¹ Ahab kelim le yezabel hajat al eliya amulu wa keif eliya katulu anbiya de kulu be seaf. ² biga yezabeal rasulu marasula le eliya, kelim, keli aliha katulu ana wa amulu aktar kaman, kan ana ma amulu haya taki ze haya ta wahid min anbiya al miteen bukra ze wokit de. ³ Zaman eliya asuma kalam de, huwo gum wa jere bi haya tou wa jaa le bees saba al kan ta yahudiya wa huwo sibu kadam tou hinak. ⁴ Lakin huwo bi nefsa tou le rehla ta yom wahid fi ghaba wa huwo jaa wa geni tehet shejera rutma huwo talabu le nefsa tou gal ahsen keli huwo mutu wa kelim, kalas timu ana yahwah keli inta shilu haya tai hasa ashan ana ma ahseen min judud tai al mutu. ⁵ Huwo bada num fi tehet shejara ta butma towali keda malaika lemesu huwo wa kelim le huwo, gum fok wa akulu. ⁶ Eliya ainu wa jambu ras tou kan fii esh al rakabu ma faham wa ibrik ta moyo. Biga huwo akulu wa ashrab wa huwo rejaa num tehet. ⁷ Malaika ta yahwah jaa tani mara wa lemesu huwo wa kelim, gum fok wa akulu ashan rehla de bi kun saab shedid le inta. ⁸ Huwo gum akulu wa ashrab, wa huwo kan biga gowi ashan huwo akulu wa huwo bada safir arbein nahar wa arbein leil le horib, jebel ta allah. ⁹ Huwo ruwa le tehet jebel wa geni hinak. Biga kalam ta yahwah jaa le how wa kelim, eliya, inta gi amulu shunu hini? ¹⁰ Eliya juwabu, ana kan indu geira shedid le yahwah, elah ta junud ashan shaab ta israel aba ahaad taki, humon demiru mazbaha taki wa humon katulu anbiya taki be seaf hasa ana ana bes yahu hai wa humon kaman gi hawil ashan bi shilu haya tai. ¹¹ Yahwah juwabu ruwa bara wa wogif fi fok ta jebel gedam ana wa yahwah ruwa min jambo huwo wa huwo shedid dugu jebal wa kasuru hujar de sukeiriin gedam ta yahwah lakin yahwah mujud fi huwo de wa baad huwo de zalazal jaa lakin yahwah kan ma mujud fi zalzal de. ¹² Wa baad zalzal de nar jaa lakin yahwah kan ma mujud fi nar de wa baad nar de kan fi sut sukeir jaa ¹³ Zaman eliya asuma sout de, huwo kati wosa tou ma jelebiya tou, huwo tala bara wa wogif fi bab ta kahaf was out de jaa le huwo wa kelim,”Ya Eliya, inta gi amulu shunu hini? ¹⁴ Eliya juwabu, ana kan indu ghira shedid le yahwah, allah ta junud, ashan shaab ta Israel aba ahead taki, wa kasuru mazbaha taki kulu wa katulu anbiyaa taki be seaf, ana bes hasa ana yau fadulu wa humon Kaman gi hawil ashan bi shilu haya tai, ¹⁵ Yahwah kelim le huwo,”Ruwa rejaa be nefsu sika taki de le sahra ta Demishgi, wa kan inta wosulu, bariku hezael ahsan bi kun melik le aram, ¹⁶ Wa inta bi bariku yehu jena ta nimishi ashan bi kun melik ta Israel. Wa inta bariku, iktar Elisha jena ta shaphat al min abl mahal ashan bi kun nibie bidal inta, ¹⁷ Kan ayi zol al jere min seaf ta hazael yehu bi katulu huwo wa ayi zol al jere min seaf ta yahu Elisha bi katulu huwo, ¹⁸ Lakin ana bi hafisu le nefsa tai sabaa alf nas fi Israel al ma kutu rukuba tehet le baal al ma silimu baal ma kasma tou. ¹⁹ Biga eliya tala min hinak wa ruwa gabilu Elisha jena ta shaphat, huwo kan gi kuruju be itnashar bagarat gedam huwo, wa Elisha be nefsa tou kan gi kuruju be itnasha baagarat, eliya jaa le Elisha wa jada jalabiya tou fi gisim ta huwo(Elisha). ²⁰ Biga Elisha bagarat de wa jeree wara eliya wa kelim, min fadlak keli ana ruwa silimu abu wa uma tai, yala ana bi jaa ruwa wara inta, eliya le huwo, rijaa wara, lakin fekir fi haya al ma amulu le inta. ²¹ Biga elisha rijaa min eliya wa shilu sirig ta bagara wa katulu haiwanat wa haragu humon ma kasab ta bagarat de wa huwo wodi le nas wa humon akulu. Biga huwo gum wa ruwa wara eliya abada gi alimu huwo