¹ Daud abinu biyot le nefa bitou fi medina ta Daud. Huwo jahisu mahal le tabud ta Allah wa Jahisu khama le huwo. ² Biga Daud kelim, “bes Lawiin yau bi Arfa tabud ta Allah, leanu humon kan iktaru be yahwah ashan bi Arfa tabud ta Yahwah, wa bi kadimu huwo le Abad.” ³ Biga Daud limu kulu Israel fi Urshelim, Ashan bi Arfa tabud ta Yahwah, le mahal al huwo jahisu le huwo. ⁴ Daud limu ma baad iyal ta iyal ta Haron wa Lawiin. ⁵ Min iyal ta iyal ta Kahath, kan hi nak uriel al reis wa Akuana bitou, 120 rujal. ⁶ Min iyal ta iyal ta Marari, kan hinak Asaiah al reis wa akuana bitou 220rujal. ⁷ Min iyal ta iyal ta Gershom, kan hinak Youel al reis wa akuana bitou, 130 rujal. ⁸ Min iyal ta iyal ta alisafan, kan hinak Shamaiah al reis wa akuana bitou, 200rujal. ⁹ Min iyal ta iyal ta Habron, kan hinak Eliel Al reis wa akuana bitou, thamanin rujal. ¹⁰ Min iyal ta iyal ta Uzziel, kan hinak Amminadab al reis wa akuna bitou,112 rujal. ¹¹ Daud nadi Sadok wa Abiathar al kahin, wa al Lawiin Uriel, Asaiah, Youel, Shamaial, Eliel, wa Amminadab. ¹² Huwo kelim le Humon, “Hakum ruasa ta bet ta Lawiin. Kerisu nufus takum, Hakum kulu wa akuana takum, biga itakum bi arfa tabud ta Yahwah, Allah ta Israel. Le Mahal al ana Jahisu le huwo. ¹³ Intakum ma arfa huwo mara al awel. Ashan kida Yahwa Allah ta nina zalan min nina leanu nina ma asalu huwo au bitei kef nina bi gom be marasim ta tahwil bitou.” ¹⁴ Biga al Kahana wa al Lawiin kerisu nufus bitomon agder arfa tabud ta Yahwah, Allah ta Israel. ¹⁵ Biga Lawiin arfa tabud ta Allah fi Khitfa bitomon ma asaya, ze Musa wodi Awamir. Al tabi le gawanin al wodi be wasit kelima ta Yahwa ¹⁶ Daud kelim le ruasa ta Lawiin ashan bi kalifu akuana bitomon ze nas al bi guna al bi Azifu be Adowat ta Musica be sot al fok, be uod wa Rabab wa be sot ta sunuge, ashan bi arfa fok sot ta Farah. ¹⁷ Biga Lawiin azilu heman jena ta Youel wa wahid min akuana bitou, asaf jena ta Berekiah. Humon Kaman azilu Al gerib min iyal ta iyal ta Marari wa Ethan jena ta Kushaiah. ¹⁸ Ma humon kan Agriba bitomon min dereja nimira itnin: Zechariah, Ben, Yaaziel, Shemiramoth, Yahiel, Unni, Alyab, Banaiah, Maaseiah, mattithiah, Alifaleha, Makneiah, Obed-Adom, Yaiel, al ta bawabat. ¹⁹ Nas ta guna, Heman, Asaf, wa Ethan, kan Azilu ashan bi Azifu be Sunuge ta Nihas al shedid. ²⁰ Zechariah, Aziel, Shemiramoth, Yahiel, Unni, Al Yab, Maaseiah, wa Banaiah bi Azifu rabab, ²¹ Mattithiah, Aiyafleiah, Makneiah, Obed-Adom, Yaeil, wa Azaziah bi Azifu be Aydam wa bi kud fi guna ta Karar. ²² Kenaniah, reis ta Lawiin ta musica. ²³ Berekiah wa Alkanah kan huras ta Tabud. ²⁴ Shebaniah, Youshafat, Nathanel, Amasai, Zechariah, Banaiah, wa Aliezer, Al Kahin, kan be Afuko Trumpeter “Abuak” gidam tabud ta Allah, obed-Adom wa Yahiah kan huras ta tabud. ²⁵ Biga Daud, shiyak ta Israel, wa ruasa ta Alif ruwa ashan bi arfa tabud ta ahad ta Yahwah bara min bet ta Obed-Adom be Farah. ²⁶ Asna Allah saidu Lawiin al Arfa tabud ta Ahad ta Yahwah, humon gedimu Zebiha Saba bagara wa Saba khoruf. ²⁷ Daud kan libisu gumsh min gilid, ligo kan Lawiin bi Arfa rabud, nas ta guna, wa kananiah, reis ta guna ma al muganiin. Dud kan libisu gumash min gilid. ²⁸ Biga kulu Israel Arfa tabud ta ahad ta Yahwah ma hutaf ta farah, wa be sot ta sur wa Abuak ta nihas, ma sunuge, wa Aydan wa rabab. ²⁹ Lakin asna tabud ta ahad ta Yahwa dakalu le medina ta Daud, Michal biniya ta Shaul. Ainu bara shubak. Hia ainu melik Daud bi Alabu wa bi ihtefil, biga hagiru huwo fi gelba bita hia.