "hasa suf(ainu)) Anbiya nabau kalamat kwes le meilk be kasma(sot) wahid. Arjuk kede kalam bitak kun ze wahid min umon wa kelimu hajat kwes. ¹⁴ "Micaiah juwabu, 'Zema Yahwa aish, Kalam al Yahwa kelimu le ana yau al ana bi gul," ¹⁵ Zaman huwo ja le melik, Melik kelimu le huwo, "Micaiah, Hal keli nina rua le Ramoth Gilead le harb, wele la?" Micaiah juwabu huwo, "hajimu wa fus. Yahwa bi wodi mahal de fi iden ta melik." ¹⁶ Bad dak melik kelimu le huwo, "kam marat Ana bi atlubu inta ashan bi alifu ashan ma wori le ana haja lakin hagiga be isim ta Yahwa?" ¹⁷ Yala Micaiah kelimu, "Ana ainu Israeliyin shetetu fi jubal, ze korufan al ma indu rai, wa Yahwa gal,(kelimu) ''Del ma indu rai. kede ai zol raja le bet tou be salam.'" ¹⁸ Yala melik kelimu le Jehoshaphat, "Ana gibel ma wori le inta inu huwo ma bi nabau haja kwes an ana, lakin karisa bes?" ¹⁹ Bad dak Micaiah gal, "ashan kida(be zalik) asuma kalam bita Yahwa: Ana ainu Yahwabi geni fi kursi tou, wa kulu jesh wagifin jambu fi iden al yemin wa iden ta samal. ²⁰ Yahwa kelimu, 'munu yau bi seje Ahab, ashan huwo kede rua wa mutu fi Ramoth Gilead?' Wahid min umon kelimu kalam de wa wahid tani kelimu kalam dak. ²¹ Bad dak roho ja gidam, wagaf gidam Yahwa, wa gal, 'Ana bi seje huwo.' Yahwa kelimu le huwo, 'Kef? ²² Roho de juwabu, 'Ana bi rua bara wa bikun roho bita kidib fi kasuma bita anbiya kulu,' Yahwa juwabu, 'Inta bi seje huwo, wa inta kaman bi kun naje.. Rua hasa ashan amulu kalam de.' ²³ hasa ainu, Yahwa kutu roho ta kidib fi kasuma ta anbiya taki del kulu, wa Yahwa wodi karar bita karisa le inta." ²⁴ Bad dak Zedekiah weled bita Kenaanah, ja, nouru Micaiah, wa gal, "Yatu teriga al Roho bita Allah bi rua min ana le inta ashan bi wonusu le inta?' ²⁵ Micaiah gal, suf, inta bi ainu fi yom dak zaman kan inta bi rua dusu fi dakil bet." ²⁶ Melik bita Israel kelimu le khudam bitou, Amsuku Micaiah wa shilu huwo fi sijin le Amon, wali bita asima(medina), wa le Joash, weled bitai. ²⁷ kelimu le huwo, 'melik gal, Kutu zol de fi sijin wa akilu huwo be rakif suker wa moya besit bes, lahadi ana bi ja be salam.'" ²⁸ Bad dak Micaiah gal, "Kan inta rija be salam, bad dak Yahwa ma wonusu le ana." bad dak huwo kelim tani, "Asuma le kalam de, intum ya kulu shab." ²⁹ Yala , melik ta Israel, wa Jehoshapaht, melik ta Judah, rua(masha) le Ramoth Gilead. ³⁰ Melik ta Israel kelimu le Jehoshaphat, "Ana bi geiru nefsi wa bi rua le harb, lakin inta libisu gumas bitak ta muluk."Yala melik ta Israel geiru nefsu wa masha le harb. ³¹ Hasa melik bita Aram amiru itnin wa teletin capatin ta arabat tou, gal, "Mata hajimu jes al ma mohimin au al mohimin. Ile(bidal de), hajimu bes melik ta Israel." ³² Ja fi zaman inu capatin bita arabat de ainu Jehoshaphat umon kelimu, "Dak yau melik ta Israel hagiga." Umon galabu wa hajimu huwo, yala Jehoshaphat kore be sot fok. ³³ Ja fi zaman al khadad bita arabat de ainu inu huwo ma melik ta Israel, umon galabu ma turudu huwo tani. ³⁴ Lakin zol tani amurugu nisabat wa atanu melik ta Israel bein aduad tou bita harb. Bad dak Ahab kelimu le suag bita arabiya tou, " aglibu arabiya wa shilu ana bara min harb, awugu ana shedid." ³⁵ Harb biga kebir shedid yom dak wa kutu melik fok arabiya bi wajihu Aramean. Huwo mat fi misah. Dom jere min jara tou le tehet arabiya. ³⁶ Bad dak zaman shemis kalas masi tehet, Jesh kulu biga kore fok, gal, "Ai zol kede rija fi medina(asima)tou; wa ai zol kede rija fi iklim tou!" ³⁷ Yala melik Ahab mat wa jibu huwo le Samaria, wa umon dofunu huwo fi Samaria. ³⁸ Umon kasulu arabiya be moya ta biir bita Samaria, wa kilab alasu dom tou(de yau mahal al nusuwan ta zina bi beredu fogo), bes ze Yahwa kelimu kalam tou. ³⁹ Fa ze hajat al tanin an Ahab, kulu hajat al huwo amulu, bet al huwo abinu be sin fil, wa kulu mudun al huwo abinu, hal ma katibu fi kitab ta ahdas bita muluk bita Israel? ⁴⁰ Yala Ahab naim ma judud tou, wa weled tou Ahaziah biga(tala) melik fi mahal tou. ⁴¹ Bad dak Jehoshaphat weled ta Asa bada ashan hakimu Judah fi sena nimra arba ta melik bita Israel. ⁴² Jehoshaphat indu kamsa wa teletin sena zaman bada hakimu, wa huwo hakimu fi Urselim kamsa wa ishirin sena. Isim ta uma tou Azuba, bit ta Shilhu. ⁴³ Huwo bi douru fi sika ta Asa, abu tou; huwo ma aglibu min umon; huwo amulu hajat adil fi ena ta Yahwa. Lisa ma shilu mahalat al fok(aali). Shab de kan bi gedimu zebiha wa haragu bohur fi ras mahalat al fok. ⁴⁴ Jehoshaphat amulu salam ma melik ta Israel. ⁴⁵ Ze ma hajat al tanin an Jehoshaphat, wa hajat al azim al huwo amulu, wa kef huwo haribu, Hal umon ma katabu fi kitab ta ahdas ta muluk bita Judak? ⁴⁶ Huwo talau bagi nusuwan ta zina(daara) al kan fi ayam bita abu tou Asa. ⁴⁷ Melik kan mafi fi edom, lakin naib hakimu hinak. ⁴⁸ Jehoshaphat salau sefina al bi rua fi mohit; umon kan bi rua le dahab fi Ophir, Lakin umon ma rua leanu sefina de karabu(kasuru) fi Ezion Geber. ⁴⁹ Bad dak Ahaziah weled ta Ahab kelimu le Jehoshaphat, "keli khudam tai rua ma khudam taki fi sefina," Lakin ⁵⁰ Jehoshaphat ma rudu. Jehoshaphat nam ma judud tou; Weled tou Jehoram tala(biga) melik fi mahal tou. ⁵¹ Ahaziah weled ta Ahab bada hakimu Israel fi Samaria fi sabatasar sena bita Jehoshpahtat melik bita Judah, wa huwo hakimu Israel itnin sena. ⁵² Huwo amulu hajat sharir fi ena ta Yahwa wa bi douru fi sika ta abu tou, fi sika ta umu tou, wa fi sika ta Jeroboam weled bita Nebat, be teriga al huwoshilu Israeliyin le khatiya. ⁵³ Huwo khadimu Baal wa abidu huwo wa bad kida huwo istefiz Yahwa Yahwa,Allah bita Israel, le zel, ze bes abu tou kan amulu.