¹ Biga kulu Israel limu ma baad ma Dauud fi Habron wa kelim, ainu, anina gism wadam taki. ² Fi ayam al fat, wakit Saul kan melik le nina, ita kan yau bi gud jesh ta Israel. Yahwa Allah taki kelim le ita bi kun kayid le shaab tai ta Israel, wa ita bi Hakimu shaab tai ta Israel. ³ Ashan kulu shiyok ta Israel, bi ja le melik fi habron, wa Dauud bi amulu halifa ma humon gidam Yahwa. Humon masah Dauud melik le Israel. Be teriga de, kalam ta Yahwa al kan wonusu be wasit Samuel big hagiga. ⁴ Dauud wa kulu Israel ja le, Orshelim (kan yau, Yebus). Hasa sukan ta arid ta Yebusiin kan hinak. ⁵ Sukan ta Yebus kelim le Daud, ita ma bi agder dakalu hina. Lakin Daud shilu bet Algowi ta Zion, al huwo yau medina ta Daud. ⁶ Daud kan kelim, “Al bi hajimu Yebusiin awel huwo bi tala reis wa kayid. Biga youwab jena ta suruwa hajimu al awel, biga amulu huwo reis. ⁷ Biga daud bada geni fi bet al gowi. Ashan kida humon nodi huwo medina ta Daud. ⁸ Huwo Abinu medina hawli bitou kulu min mahal al fadi wa le wara lahadi Atraf ta heta bitou Youwab jedidu Istirah ta medina. ⁹ Daud tala azim wa azim leanu Yahwah ta Junud kan ma huwo. ¹⁰ Del ruasa al kan Daud indu, al wori hufus bitomon gowi ma huwo fi mamlaka bitou, ma kulu Israel. Ashan bi amulu huwo melik be taa le kalam ta Yahwah min jiha ta Israel. ¹¹ De yau Adad ta Abtal ta Daud: Yashbean, jena ta Hakmoni, kan reis ta Makatib. Huwo katulu tultumiya rujal ma Harba bitou fi munasaba wahid. ¹² Baad huwo kan Aleazar jena ta Dodo, Alakoki, Al kan wahid min talata alabtal. ¹³ Huwo kan ma Daud fi fas Dammin, wa hinak al Filistinin ijtama ma baad le harib, hinak fi hagli sheir ma jeshe jere min Filistiniin. ¹⁴ Humon wogif fi wasat ta Hagli, humon ankizu huwo wa durubu Filistiniin wa Yahwah wodi le humon nusra azim. ¹⁵ Biga talata min teletin ruasa nezil tehet le hajer ta Daud, le mantiga ta adullam. Jesh ta Filistinin kan geni fi Muaskar fi wodi ta Rafaiin. ¹⁶ Fi zaman dak Daud kan fi bet al gowi bitou, ligo Filistinin kan geni fi Muaskar bitomon fi Bethlehem. ¹⁷ Daud kan indu niya le moya wa kelim, “sei fi zol bi wodi le ana moya bes ashan ana bi ashirab min bir fi Bethlehem, bir al fi bab de!” ¹⁸ Biga talata abtal del kasuru be wasit jesh ta Filistinin wa tala moya min bir ta Bethelhem, Bir al fi Bab. Humon Shilu moya wa Jibu le Daud, lakin huwo aba ashan bi Ashirab huwo. Lakin huwo kubu huwo le Yahwah. ¹⁹ Biga huwo kelim, “kutu huwo beyed min ana gubal Allah ana ma bi amulu de! Sei ana bi Ashirab dom ta rujal del al humon katir be haya bitomon?” banu humon kutu haya bitomon fi kutura, Daud aba Ashan bi ashirab huwo, de kan Amal ta Talata Abtal. ²⁰ Abishai aku ta Youab kan reis le talata, ligo huwo Istagdimu harb bitou diid tultu miya wa katulu humon huwo kan indu Isim bent talata de. ²¹ Min talata de, kan wodi le huwo tekrim be itnin wa biga reis btiomon, hata le inu huwo kan ma wahid min humon. ²² Banaiah jena ta Yahoiada kan suja min kabseel, al amulu amail Azim. Huwo katulu Itnin awlad ta abtal ta Moab. Huwo Kaman ruwa dakil hufura wa katulu Aseid fi yom al telege bi waga. ²³ Kaman huwo katulu al masri, rajil tol bitou kamsa magiyas. Almasri indu harba ze lakin huwo nezil tehet le huwo bes ma asaya huwo ma harba bitou. ²⁴ De yau shuhra al banaiah jena ta yahoiada amulu, wa kan semi huwo wasat talata Abtal. ²⁵ Huwo kan biga fok le teletin asakir fi tertib, lakin huwo ma wosulu fok ze talata Abtal del. Hasa Daud kutu huwo fi musulia ta haris bitou. ²⁶ Abtal ta harib kan Asaiel aku ta Youab, Al hanan jena ta dodo min Bethlehem, ²⁷ Shammoth al haris hales al Faloni, ²⁸ Ira jena ta Ikkesh al takowi, Abiezer al anathothi, ²⁹ Sibbekai al hushathi, Itai al akaoki, ³⁰ Maharai al netofathi, Khalid jena ta Baanah al netofathi, ³¹ Ithai jena ta Ribai min Gibeah min iyal ta iyal ta Benyamin, Banaiah al Farathoni, ³² Hurai min awdia ta Gaash, Abiel al Arbathi, ³³ Azmoth al Baharumi, Eliahba al Shaalboni, ³⁴ Awlad ta hashem al Gizori, Younathan Jena ta Shagai al Harari, ³⁵ Akiam jena ta Sakar al Harari, Alifal jena ta Aur, ³⁶ Hafar al makerathi, Akiyah al Feloni, ³⁷ Hasro al Carmeli, Naarai jena ta Ezbai, ³⁸ Youel aku ta Nathan, Mabhar jena ta Hagri, ³⁹ Salek al Ammoni, naharai al Berothi al bi Arfa silah min Youab jena ta Seruiah), ⁴⁰ Ira al Yathri, Gareb al Yathri, ⁴¹ Uriah al Hithi, Zabad jena ta Ahlai, ⁴² Adina jena ta Shiza al Raubeni. (Reis ta Raubeniin) wa telethon ma huwo, ⁴³ Hanan jena ta maakal, wa Youshafat al mithni, ⁴⁴ Uzzia al Ashterothi, Shama wa Yaaeiel awlad ta Hotham al Aroeri, ⁴⁵ Yadiael jena ta Shimri, yoha (Aku bitou al Tizi) ⁴⁶ Elide al Mahuim, yeribai wa Yoshaih awlad ta Alnaam, yathmah Al mawabi, ⁴⁷ Eliel, obed, wa yaasiel al Masobai.