1
۱۔وَل ایویں تھیا کہ اوہ کیئں جاہ تے دُعا کریندا پیا ہا۔ جیہڑے ویلے دُعا کرچکے تاں اوُں دے شاگرداں وچوں ہک نے اوُں کوُ آکھیا اے خداوند! جیویں یوحنا نے اپنے شاگرداں کوُ دعا کرنا سکھایا ہِے ساکوُں تُوں وی سیکھا۔
2
۲۔اوُں نے انہاں کوں آکھیا جیہڑے ویلے تساں دُعا کرو تا آکھو۔ اے باپ! تیڈا ناں پاک منیا ونجے تیڈی بادشاہی آوے۔
3
۳۔ساڈی روز دی روٹی روز ساکوُ ڈِتاکر۔
4
۴۔اَتے ساڈے گناہ معاف کر کیوں جو اساں وی اپنے ہر قرض دار کوُ معاف کرینے ہاں اَتے ساکو آزمائیش اِچ نہ لا۔
5
۵۔وَل اوُں نے انہاں کو آکھیا تہاڈے وچوں کون ہے جیندا ہک دوست ہووے اَتے اوہ ادھی رات کوُ اوندے کول ونج کے اوُں کوُ آکھے اے دوست میکوُ تریئے روٹیاں ڈے۔
6
۶۔کیوں جو میڈا ہک دوست پینڈا کرکے میرے کول آیا ہِے اَتے میڈے کول کجھ وی نیئں کہ اوندے اگے رکھاں۔
7
۷۔اَتے اوہ اندروں جواب اِچ آکھے میکوُ تکلیف نہ ڈے ہَن دروازہ بند ہِے اَتے میڈے بال میڈے کول بستر اِچ ہِن۔ میں اُٹھی کے تیکو ڈے نیئں سگدا۔
8
۸۔میں تیکوُ آدھا ہاں کہ اگرچہ اوہ ایں پاروں کہ اوندا دوست ہے اُٹھی کے اوں کوُ نہ ڈیوے تاں وی اوُں دی بےحیائی دے پاروں اُٹھی کے جتنی اوُں کو چاہیدی ہے اوُں کوُ ڈیسی۔
9
۹۔پَس میں تہاکوُ آدھا ہاں۔ منگوں تاں تہاکوُ ڈِتا ویسی۔گولو تاں ملسی۔ بوہا وجاؤ تاں تہاڈے کیتے کھولاویسی۔
10
۱۰۔کیونکہ جو کوُئی منگدا ہے اوُں کوُ مِلدا ہے، جیہڑا گولیندا ہے اوُں کوُ مِلدا ہِے۔ جیہڑا وجیندا ہے اوُں کیتے کھولا ویسی۔
11
۱۱۔تہاڈے وچوں کہیڑا ایہو جیا پیئو ہے کہ جڈاں اوندا پُتر ٹُکر منگے تاں اوہ اوُں کو پتھر ڈیوے؟ یا مچھی منگےتاں مچھی دے بدلے اوُں کوُ سَپ ڈیوے۔
12
۱۲۔یا انڈا منگے تاں اوُں کوُ ٹھوُواں ڈیوے؟۔
13
۱۳۔پس جڈاں تساں بُرے تھی کے اپنے بالاں کوُ چنگی شیئاں ڈیوناں جان دے ہیوے تاں آسمانی باپ روح القدس کیوں نہ ڈیسی۔
14
۱۴۔وَل اوہ ہک گونگی روح کوُ کڈھیندا پیا ہا۔ اَتے جیہڑے ویلے بدروح نکل گئی تاں ایویں تھیا کہ گونگا بولن لگ پیا تاں لوگ حیران تھی گئے۔
15
۱۵۔پر اُنہاں وچو کجھ آکھن لگے ایہہ تاں بدروحاں دے سردار بعلز بول وی مدد نال بدروحاں کوُ کڈھیندا ہے۔
16
۱۶۔آزمائیش کیتے کئی لوگ آسمانی نشان منگن لگے۔
17
۱۷۔پر اوُں نے انہاں دے خیالات کوُ جان کے اُنہاں کوُ آکھیا۔ جیندی حکومت اِچ پھُٹ پے ونجے اوہ ویران تھی ویندی ہے۔ اَتے جیئں گھر اِچ پھُٹ پے ونجے تاں اوہ برباد تھی ویندا ہے۔
18
۱۸۔اَتے اگر شیطان وی اپنا خلاف تھی ونجے تاں اوُں دی حکومت کیویں قائم راہسی؟ کیوں جو تساں میڈے پاروں آدھے ہوکہ ایہ بدروحاں کوُ بعل زبول دی مدد نال کڈھیندا ہے۔
19
۱۹۔اَتے اگر میں بدروحاں کوُ بعلزبول دی مدد نال کڈھیندا ہاں تاں تہاڈے پُتر کیندی مدد نال کڈھیندے ہِن؟ پَس اوُہو تہاڈا انصاف کرن آلے ہوسن۔
20
۲۰۔لیکن اگر میں بدروحاں کوُ خدا دی قدرت نال کڈھیندا ہاں تاں خدا دی بادشاہی تہاڈے کول آپہنچی۔
21
۲۱۔جڈاں زور آور بندہ ہتھیار دے نال اپنی حویلی دی رکھوالی کریندا ہے تاں اوُندا مال محفوظ راہندے۔
22
۲۲۔پر جڈاں اوُندے کولوُں کوُئی زور آور حملہ کرکے اوُندے تے غالب آ ویندے تاں اوُندے سارے ہتھیار جنہاں تے اوہ بھروسہ کریندا ہا چھک گھن دے اَتے اوُندا مال لُٹ کے ونڈ ڈیندا ہے۔
23
۲۳۔جو میڈے پاسے نیئں اوہ میڈے خلاف ہے اَتے جو میڈے نال جمع نیئں کریندا اوہ ونڈیندا ہے۔
24
۲۴۔جڈاں پاک روح بندے اِچوں نکلدی ہے تاں سوکھے ہوئے ٹھکانے آرام کرن کیتے گولیندی ہے۔ اَتے جیہڑے ویلے نیئں ملدی تاں آدھی ہے کہ میں اپنے اوُں گھر وچ ویساں جتھوں میں نکلی ہاں۔
25
۲۵۔اَتے آکے اوُں کو جھاڑیا تے سنواریا ہویا ڈیدھی ہے۔
26
۲۶۔وَل ونج کے بیئاں سَت بُری روحاں اپنے نال گھن آندی ہے اَتے اوہ اوُندے وچ داخل تھی کے اُتھائیں راہندن تے اوُں بندے دا حال پہلے کولوں وی بُرا تھی ویندے۔
27
۲۷۔جیہڑے ویلے اوہ ایہہ گالہیں کریندا پیا ہا تاں ایویں تھیا کہ بھیڑوچوں ہک عورت نے اُچی ساری آواز نال اوُں کوُ آکھیا مبارک ہے اوہ رِحم جیندے وچ توں ریہا اَتے اوہ چھاتیاں جیہڑیاں توں چوسیاں۔
28
۲۸۔اوُں نے آکھیا ہاں۔ پر زیادہ مبارک اوہ ہن جیہڑے خدا دا کلام سُندے تے اوُں دے تے عمل کریندے ہن۔
29
۲۹۔جیہڑے ویلے وڈی بھیڑ جمع تھیندی ویندی ہائی تاں اوہ آکھن لگا کہ اِیں زمانے دے لوگ بُرے ہن۔ اوہ نشان منگدے ہن پر یوناہ دے نشان دے علاوہ کوُئی نواں نشاں اُنہاں کوُ نہ ڈِتا ویسی۔
30
۳۰۔کیونکہ جیویں یوناہ نینوہ دے لوگاں کیتے نشان بنا ہِے اوُں ویں ای ابن آدم وی اِیں زمانہ دے لوگاں کیتے نشان ٹہرسی۔
31
۳۱۔دَکھن دی ملکہ اِیں زمانے دے بندیاں دے نال عدالت آلے ڈیں اَٹھی کے اِنہاں کوُں مجرم ٹھراسی کیوں جو اوہ دُنیا دے کنارے تھوں سلیمان دی حکمت سنن کوُ آئی ہا۔ اَتے ڈیکھو اِتھاں اوہ ہے جیہڑا سلیمان تھوں وی وڈا ہے۔
32
۳۲۔نینوہ دے لوگ اِیں زمانے دے لوگاں دے نال عدالت آلے ڈیں کھڑے تھی کےاِنہاں کوُں مجرم ٹھہراسن کیونکہ کہ اُنہاں نے یوناہ دی مُنادی تے توبہ کر گِدی اَتے ڈیکھو اِتھاں اوہ ہِے جیہڑا یوناہ کولوں وی وڈا ہے۔
33
۳۳۔کوئی بندہ ڈیوا بال کے تہہ خانے وِچ یا کے کیئں شئے دے تھلے نیئں رکھیندا بلکہ ڈیوا کئیں اُچی جاہ تے رکھیندا ہے تاں جو اندر آون آلیاں کو سوجھلا ڈکھائی ڈیوے۔
34
۳۴۔تیڈے بدن دا ڈیوا تیڈی اکھ ہِے۔ جڈاں تیڈی اَکھ ٹھیک ہے تاں تیڈا سارا بدن وی روشن ہوسی۔ جڈاں تیڈی اَکھ ای خراب ہے تاں تیڈا بدن اِچ وی اندھارا ہوسی۔
35
۳۵۔پَس ڈیکھ جیہڑا سوجھلا تیڈے اندر ہے اندھارا تاں نیئں۔
36
۳۶۔اگر تیڈا سارا بدن سوجھلا ہوئے اَتےکئیں جاہ تے اندھارا نہ راہوے تاں اوہ سارا ایویں سوجلا ہوسی جیویں اوں ولیلے تھیندا ہے جڈاں ڈیوا اپنی چمک نال تیکو روشن کریندا ہے۔
37
۳۷۔جیہڑے ویلے اوہ گالہیں کریندا پیا ہا تاں کوُئی فریسی نے اوُندی دعوت کیتی ہا وَل اور اندر ونج کے ٹُکر کاؤن کو بیٹھ گیا۔
38
۳۸۔فریسی ایہہ ڈیکھ کے بہوں حیران تھئیا کہ اوہ کھاؤن کولوں پہلاں دھاتا نئیں۔
39
۳۹۔خداوند نے اوُں کوُ آکھیا اے فریسیو تُساں پیالے تے چنگیر کوُ اُتوں اُتوں صاف کریندے ہو پر تہاڈے اندر لُٹ مارتے بدی بھری ہوئی ہِے۔
40
۴۰۔اے بےوقوفو! جئیں نے باہر کوُ بنایا کیا اوُں نے اندر کوُ نیئں بنایا؟
41
۴۱۔ہاں تُساں اندر دیاں شئیاں خیرات کر ڈیوؤ تاں ڈیکھو سارا کجھ تہاڈے کیتے پاک تھی ویسی۔
42
۴۲۔اے فریسیو تہاڈے تے افسوس! پودینے تے سُداب تے ہر ہک سبزی تے داہ یکی ڈیندے ہیوے اَتے انصاف تے خدا دی محبت تھوں بے خبرراہندے ہو۔ لازم ہا کہ ایہہ وی کریندے تے اوہ وی نہ چھوڑیندے۔
43
۴۳۔اَے فریسیو تہاڈے تے افسوس! کہ تساں عبادت خانیاں اِچ اعلیٰ قسم دی کرسیاں تے بازاراں اِچ سلام چاہندے ہیوے۔
44
۴۴۔تہاڈے تے افسوس! کیوں جو تُساں اُنہاں لُکی ہویاں قبراں دی طرح ہو جنہاں دے اُتے بندے چلدے ہِن اَتے اُنہاں کوُں ایں گالھ دی خبروی نیئں۔
45
۴۵۔وَل شرع دے عالماں وچوں ہک جواب اِچ اوُں کوُ آکھیا اے استاد ! اِنہاں گالہیں کرن دے نال توں ساکوُں بے عزت کریندا پیئں۔
46
۴۶۔اوُں نے آکھیا اَے شرع دے عالمو تہاڈے تے افسوس! کہ تساں ایہو جئے بوجھ جنہاں کوُ چاونا اوکھا ہے بندیاں تے رکھیندے ہو تے آپ ہک انگلی وی انہاں کوُں لاونا نیئں چاہندے۔
47
۴۷۔تہاڈے تے افسوس! کہ تُساں تاں نبیاں دی قبراں کوُ بناندے ہیوے اَتے تہاڈے پئیو ڈاڈا نے اُنہاں کوُ قتل کیتا ہا۔
48
۴۸۔پس تساں گواہ ہیوے اَتے اپنے پئیو ڈاڈا دے کماں کوُ پسند کریندے ہو کیونکہ اُنہاں نے تاں اُنہاں کوُقتل کیتا ہا اَتے تُساں اُنہاں دیاں قبراں بنیندے ہیوے۔
49
۴۹۔اِیں کیتے خدا دی حکمت تے آکھیا ہے کہ میں نبیاں تے رسولاں کوُ اُنہاں دے کول بھیج ڈیساں۔ اوہ اُنہاں وچوں بہوں ساریاں کوُں قتل کریسن تے بہوں ساریاں کوُں ستاسن۔
50
۵۰۔تاں جو سارے نبیاں دے خون دی جیہڑا مڈھوں ہی وہایا گیا ہا اِیں زمانے دے لوکاں کوُ پُچھیا ویسی۔
51
۵۱۔ہابل دے خون تھوں گھن کے اوُں زکریاہ دے خون تک جیہڑا قربان گاہ تے مَقدس دے وِچ ہلاک تھیا ہا۔ میں تہاکوُ سچ آدھا ہاں کہ اِیں زمانے دے لوگاں کولوں ساریاں دی بازپُرس کیتی ویسی۔
52
۵۲۔اے شرع دے عالمو تہاڈے تے افسوس! کہ تُساں خدا شناسی دی کنجی چھک گدی ہے۔تساں آپ وی داخل نہ تھئے اَتے داخل ہوؤن آلیاں کو وی داخل نہ ہوؤن ڈِتا۔
53
۵۳۔جڈاں اوہ اُتھوں نکلا تاں فقیہ تے فریسی اوُں کوُ بُری طرح جھڑیندے راہے تاں جو اوہ بہوں ساری گالہیں دا ذکر کرے۔
54
۵۴۔اَتے اوُں دی تاک اِچ راہے تاں جو اوُں دی منہ دی کوُئی گالھ کو پکڑن۔