¹ Mojmu ta shokol ta iyal ta Harun yau: Nadab, Abihu, Eleazar wa Ithamar. ² Nadab wa Abihu mutu gubal abu tomon ma mutu. humon ma indu iyal, biga Eleazar wa Ithamar ishtakal ze kahana. ³ Daud, sawa ma Saduk, iyal ta Eleazar, wa Akhimalik, iyal ta Ithamar, gesimu humon fi mojmuat le shokol tomon ze kahana. ⁴ Kan fi nas ziyada kada fi nus ta iyal ta Eleazar aktar min iyal ta Ithamar, humon gesimu iyal ta Eleazar le sitashar mojmuat. Humon amulu de be hasab ras ta gebila wa be iyal ta Ithamar. Adad ta teksimat del kulu tamaniya, hasab gabail tomon. ⁵ Humon gesimu humon ala itnin, ashan fi nas mukadasin wa nas ta Allah, min kulu iyal ta Eleazar wa iyal ta Ithamar. ⁶ Shemaiah jena ta Nathanel al katib, Lawi, katibu isim tomon tehet fi gidam ta melik, dubat, Saduk al kahin, Akhimalik jena ta Abiathar, wa kada al fi biyut ta kahana wa Lawi. Wahid gebila nezilu min nus ta iyal ta Eleazar, wa al badu bi nezilu min iyal ta Ithamar. ⁷ Awel gisma ruwa le Jehoiarib, al tani le Jedaiah, ⁸ al talit le Harim, al rabi lw Seorim, ⁹ al kamis le Malkijah, al sadis le Mijamin, ¹⁰ al sabi le Hakoz, al tamin le Abijah. ¹¹ al tasi le Jeshua, al ashir le Shecaiah, ¹² al nimira hidashar le Eliashib, al nimira itnashar le Jakim, ¹³ al nimira talatashar le Hupph, al nimira arbatashar le Jeshebeah, ¹⁴ al nimira kamistashar le Bilgah, al nimira sitashar le Immor. ¹⁵ al nimira saba tashar le Hezir, al nimira taman tashar le Happzzez, ¹⁶ al nimira tisa tashar Pethahiah, al nimira ishirin le Jehezkel, ¹⁷ al nimira wahid wa ishirin le Jakin, al nimira itnin wa ishirin le Gamul, ¹⁸ al nimira talata wa ishirin le Delaiah, wa al nimira arba wa ishirin le Maaziah. ¹⁹ De yau talimat ta khidma tomon, wokit humon ja fi juwa bet ta Yahwa, bi tabi ijraat al wodi le humon min iyal ta Harun jidu tomon, ze Yahwa Allah ta Israil, wori le humon. ²⁰ Del yau bagi iyal ta Lawi: ta iyal ta Amram, Shubael; ta iyal ta Shubael, Jehdeiah. ²¹ Wa le Rehabiah, iyal ta Rehabiah: Ishijah al kaid. ²² Min Izharites: Shelomoth; min iyal ta Shelomoth; Jahath. ²³ Iyal ta Hebron: Jeriah al kaid, Amariah al tani, Jahaziel al talit, wa Jekamim al rabi. ²⁴ Iyal ta Uzziel; Mikha: min iyal ta Mikha: Shamir. ²⁵ Aku ta Mikha: Ishijah. min iyal ta Ishijah: Zecariah. ²⁶ Iyal ta Merari: Mahli wa Mushi; min iyal ta Jaaziah: Beno, ²⁷ Iyal ta Merari min Jaaziah: Beno, Shoham, Zaccur, wa Ibri. ²⁸ Min Mahli: Eleazar, al ma indu iyal. ²⁹ Min Kish: Iyal ta Kish Jerahmeel. ³⁰ Iyal ta Mushi: Mahli, Eder, wa Jerimoth. Del yau Lawin, katibu be biyut tomon. ³¹ Nas del kan yau ras ta bet ta ai abu wa ai aku tomon al jiyan, waga tehet gidam ta melik Daud, wa Saduk wa Akhimalik, tuwali ma kada ta biyut ta kahana wa Lawin. Humon waga ze iyalta Harun amulu.