¹ Fi wokit ta Rebiy ta sena, fi zaman al muluk be rowa fi harb, Joab shilu jish fi mashakil wa demiru Ard ta nas ta Ammon. Huwo rowa wa hasiru Rabbah. Dauud fadulu fi Orshelim. Joab hajimu Rabbah wa demiru huwo kulukulu. ² Dauud shilu Tajh ta Melik toumon bara min ras tou , wa huwo lego wizin tou wahid guntar ta Dahab, wa foko hojar al gali. Tajh de wodi fi ras ta Dauud, wa huwo shilo ganaim bara min Medina be adad kebir. ³ Huwo tala bara nas al kan be geni fi Medina wa ajbir humon ashaan ishtakal ma moshiir wa gita ta hadid wa faas. Dauud talabu min kulu Medina al foku iayl ta Ammon keli Amulu shokol de. Bega Dauud wa kulu Shab rija fi Orshelim. ⁴ Wa bad muda tani shakila bada fi Gaza ma falastin Sibbekai al huushi katulu Sippai, whid min Ahfad ta Rephaim, hazimu. ⁵ Wa muda tani mashakil bada ma nas falastiniin fi Gob, inu Elhanan jena ta Jair ta Bethlehm katulu Lahmi Aku ta Goliat, ta Gittite,assaia loharba tou ze nuul ta Nasajin ⁶ Wa mashakil tani woga fi Gath gali fi Rajil kebir indu sita eidan fi kulu eida wa kura . huwo Kaman min Ahfad ta Rapah. ⁷ Laman Huwo kabasu jish ta Israel, Jonathan jena ta Shimea, Aku ta Dauud, katulu huwo. ⁸ De yau Ahfad ta Rapha ta Gath, wa katulu humon ma eida ta Dauud wa ma eida ta kadamin tou.