3

¹ Тӥледлы гажаноос, кыкетӥ гожтэтме гожтӥсько ини. Соос пыр курисько тӥледыз, сузьяны ас йырвизьдэс, ² тодады мед ваёды шуыса, святой пророкъёслэсь азьло верам кылъёссэс но Инмар-Кузёлэсь но Утисьмылэсь курон косонъёссэ, кудӥз сётемын тӥляд апостолъёсыныды.

³ Нырысьсэ ик тодэлэ: берпуметӥ нуналъёсы потозы возьыттэм мыскыльяськисъёс, кудъёсыз уло ас мугорзылэн юрӟым куронъёссыя. ⁴ Исаськыса вераллясьёс: « кытын о Христослэн сӥзем лыктонэз? Тани кызьы атайёсмы кулыны кутскизы, ваньмыз кылиз воштӥськытэк дуннелэн кылдытэм дырысеныз кадь ик».

⁵ Тазьы малпасъёс вунэто, ин но музъем но кылдытэмын вал Инмарлэн Кылыныз, вулэсь но вуэн: ⁶ Озьыен азьло дунне быриз ву улэ выйыса. ⁷ Нош туала ин но музъем возиське со Кылын ик, тылын сутон нуналозь, ку сьӧлык лэсьтӥсьёс Суд азе султозы но быдтэмын луозы

⁸ Со сяна но, гажаноосы, эн вунэтэ таиз сярысь но, уго Инмарлэн одӥг нуналэз сюрс ар кадь, нош сюрс арез – одӥг нунал кадь. ⁹ Сётэм кылзэ быдэстыны Куӟё-Инмар уг ӝегатскы, кызьы куд огез малпа. Ти медам бырэ шуыса вите тӥлесьтыд селыклэсь берытскемдэс .Соин Со асьмеды кема чидаса возьма.

¹⁰ Инмар-Кузё уйин лушкась кадь лыктоз. Со нуналэ ин куашетыса быроз, дунне котыр ӝуаны кутскыса куашкалоз, музъем но музъем вылын вань ужъёс ӝуаса бырозы. ¹¹ Озьыен, тазьы ваньмыз бырыны кулэ ке, соку малпалэ, кызьы тӥ улыны кулэ? Дун -чылкыт, Инмарлы улондэс сӥзьыса, шонер улыны кулэ тӥ. ¹² Инмарлэн нуналэзлесь лыктэмзэ возьмасьёс, ку ин тылын ӝуаса куашкалоз но дуннелэн инъётъёсыз ӟырдаса шуналозы. ¹³ Нош ми Солэн верам кылзэ тодэ вайыса, витиськом выль ин, но выль музъем, кудӥз вылын шонерлык луоз.

¹⁴ Озьыен, гажаноосы, та нуналэз возьмаса, дун чылкыт но, Инмар азьын саптаськытэк улыны тырше. ¹⁵ Но Кузе-Инмарлэсь кема чидаменыз, асьмеос мозмытэмын. Кызьы яратоно Павел агаймы но, солы сётем визьлыкен, тӥледлы гожтӥз. ¹⁶ Со вань гожтетъёсаз та сярысь вера. Солэн гожтетъёсыз пӧлын вань шуг валаны интыосыз, но валасьтэм, осконэн юнмамтэ адямиос кырыжто Павеллэсь гожтэтъёссэ но мукет Писаниосты, вылазы бырон ӧтьыса.

¹⁷ Озьыен, гажаноос, тӥ ваньзе азьвыл тодӥскоды бере, утиське, сак карыськыса, законлы пумит улӥсьёслэн йыромонниазы эн пырыське, но эн ыштэ асьтэлэсь оскондэс ¹⁸ Асьмелэсь Кузё-Инмармес, Утисьмес Иисус Христосэз, дэлетсэ Солэсь –тодэмды мед йылоз! Солы дан туннэ но, пумтэм нуналэ но. Аминь.