¹ Yala kulu Israel kan musajal fi mawalid. Sejilu humon fi Kitab ta moluk ta Israel. Ze ta yahud humon kan shilu fi manfa le Babil le ajli kayana bitomon. ² Sukan alawel fi mumtalakat bitomon, fi mudun bitomon, kan baad min Israelin, kuhana, lawiin wa khudam ta maabad. ³ Baad min iyal ta iyal ta Yahuza, Benyamin, Afraim, wa Manasseh sakin fi Jerushelim. ⁴ Nas Al gaidin minhumon uthai jena ta Ammihud jena ta omri jena ta Imri jena ta Bani, wahid min Iyal ta iyal ta Fares jena ta Yahuza. ⁵ Wasat sheluniin kan Asaiah al Bikiria wa awlad bitou. ⁶ Wasat iyal ta iyal ta Zarah kan Yauel. Adad ta akuna bitomon 690. ⁷ Wasat iyal ta iyal ta Benyamin kan sallau jena ta Mashullam jena ta hoduiah jena ta Hassehuah. ⁸ Kan hinak Kaman Yibneiah jena ta Yaroham; Ailah jena ta Uzzi jena ta Mikri; wa mashullam jena ta Shefatiah jena ta Rauel jena ta Yibniah. ⁹ Agriba bitomon, hasab tesjilat ta mawalid mahsub 956. Rujal del kulu kan ruasa ta biyot ta abuhat le biyot ta abuhat bitomon. ¹⁰ Al kuhana kan yadaiah, Yahoiarib, wa Yakin. ¹¹ Kan hinak Kaman Azariah jena ta Hilkiah jena ta Mashullam jena ta Sadok jena ta Maraioth jena ta Akitub, Al wokilu fi bet ta Allah. ¹² Kan hinak adaiah jena ta Yoroham jena ta Fashhur jena ta malkiyah kan hinak Kaman Maasai jena ta Adiel jena ta Yahzerah jena ta Mashullam jena ta Meshillemith jena ta Ammer. ¹³ Akuana bitomon kan ruasa ta usar bitomon, mahsub 1,760. Humon kan rujal gowiiu sheded le shokol ta Khidma fi bet ta Allah. ¹⁴ Wasat Lawiin, kan hinak Shemaiah jena ta Huasshub jena ta Azrikam jena ta Hashabiah, wasat iyal ta iyal ta Marari. ¹⁵ Kan hinak Kaman bak bakkar, haresh, Galal, wa Mattaniah jena ta Mika jena ta Zikri jena ta Asaf. ¹⁶ Kan hinak Kaman Obadiah jena ta Shemaiah jena ta Galal jena ta Yaduthun; wa Barekiah jena ta Asa jena ta Alkanah, al Sakin fi karia ta Natofathiin. ¹⁷ Huras ta bab kan shallum, akkub, Talmon, Akiman, wa akuana bitomon. Shallum kan reis bitomon. ¹⁸ Lahadi hasa humon wogif ze haris fi bab ta Muluk fi itijah ta Sherik le Muaskar ta iyal ta iyal ta lawi. ¹⁹ Shallow jena ta Kore jena ta Abiasaf, jena ta Korah, wa Akuana bitou min usura bitouu al korahiuou, kan wokilu humon le khidma ta shokol ta Haris. Humon bi harisu bab ta Khema, ze abuhat bitomon bi harisu mahal ta Yahwah, wa Humon Kaman bi harisu madkal. ²⁰ Finahas jena ta Aleazar kan reis le humon Sabikan (min bediri) wa Yahwah kan ma huwo. ²¹ Zechariah jena ta mashelemiah kan haris ta madkal ta khema ta Ijtima. ²² Del kulu kan Azilu ze huras ta bab fi madkal Mahsub 212. Asami bitomon kan Sejilu fi Mawalid ta Shaab fi Kariyat bitomon. Dauud wa Samuel al rai kan azilu humon le wazaif bitomon min thikah. ²³ Yala humon wa iyal ta iyal bitomon Azilu ashan bi harisu Abuab ta bet ta Yahwah, Al bi nadi bet ta Ibada (maabad). ²⁴ Huras ta bab kan kutu fi kulu Arba Itijahat itijah ta Sherik, garib, Shamal, Junub. ²⁵ Akuana bitomon al Sakin fi kuraa ja le humon fi saba ayam zaman baad zaman, fi doria. ²⁶ Lakin ruasa ta bawabat, kan lawiin, kan Mushirfin le guraf wa makazin ta bet ta Allah. ²⁷ Humon geni bilele kulu fi Manasib “wazaif” bitomon kulu hawli bet ta Allah, leanu humon kan Musulii le Hirasa bitou. Humon bi fata huwo kulu sabah. ²⁸ Baad min humon fi mosulia ta Ajhiza ta Maabid; humon bi hasibu asasat Asna humon bi jibu juwa wa Asna humon bi talaa bara. ²⁹ Baad min humon Kaman kan kalifu le mosulia ta hajat al Mukadas, Alasasat “Ajhiza”, wa tejhizat, Min humon degig, al karma, al zet, Al Luban, wa tawabil “bokhor”. ³⁰ Baad min awlad ta kuhana bi amulu terkib ta ziyot ta riha. ³¹ Mattithiah, wahid min Lawiin, kan huwo bikiria ta Shaalum, kan fi Mosulia ta Zahisu eash le Al tagdimat. ³² Baad min akuana bitomon, iyal ta iyal ta Kahathiin, kan fi Mosulia ta eash ta Hudur, ashan bi zahisu huwo kulu sebit. ³³ Al murenimin wa ruasa ta usar ta Lawiin geni fi Guraf fi Hikal ligo kan Afi humon min Shokol, leanu kan Ferigu humon le Shokol nahar wa belele. ³⁴ De kan ruasa ta usar ta Lawiin, ruasa, hasab tesjilat ta mawalid. Huymon geni fi Orushelim. ³⁵ Abu ta Gibeaon, yauiel, Isim ta Mara bitou maakah, Sakin fi Gbeon. ³⁶ Jena bitou al bikiria kan Abdon, towali jena bitou sur, kish, Baal, Nadab, ³⁷ Gador, Akio, Zachariah, wa mikloth. ³⁸ Mikloth kan abu ta Shameam. Humon Kaman geni gerib ma akuana bitomon fi Orushelim. ³⁹ Ner kan abu ta Kish, Kish kan abu ta Saul, Saul kan abu ta Youhathan, malki-shua, Abinadab, wa Esh-baad. ⁴⁰ Jena ta Yuohathan kan Marib-Baal, Marib-Baal kan abu ta Micah. ⁴¹ Jena ta Micah kan Fiton, Malek, Tahrea, wa ahaz. ⁴² Ahaz kan abu ta Yaarah. Yaarah kan abu ta Almeth, Azmouth, wa Zimri. Zimri kan abu ta Mosa. ⁴³ Mosa asbah abu ta Yinea; wa Rafaiah weled bitou, Aleasah weled bitou, Asel weled bitou. ⁴⁴ Asel indu sita awlad, wa asami bitomon kan Azrikam, Bokeru, Ismael, Shaariah, Obadiah, wa Hanan, del kan awlad ta Asel.