7
1
Со пумысен, мае тӥ гожтӥды вал мыным, пиосмуртлы ӟечгес луысал йӧтскылытэк кышномурт борды.
2
Нош, азон-калгон сьӧлыке усёно медаз луы шуыса, пиосмуртлэн луыны кулэ аслаз кышноез, но котькуд кышномуртлэн аслаз картэз.
3
Пиосмурт, кышноезлы кулэ ӟеч кусыпъёс кылдытыны; озьы ик кышноез - картэзлы.
4
Кышномурт аслаз мугорызлы кузё ӧвӧл, нош картэз. Озьы ик картэз но аслаз мугорызлы кузё ӧвӧл, нош кышноез.
5
Ог-огдылэсь эн палэнске, огкылысь луыса гинэ, пост возьыкуды но вӧсяськыкуды, собере нош ик ӵош кариське, тӥляд чидамтэеныды сэрен сатана медаз бичиаты шуыса.
6
Мон тае косыса уг вераськы, нош лэземын озьы улыны шуисько.
7
Нош мон мылкыд карисько, ваньмыз калык мон кадь мед луысалзы шуыса; нош котькудызлы адямилы Инмар нимысьтыз кузьым сётэ, одӥгезлы - таӵе, мукетызлы - мукет.
8
Нош куспалъяськымтэослы но пал кылем кышномуртъёслы верасько: ӟеч луысал соослы кыльыны мон кадь ик.
9
Нош возиськыса улыны уг ке быгато, соку мед кузпалъяськозы, малыке шуоно ӟечгес луоз куспалъяськыны, ӝуась мылкыдын улэмлэсь.
10
Нош куспалъяськемъёслы мон уг вераськы, нош Кузё Инмар уг лэзьы люкиськыны картэныды.
11
Нош люкиськиз ке, кыльыны кулэ пал, яке картэныз тупатскыны, озьы ик пиосмурт но люкиськыны кулэ ӧвӧл кышноеныз.
12
Мукетъёсызлы мон вераськы, нош Кузё Инмар уг вера: кыӵе-ке вынлэн кышноез Инмарлы уг ке оскы, но со мылкыд каре улыны картэныз, пиосмур люкиськыны кулэ ӧвӧл кышноеныз;
13
кышномуртлэн но картэз Инмарлы уг ке оскы, со но мылкыд каре ке улыны кышноеныз, люкиськыны кулэ ӧвӧл соин.
14
Малыке шуоно Инмарлы оскисьтэм пиосмурт освящаться кариське оскись кышноеныз, озьы ик оскисьтэм кышномурт освящаться кариське Инмарлы оскись картэзлэсь. Озьы ке ӧй луысал, тӥляд нылпиосты чылкытэсь ӧй луысалзы, нош озьы бере соос - святоесь.
15
Инмарлы оскисьтэм пиосмуртлэн яке кышномуртлэн люкиськемзы потэ ке, мед люкиськозы; вын яке сузэр сыӵе дыръя герӟамын ӧвӧл; тупаса улонлы ӧте асьмедыз Инмар.
16
Кышномурт, кытысь тон тодӥськод, карттэ спасти уд кары шуыса? Яке, тон, пиосмурт, кытысь тодӥськод, уд спасти кары шуыса кышнодэ?
17
Котькудыз озьы лэсьты, кызьы Инмар малпаз, но кызьы Кузё Инмар ӧтӥз. озьы ик мон косон сётӥсько вань черкъёслы.
18
Обрезать каремез ӧтемын ке кинке, эн ваты сое; обрезать карымтэеез ӧтемын ке кинке, эн лэсьты аслыд обрезание.
19
Обрезание но обрезать карымтэ номыр но ӧвӧл, нош ваньмызлэсь кулэлэгес Инмарлэсь заповедьёссэ быдэстон.
20
Котькудыз кыль сыӵе быдӟымлыкен, кыӵееныз ӧтемын.
21
Тон ӧтемын ке раб луыса, эн возьдаськы; нош мозмытскыны быгатӥськод ке, соку лэсьты сое, мар ӟечгес.
22
Малыке шуоно раб, Кузё Инмар пушкын ӧтемез, Инмар понна свободный луэ; озьы ик свободнойёс пӧлысь ӧтемез Христослэн рабез луэ.
23
Тӥ басьтэмын дуно дунын; эн луэлэ адямиослы рабъёс.
24
Вынъёс, кин тӥ пӧлысь кыӵе быдӟымлыкен ӧтемын, сыӵе ик кыле Инмар азьын.
25
Мугорез исамтэ кельтон сярысь мынам ӧвӧл Кузё Инмарлэн косэмез, нош сётӥсько визькенеш Инмарлэсь милостьсэ басьтэм мурт кадь кыльыны шонерлыко Солы:
26
ӟечгес луоз адямилы кузпалтэк кыльыны.
27
Кузпалъяськемын ке тон - эн утча люкиськон. Кылид ке кышнотэк - эн утча кышно.
28
Нош кузпалъяськид ке но сьӧлык уд лэсьты, нылмурт бызьиз ке но сьӧлык уз лэсьты. Нош сыӵеослэн мугорзы курадӟённъёс адӟёно луозы, мыным тӥ жаль потӥськоды.
29
Мон верасько тӥлед вынъёс: дыр ичи кылиз ини, соин ик куспалъяськемъёс луыны кулэ куспалъяськымтэ кадесь,
30
бӧрдӥсьёс - бӧрдӥсьтэмъёс кадь, шумпотӥсьёс - шумпотӥсьтэмъёс кадь, басьяськисьёс - басьяськистэмъёс кадь;
31
та дуннеелэсь пайда басьтӥсьёс - пайдабасьтӥсьтэмъёс кадь, малыке шуоно та дуннелэн дырыз быре ини.
32
Нош мон мылкыд карисько, тӥ медаз секыт ныпыямын луэ шуыса сюлмаськонъёсын. Куспалъяськымтэ мурт малпаське Кузё Инмарлэнэз сярысь, кызьы кельшыны Солы;
33
нош куспалъяськемез дуннелэнэз сярысь малпаське, кызьы кышноезлы кельшыны. Вань пӧртэмлыкез быземез но бызьымтэез кышномуртлэн:
34
бызьымтэез малпаське Кузё Инмарлэнэз сярысь, кызьы кельшыны Солы, мугорыныз но духеныз но святой кыльыны; нош быземез малпаське дуннелэнэз сярысь, кызьы картэзлы кельшыны.
35
Тӥледлы пайда мед луоз шуыса верасько, тӥ вылэ секыт ныпыет ныпыян понна уг вераськы, тӥ умой но ялан палэнэ учкылытэк Кузё Инмарлы служить мед кароды шуыса.
36
Нош кин ке умойтэмен лыдъя ке нылмуртлы быдэ вуэмез бере, озьы ик кыльыны, кызьы лэсьтэмез потэ, озьы ик мед лэсьтоз: сьӧлык уз луы; сыӵеос мед бызёзы.
37
Нош кин юн сылэ но ӧвӧл солэн сыӵе куронъёсыз, но ворме аслысьтыз мылпотэмъёссэ, малпаськиз-ке аслысьтыз мугорзэ исамтэ кельтыны, ӟеч лэсьтоз.
38
Соин ик аслысьтыз нылзэ бызьыны сётӥсь мур ӟеч лэсьтэ, нош кудыз уг сёты солэсь но ӟечгес лэсьтэ.
39
Кышномурт законэн герӟямын куспалыныз, нош картэз кулӥз ке, со бызьыны быгатэ котькудызлы Инмарлы оскись муртлы, кинлы мылыз потоз.
40
Но со луысал шудогес, кыльысал ке пал, кызьы мон визькенеш сётӥсько; нош малпасько, мон пушкын но вань шуыса Инмарлэн Духез.