1
۱۔ خدا دے اَتے خداوند یسوع مسیح دے بندہ یعقوب دی طرفوں اُنہاں بارہاں قبیلیاں کوُں جیہڑے جا جا تے راہندِن سلام پہنچے۔
2
۲۔ اے میڈے بھراؤ! جڈاں تُساں طرح طرح دیاں آزمائشاں وچ پووو۔
3
۳۔ تاں ایں کوُ اے جان کے وڈی خوشی دیاں گالہیں سمجھائے جو تہاڈے ایمان دی آزمائش صبر پیدا کریندے ہِے۔
4
۴۔ اَتے صبر کوُ اپنا کم کرن ڈیوووتاں جو تُساں پورے اَتے کامل تھی ونجو اَتے تُہاڈے اِچ کہیں گال دی کمی نہ راہوے۔
5
۵۔ پر اگر تہاڈے وچوں کئیں وچ حکمت دی کمی ہوئے تاں خدا کولوں منگے جیہڑا بغیر ملامت کیتیاں ہویاں ساریاں کوُ کھُلے دل نال ڈیندا ہِے۔ اوُں کوُ ڈِتی ویسی ۔
6
۶۔ پر ایمان رکھ کے منگے اَتے کجھ شک نہ کرے کیوں جو شک کرن آلا سُمندر دی لہر دی طرح ہِے جیہڑی ہوا نال آندی تے ٹپے مریندی اِے۔
7
۷۔ ایہو جیا بندہ اِیہہ نہ سمجھے کہ میکو خداوند کولوں کجھ مِلسی۔
8
۸۔ اوہ بندہ ڈو دل رکیھندہ ہِے اَتے اپنی ساری گالہیں اِچ قائم نئیں راہندا۔
9
۹۔ نِکا بھرا اپنے اعلیٰ مرتبے تے فخر کرے۔
10
۱۰۔ اَتے امیر اپنی مفلسی دی حالت تے ایں کیتے کہ گھا دے پُھل دے وانگ مرجھا ویندے۔
11
۱۱۔ کیوں جو سورج نکلدے نال ہی سخت دُھپ پوندی ہِے تے گھا کوُ سُکھا ڈیندی ہِے اَتے اوندا پھُل ڈھے ویندےاَتے اوندی خوبصورتی لگی ویندی ہِے۔ ایں طرح امیر بندہ وی اپنی راہ چلدے چلدے مٹی وچ مِل ویسی۔
12
۱۲۔ مبارک ہِے اوہ بندہ جیہڑا آزمائش دی برداشت کریندے کیونکہ جڈاں مقبول ٹھہرسی تاں زندگی دا اوہ تاج حاصل کریسی جیندا خداوند نے اپنے محبت رکھن آلیاں نال وعدہ کیتا ہِے۔
13
۱۳۔ جڈاں کوُئی آزمایا ونجے تاں ایہہ نہ آکھے کہ میڈی آزمائش خدا دی طرفوں تھیندی ہِے کیوں جو نہ تاں خدا گناہ تھوں آزمایا ونج سگدے اَتے نہ ای اوہ کئیں کوُ آزمیندے ۔
14
۱۴۔ ہاں۔ ہر بندہ اپنی ہی خواہشاں وچ چھک کے اَتے پھس کے آزمایا ویندا ہِے۔
15
۱۵۔ وَل خواہش گھبر تھی کے گناہ کوُ پیدا کریندی ہِے اَتے گناہ جڈاں ودھ ویندے تاں موت پیدا کریندا ہِے۔
16
۱۶۔ اے میڈے پیارے بھراؤ! فریب نہ کھاونا۔
17
۱۷۔ ساریاں چنگیاں نعمتاں تے انعام اُتوں ہِے اَتے چانن دے باپ ولوں مِلدا ہِے جیندے وچ نہ کوئی تبدیلی تھی سگدی ہِے اَتے نہ مصیبت دے پاروں اوندے تے پرچھاواں پوندے۔
18
۱۸۔ اوُں نے ساکوں اپنی مرضی دے نال کلام دی سچائی دے نال پیدا کیتے تاں جو اوندی مخلوقات وچوں اساں ہک طرح دے پہلے پھل ہووں۔
19
۱۹۔ اے میڈے پیارے بھراؤ! اے گل تساں جان دے ہیوے۔ ہر بندہ سنن اِچ تیز تے بولن اِچ مِٹھا تے غصے وچ صبر کرن آلا ہووے۔
20
۲۰۔ کیونکہ بندے دا غصہ خدا دی راستبازی دا کم نئیں کریندا۔
21
۲۱۔ ایں کیتے ساری گندگی تے گناہ دے گند کوُ دُور کر کے اوُں کلام کوُ حلیمی نال قبول کر گھِنو جیہڑا دِل وچ وہایا گئیے اَتے تُہاڈی روحاں کوُ نجات ڈے سگدے۔
22
۲۲۔ پر کلام تے عمل کرن آلے بنو نہ کہ صرف سنن آلے جیہڑے اپنے آپ کوُ دھوکا ڈیندے ہِن۔
23
۲۳۔ کیونکہ جیہڑا کلام کوُ سنن آلا ہوئے اَتے اوندے تے عمل کرن آلا نہ ہووے اوہ اوُں بندے دی مانند ہِے جیہڑا اپنی خدا دی ڈِتی ہوئی صورت شیشے وچ ڈیدھا ہِے ۔
24
۲۴۔ ایں کیتے کہ اوہ اپنے آپ کوُ ڈیکھ تے لگا ویندے اَتے جلدی نال بھُل ویندے کہ میں کیئو جیا ہامی۔
25
۲۵۔ پر جیہڑا بندہ آزادی دی پوری شریعت کوُ غور نال ڈیدھا ہِے اوہ اپنے کم اِچ ایں کیتے برکت پاسی کہ سُن کے بھُل نئیں ویندا بلکہ عمل کریندا ہِے۔
26
۲۶۔ اگرکوُئی اپنے آپ کوُ دیندار سمجھے اَتے اپنی زبان کوُ لگام نہ ڈیوے بلکہ اپنے آپ کوُ دھوکا ڈیوے تاں اوں دی دینداری کئیں کم دی نئیں۔
27
۲۷۔ ساڈے خدا تے باپ دے نیڑے خالص تے بے عیب دینداری اے ہِے کہ یتیماں تے بیوا عورتاں دی مصیبت دے ویلے اُنہاں دی خبر گھنوں اَتے اپنے آپ کوُ دُنیا اِچ صاف رکھوں۔