¹ Hasa al Filistiniin amulu masakil diid Israel. Kulu Israeliin jere min gidam ta Filistiniin wa moktoliin waga fi jebel Gilboa. ² Al Filistiniin tabi Shaul wa Awlad bitou, Al Filistiniin katulu Younathan, Abinadab, wa malki Shua, awlad bitou. ³ Harib de ruwa be guwa diid shaul, wa Alharba wosulu le huwo, wa humon Jarahu huwo. ⁴ Biga shaul kelim le zol Al bi Arfa Silah bitou “shilu sef taki wa durubu ana be huwo. Ashan nas al ma muthar de bi ja bashtinu ana’. Lakin zol al bi Arfa silah bitou de ma rudu leanu huwo kafu. Biga shaul shilu sef “harba” bitou wa waga fogo. ⁵ Asna zol al bi Arfa silah bitou de aniu be inu shaul mutu, huwo waga fi sef bitou be nefsa teriga wa mutu. ⁶ Biga shaul mutu, wa talat awlad bitou, yala kulu Aada ta usura bitou mutu sawa . ⁷ Ashan kulu rujal ta Israel fi wodi ainu be inu humon jere wa be inu shaul wa awlad bitou kan mutu, humon jere wa sibu mudun bitomon. Biga al Filistiniin jaw a geni fogu. ⁸ Fi yom al tani tegriban, asna AlFilistiniin ja Ashan bi seregu al moktuliin, humon ligo Shaul wa Awlad bitou waga fi jebel Gilboa. ⁹ Humon tala malabis bitou wa shilu ras bitou wa sef bitou ¹⁰ Humon kutu sef bitou fi maabad ta Aliha bitomon, wa Robutu Jumjuma bito fi maabad hikal ta Dagon. ¹¹ Asna kulu yabesh Gilead asuma be kulu al Filistiniin amulu le Shaul, ¹² Kulu rujal al mukatiliin ruwa wa shilu gisim Jusah ta Shaul wa ta Awlad bitou, wa jibu humon le Ya besh. Humon dofuna Oziam tomon tehet Shejera ta Balut fi Yabesh ma humon samu sabah ayam. ¹³ Yala shaul mutu le shokol kayana bitou al huwo amulu Kayana diid Yahwah. Huwo kan ma tei awamir ta Yahwah, lakin huwo asalu nesiha min zol tan al bi wonusu ma meyit. ¹⁴ Huwo kan ma rudu Irshad min Yahwa, ashan kida Yahwah katulu huwo wa rija mamlaka le Daud jena ta Yesse.