1
۱۔جیہڑے ویلے یسوع نے اُنہاں کوُ ساری گالہیں دی تعلیم ڈے دِتی تاں لوگاں نے سُنے کہ اوہ کفرنحوم کوُ گیا ہے۔
2
۲۔ہک صوبےدار دا نوکر جیہڑا کہ اوُں کوُ بہوں پیارا ہا۔بہوں بیمار ہا اَتے مَرن آلا ہا۔
3
۳۔جڈاں اوُں نے یسوع دے بارے سُنے تاں یہودیاں دے بزرگاں کوُ یسوع دے کول گھلیا کہ اوہ اوندی منت کرن تاں جو مسیح اوندے گھر اِچ آوے تے اوندے نوکر کوُ چنگا کرے۔
4
۴۔اَتے جیہڑے ویلے اوہ یہودی یسوع دے کول گئے تاں اُنہاں نے اوندے اَگے مِنت کیتی کے اوہ صوبےدار ایں قابل ہے کہ توں اوندے کیتے ایہہ کم کریں۔
5
۵۔کیونکہ اوہ ساڈی قوم نال پیار کریندا ہے۔اَتے اوُں نے ساڈے کیتے عبادت خانہ وی بنوایا ہے۔
6
۶۔تاں یسوع اُنہاں دے نال جُل پیا۔جیہڑے ویلے یسوع صوبےدار دے گھر تھوں تھوڑی ہی دُور ہا۔تاں اوُں نے اپنے دوستاں کوُ اوندے کول ایہہ آکھن کیتے گھلیا کہ۔"اے خداوند اپنے آپ کوُ تکلیف نہ ڈے۔کیونکہ میں ایں قابل نیئں کہ توں میڈی چھت دے تھلے آویں۔
7
۷۔ایہو وجہ ہے کہ میں اپنے آپ کوُ ایں قابل نیئں سمجھدا کہ تیڈے کول آواں پَر اگر تُو ہک لفظ وی آکھ ڈیویں تاں میڈا نوکر چنگا تھی ویسی۔
8
۸۔اَتے میں اوہ بندہ ہاں جیندے کول بہوں زیادہ اختیار ہے۔ اَتے بہوں سارے سپاہی میڈے ماتحت ہَن۔اگر میں ہک کو آدھا ہاں ونج تا اوہ لگا ویندا ہے۔اَتے ڈوجھے کوُ آکھاں آ تاں اوہ آندا ہے۔اَتے میں اپنے نوکر کوُ آکھاں کہ "ایہہ کر تاں اوہ کریندا ہے۔"
9
۹۔جیہڑے ویلے یسوع نے اوندی گالھ سُنی تاں بہوں حیران تھیا۔اَتے یسوع اوُں بھیڑ آکھن لگا کہ میں تہاکوُ سچ آدھا ہاں کہ سارے اسرایئل اِچ ایہو جیا بندہ نیئں ڈٹھا جیندا ایمان ایندے جتنا ہوئے۔
10
۱۰۔وَل اوہ جنہاں کوُ گھلیا گیا ہا گھر واپس آئے تاں ڈِٹھا کہ نوکر چنگا تھی گیا ہے۔
11
۱۱۔ ایں دے بعد یسوع بندیاں دی بھیڑ دے نال نائن ناں دے ہک شاہر کوُ گیا۔اوندے چیلے تے وڈی بھیڑ اوندے نال گئی۔
12
۱۲۔ جیویں ای اوہ شاہر دے پھاٹک دے نیڑے پجا اوُں نے ہک مُردے کوُ ڈِٹھا جیئں کوُ لوگ چا کے آندے پئے ہَن جیہڑا اپنی ماں دا ہِکو پُتر ہا۔اوہ ہک بیوہ ہائی اَتے ہک وڈی بھیڑ بندیاں دی اوندے نال ہا۔
13
۱۳۔اوُں بیوہ کوُ ڈیکھ کے خداوند کوُ اوُندے تے ترس آیا اَتے اوُں نے اکھیا رو نہ۔
14
۱۴۔ اوہ اوُندے کول آیا اَتے اوُں نے جنازے کوُ ہتھ لایا اَتے جیہڑے بندے اوُں مُردے کوُ چا کے ویندے پئے ہَن رُک گئے۔اوُں نے آکھیا"اے جوان میں تیکوُ آدھا ہاں اُٹھ۔"َ
15
۱۵۔اوہ مُردہ اُٹھ گیا تے بولن لگ پیا۔وَل یسوع نے اوُں کوُ اوُندی ماں دے حوالے کر ڈِتا۔
16
۱۶۔وَل اوہ سارے خوف زدہ تھی گئے اَتے ایہہ آدھے ہوئے خدا کی تعریف کرن لگے کہ ساڈے وِچ ہک وڈا نبی آ گیا ہے۔تے خدا نے اپنے بندیاں تے نظر کیتی ہے۔
17
۱۷۔یسوع سے ایں معجزے دی خبر سارے یہودیہ تے آسے پاسوں دے علاقے وِچ پھیل گئی۔
18
۱۸۔یوحنا دے چیلیاں نے اوُں کوُ ایہہ سارے گالہیں دے بارے وِچ ڈسایا۔
19
۱۹۔وَل یوحنا نے اپنے ڈو چیلیاں کوُ سڈایا اَتے اُنہاں کوُ خداوند دے کول گھلیا کہ اوُندے کولوں پچھو کہ "کیا توُ اوُوہو ہے جیہڑا آون آلا ہے یا اساں کیئں ڈوجھے دے راہ ڈیکھوں؟۔
20
۲۰۔جڈاں اوہ یسوع سے کول آئے تاں اُنہاں نے اوُں کوُ آکھیا۔"کہ یوحنا بپتسمہ ڈیون آلے نے تیڈے کول گھلیا ہے کہ آون آلا توُ ای ہیئں یا اساں کیئں ڈوجھے دی راہ ڈیکھوں؟۔
21
۲۱۔اوُں ویلے یسوع نے بہوں سارے لوگاں کوُ بیماریاں ،تکلیفاں تے بُری روحاں تھوں چنگا کیتا اَتے بہوں سارے اندھیاں کوُ اکھاں دا سوجھلا ڈِتا۔
22
۲۲۔یسوع نے جواب اِچ اُنہاں کوُ آکھیا۔" جڈاں تُساں واپس ونجو تاں جو کجھ تُساں ڈِٹھا ہے اَتے سنا وی ہے۔یوحنا کوُ ونج ڈسو۔اندھے سوجھلا پاندے پئے ہَن ،لنگڑے ٹُردے ہَن ،کوڑھے پاک و صاف کیتے ویندے ہَن ،ڈورے سُن دے پئے ہَن،مُردے زندہ کیتے ویندن اَتے جنہاں بندیاں دا بُرا حال ہے اُنہاں کوُ خوشی دی خبر سُنائی ویندی ہے۔
23
۲۳۔خوش نصیب ہے اوہ جیہڑا میڈے پاروں ٹھوکر نہ کھاوے۔
24
۲۴۔جیہڑے ویلے یوحنا دے چیلے لگے گئے تاں یسوع بھیڑ کوُ یوحنا دے بارے آکھن لگا کہ تُساں بیابان اِچ کیا ڈیکھن گئے ہاوے ،کیا ہوا نال ہلدے ہوئے کاہنے کوُ؟۔
25
۲۵۔ہک بندے کوُ جیہڑا بہوں نرم کپڑے پا کے کھڑا ہا؟ڈیکھو اوہ لوگ جیہڑے شاندار کپڑے پیندے ہَن اَتے آرام دے نال بھری ہوئی زندگی گزریندے ہَن اوہ بادشاہ دے محلاں ہوندے ہَن؟
26
۲۶۔پَر تُساں باہر کیا ڈیکھن گئے ہاوے؟۔ہک نبی کوُ؟ ہاں میں تہاکوُ آدھا ہاں کہ نبی تھوں وی ودھ کے۔
27
۲۷۔اوُہو ہے جیندے بارے اِچ لکھا گیا ہے کہ ڈیکھو میں تہاڈے کیتے اپنا پیغمبر بھیجدا ہاں۔جیہڑا تہاڈے کیتے راہ تیار کریسی۔
28
۲۸۔میں تہاکوُ سچ آدھا ہاں کہ عورتاں وِچوں جینے وی جمے ہَن یوحنا کولوں وڈا کوُئی کئے نیئں۔پَر خدا دی بادشاہی وِچ جیہڑا ساریاں کولوں چھوٹا ہے اوہ یوحنا تھوں وڈا ہے۔
29
۲۹۔جیہڑے ویلے سارے بندیاں نے تے چُنگی گھنن آلیاں نے ایہہ سُنیا تاں اُنہاں نے اقرار کیتا کہ خدا سچا ہے۔ایہہ اوہ لوگ ہَن جیہڑے یوحنا دے نال تھوں بپتسمہ گھِن چُکے ہَن۔
30
۳۰۔پَر فریسیاں تے یہودی مذہبی علماں جنہاں نے یوحنا کولوں بپتسمہ نہ گِدا ہا اپنے کیتے خدا دی حکمت کوُ وی قبول نہ کیتا۔
31
۳۱۔تاں میں اوُں نسل دے لوگاں کوُ کئیں دے نال تشبیہ ڈیواں۔ایہہ کیئں دی مانند ہَن؟۔
32
۳۲۔ایہہ اُنہاں بالاں دی طرح ہَن جیہڑے بازار اِچ بیٹھے ہک ڈوجھے کوُ الوا کے آدھے ہَن کہ اساں تہاڈے کیتے بانسری وجائی اَتے تُساں نچے نیئں۔اساں ماتم کیتا تُساں روئے نیئں۔
33
۳۳۔حالانکہ یوحنا بپتسمہ ڈیون آلا ناں تے ٹُکر کھاندے اَتے نہ مَے پیندے ہوئے آیا ہا۔تے تُساں آدھے وے اوندے اِچ بُری روح ہے۔
34
۳۴۔ ابنِ آدم کھاندا تے پیندے ہوئے آیا اَتے تُساں آدھے ہو کے ڈیکھو اوہ بہوں کھاون آلا تے شرابی،گنہگار تے چُنگی گھنن آلیاں دا سنگتی ہے۔
35
۳۵۔پَر حکمت اپنے سارے کماں اِچ ٹھیک ثابت تھئی۔
36
۳۶۔اَتے ہک فریسی نے یسوع دے اگے مِنت کیتی کہ اوندے نال ٹُکر کھاوے تاں یسوع اوُں فریسی سے گھر آکے میز تے ٹُکر کھاون بیٹھا۔
37
۳۷۔اَتے ڈیکھو شاہر اِچ ہک ذال ہائی جیہڑی بہوں گنہگار ہائی اَتے اوُں کوُ پتا لگے کہ یسوع فریسی دے گھر ٹُکر کھاون آیا ہے تاں اوہ جٹاماسی دا عطردان گھِن آئی۔
38
۳۸۔اوہ یسوع دے پیراں کول کھڑی تھئی اَتے بہوں روئی۔تے اوہ اپنے آنسوواں دے نال یسوع دے پیر گِلے کرن لگی تے اپنے سر دے والاں نال پونجھیا،چومیا تے عطر اوندے پیراں تے سُٹیا۔
39
۳۹۔وَل جیہڑے فریسی نے یسوع کوُ ٹُکر کھاون دی دعوت ڈِتی ہا۔سوچن لگ پیا کہ اگر ایہہ بندہ ہک نبی ہووے ہا تاں جانے ہا کہ ایہہ عورت جیہڑے ایندے پیراں کوُ ہتھ لائی کھڑی ہے ایہہ گنہگار ہے۔
40
۴۰۔یسوع نے اوُں فریسی کوُ آکھیا۔"شمعون میں تیکوُ کجھ آکھنا چاہندا ہاں "اوُں نے آکھیا"اے اُستاد ڈسو"۔
41
۴۱۔یسوع نی آکھیا"ڈو قرضداراں نے ہک ہی بندے کوُ قرضہ ڈیونا ہا۔ہک نے پنج سو دینار تے ڈوجھے نے پنجھاہ دینار۔
42
۴۲۔اِنہاں ڈوہاں دے کول ڈیون کیتے کجھ نہ ہا۔ وَل اوُں بندے نے اُنہاں ڈوحاں کوُں معاف کر ڈِتا۔اُنہاں ڈوحاں وِچوں کیہڑا اوُں بندے نال زیادہ محبت کریسی۔
43
۴۳۔شمعون نے اوُں کوُ جواب اِچ آکھیا"میڈے خیال اِچ جیئں دی زیادہ رقم اوُں بندے نے معاف کیتی۔"یسوع نے اوُں کوُ آکھیا"توُں بالکل ٹھیک فیصلہ کیتا ہے"۔
44
۴۴۔یسوع نے اوُں ذال دے پاسے مُڑ کے شمعون کوُ آکھن لگا۔توں اے ذال کوُ ڈٹھاہے میں تیڈے گھر اِچ داخل تھیا پر توُں میکوُ پیر دھوون کیتے پانی تک نہ ڈِتا۔پَر ایں ذال نے اپنے ہنجوواں دے نال میرے پیر دھوتے تے اپنے والاں نال اُنہاں کوُ پونجھیا۔
45
۴۵۔توں میکوں چُمی نہ ڈِتی پَر ایں ذال نے جڈاں دا میں اِتھاں آیا ہاں میڈے پیراں کوُں چومنا نئیں چھوڑیا۔
46
۴۶۔توں میڈے سَر تے تیل نہ سٹایا۔پَر ایں ذال نے میڈے پیراں تے عطر ملے۔
47
۴۷۔ایں لحاظ نال میں تیکوُ آدھا ہا کہ ایہہ ذال جیندے بہوں گناہ ہَن اوہ بخشے گئے ہَن اَتے ایں نے بہوں محبت ڈیکھائی ہے۔پَر جیندے گھٹ گناہ معاف تھیئے ہَن اوہ گھٹ محبت ڈِکھیندا ہے۔
48
۴۸۔یسوع اوُں ذال کوُ آکھیا کہ تیڈے گناہ معاف کیتے گئے۔
49
۴۹۔اُتھاں جیہڑے کھاون کیتے میز تے اوُندے نال کٹھے بیٹھے ہَن آپس اِچ آکھن لگے کہ "ایہہ کون ہے جیہڑا گناہ وی معاف کریندا ہے؟"
50
۵۰۔یسوع نے اوُں ذال کوُ آکھیا"تیڈے ایمان نے تیکو بچا گِدے سلامتی نال ونج۔"