1
۱۔ ساؤل اَجے تائیں خداوند دے شاگرداں کوُ دھمکیاں ڈیون تے جان تھوں وی مارن وِچ لگیا ہویا ہا۔ تے اوہ سردار کاہن دوُں گیا۔
2
۔ تے اُنہاں کنے دمشق دے عبادت خانیاں کیتے خط گِدے، تاں جو جیکر کوُئی اِیں شریعت تے عمل کریندا ہویا مِلے، بھاویں اوہ مَرد ہووے یا عورت، اُنہاں کوُ گرفتار کر کے یروشلیم دوُ گھن آوے۔
3
۔ جئیں ویلے اوہ سفر کریندا پیا ہا، تے دمشق دے نیڑے اپڑیا تاں ابڑگت آسمان تھوں روشنی اوندے چاروں پاسے چمکی۔
4
۔ تے اوہ زمین تے ڈھے پیا تے اوُں ہک آواز ایہہ آدھیاں ہوئی سُنی " ساؤل، ساؤل، توں میکوں کیوں ڈُکھ ڈیندا ہئیں؟"۔
5
۵۔ ساؤل اوُں کوُ جواب اِچ آکھیا " اے خداوند تُساں کون ہیوے؟ خداوند آکھیا،" میں یسوع ہاں جیکوں توں ڈُکھ ڈیندیں"۔
6
۶۔ لیکن اُٹھی شاہر اِچ ونج، تے اُتھاں تیکوں ڈسایا ویسی جو تئیں کیا کرنے"۔
7
۷۔ جیہڑے بندے ساؤل دے نال سفر کریندے پئے ہَن، اوہ چپ کھڑے راہے، کیوں جو آواز تاں سُن دے ہَن، پر اُنہاں کوُ کوُئی نہ ڈِٹھا۔
8
۔ ساؤل زمین تھوں اُٹھیا، تے جڈاں اوُں اپنی اکھیاں کھولیاں تے اوہ کجھ وی نہ ڈیکھ سگیا، تاں اوہ اوندا ہتھ پکڑ کے اوُں کوُ دمشق گھن گئے۔
9
۹۔ ترائیے ڈِیں تائیں اوہ ڈیکھ نہ سگیا، تے اِیں ویلے اِچ اوُں نہ نہ کجھ کھادا نہ کجھ پیتا۔
10
۱۰۔ دمشق اِچ حننیاہ ناں دا ہک شاگرد راہندا ہا، خداوند اوندے تے رویا اِچ ظاہر تھیا، "حننیاہ" نے اوُں کوُ آکھیا، ڈیکھ خداوند میں حاضر ہاں"۔
11
۱۱۔ خداوند اوُں کوُ آکھیا، " اُٹھ تے اوُں گلی وِچ وَنج جینکوُں سِدھی آدھِن تے یہوداہ دگر ونج کے ساؤل ناں دے بندے دا پُچھ جیہڑا ترسُس دا ہِے، اِین واسطے جو اوہ دُعا کریندا پیا ہِے۔
12
۔ تے اوُں رویا وِچ حننیاہ ناں دے ہک بندے کوُں آندیاں تے اپنے تے ہتھ رکھیندیاں ڈِٹھا ہِے، تاں جو اِیں طرح اوہ وَلا ڈیکھ سگے"۔
13
۔ لیکن حننیاہ جواب اِچ آکھیا، " میں تاں بہوں سارے لوگاں کنوں اوندے بارے وِچ سُنیا ہِے کہ اوُں تیڈے پاک لوگاں کوُں جیہڑے یروشلیم وِچ ہِن وڈا نقصان پُچایا ہِے۔
14
۱۴۔ اوُں سردار کاہناں کنے اختیار گِدا ہِے کہ جیہڑا کوئی تیڈے ناں دا منن آلا ہِے اُنہاں کوُ پکڑ سگے۔
15
۱۵۔ لیکن خداوند اوُں کوُ آکھیا، " وَنج، کیوں جو اوہ میڈا چُنیا ہویا وسیلہ ہِے، جیہڑا بئیاں قوماں تے بادشاہاں تے اسرائیل دے گھرانے میڈا ناں ظاہر کرن کریسی۔
16
۱۶۔ میں اوُندے تے ظاہر کریساں جو اوُں کوُ میڈے ناں دی خاطر کیا کیا سختیاں برداشت کرنیاں پوسن۔
17
۱۷۔وَل حننیاہ گیا تے اوُں گھر وِچ داخل تھیا، تے اوُندے تے اپنے ہتھ رکھے تے آکھیا،" بھرا ساؤل خداوند یسوع جیہڑا جڈاں آندا پیا ہاویں ظاہر تھیا ہا، اوُں میکوُ گھلیا ہِے تاںجو توں ڈیکھ سگیں تے پاک روح نال بھر ونجیں"۔
18
۱۸۔ اوُں ویلے ہی ساؤل دیاں اکھیاں وِچوں چانے جئیں ڈَھٹے تے اوندی اکھیاں دا سوجلا واپس وَل آیا تے اوہ اُٹھیا تے بپتسمہ گِدا۔
19
۱۹۔ تے اوُں ٹُکر کھادا تے اوُں کوُ طاقت ملی، تے اوہ کجھ ڈینہ دمشق وِچ شاگرداں نال رہیا۔
20
۲۰۔ اوُں ویلے اوُں عبادت خانیاں اِچ ایہہ آہدیاں ہویاں مُنادی کرنی شروع کر ڈِتی، جو یسوع ای خدا دا پُتر ہِے۔
21
۲۱۔ جنہاں وی ایہہ گالھ سُنی اوہ سارے حیران تھی کہ آکھن لگے، " کیا اوہوُ بندہ نئیں جیہڑا یروشلیم اِچ یسوع دا ناں گھننن آلیاں کوُں تباہ کریندا ہا، اِتھاں وی اِیں واسطے آیا ہِے تاں جو اُنہاں کوُ بَدھ کے سردار کاہناں کول گھن ونجے"۔
22
۲۲۔ لیکن ساؤل دی ہمت ودھدی گئی تے اوہ دمشق وِچ راہون آلے یہودیاں تے ایہہ ثابت جو یسوع ہی مسیح ہِے اُنہاں کوُ حیران تے پریشان کریندا ریہا۔
23
۲۳۔ کجھ ڈیہاں بعد یہودیاں اوُں کوُ جان تھوں مارن دی صلاح کیتی۔
24
۲۴۔ لیکن اُنہاں دے منصوبے دے بارے اِچ ساؤل کوُں پتہ لگ گیا، اوہ لوگ ڈینہ رات شاہر دے پھاٹک تے اوُں کوُں مارن کنے اوُں دا انتطار کریندے راہے۔
25
۲۵۔لیکن اوُں دے شاگرداں رات دے ٹائم اوُں کوُ ٹوکرے وِچ بلہا کے کندھ تُوں لہا ڈِتا۔
26
۲۶۔ جئیں ویلے اوہ یروشلیم اِچ آیا، تاں ساؤل شاگرداں اِچ شامل تھیون دی کوشش کیتی، پر اوہ اوُں کنےڈردے ہَن تے اُنہاں اوُندے شاگرد بنن دا یقین نہ کیتا۔
27
۲۷۔ لیکن برنباس اوُں کوُ نال گھن کے رسولاں دوُ لگا گیا تے اُنہاں کوُ ڈسایا جو خداوند کیویں اوُں کوُ اوُں راہ اِچ ڈِسیا تے خداوند اوندے نال گالھ کیتی، تے دمشق اِچ کیویں ساؤل دلیری نال یسوع دے ناں دی مُنادی کیتی۔
28
۲۸۔ اوہ یروشلیم اِچ آون ونجن آلیاں نال مِلدا ریہا۔
29
۲۹۔ تے خداوند یسوع دے ناں دی دلیری نال مُنادی کریندا ریہا، تے یونانی یہودیاں نال وی بحث کریندا ریہا، لیکن اوہ اوُں کوُ جان تھوں مارن دی کوشش کریندے راہے۔
30
۳۰۔ جئیں ویلے بھراواں کوُں اِیں گالھ دا پتا لگا تے اوہ اوُں کوُ قیصریہ وِچ گھن آئے، جتھاں اوُں کوُں تَرسُس کوُ راوانہ کیتا۔
31
۳۱۔ وَل یہودیہ، گلیل تے سامریہ دیاں کلیسیاواں اِچ امن تھی گیا تے اوہ ترقی کرن پے گیاں تے اوہ خداوند دے خوف تے پاک روح دی تسلی اِچ تے تعداد اِچ ودھ دیاں گیاں۔
32
۳۲۔ وَل ایویں تھیا جو پطرس جاء جاء ونج تے اُنہاں ایمانداراں کول اپڑیا جیہڑے لدہ اِچ راہندے ہَن۔
33
۳۳۔ اُتھاں اوُں کوُں اینیاس ناں دا ہک بندہ ملیا، جیہڑا اَٹھ سالاں تھوں فالج دا مریض ہا۔
34
۳۴۔ پطرس اوُں کوُ آکھیا، " اینیاس یسوع مسیح تیکوُ شفا ڈیندا ہِے، اُٹھی تے اپنا بستر چاء، تے اوُں ویلے ای اوہ کھڑا تھی گیا۔
35
۳۵۔ تے لدہ تے شارون دے سارے لوگاں اوُں بندے کوُ ڈِٹھا تے اوہ خدا آلے پاسے پھرے۔
36
۳۶۔ یافا شاہر وِچ تبیتا ناں دی ہک شاگردہ راہندی ہائی جیندا ترجمہ "ہرنی" ہِے ایہہ عورت چنگے کم کریندی تے غریباں تے وڈی شفقت کریندی ہائی۔
37
۳۷۔ اُنہاں ڈیہاں اِچ اوہ بیمار تھئی تے مر گئی، جئیں ویلے اُنہاں دَھوا گِدا تے اُتلے کوٹھے اِچ رکھیا۔
38
۳۸۔ لدہ شاہر یافا شاہر دے نیڑے ای ہا۔ تے شاگرداں سُنیا جو پطرس اُتھائیں ہِے۔
39
۳۹۔ تاں اُتھاں ڈُو بندیاں کوُ گھلیا تے اوُں دے اگے عرض کیتی جو " دیر کیتیاں بغیر ساڈے نال جُل۔ " پطرس اُٹھیا تے اُنہاں نال روانہ تھی گیا، جئیں ویلے اوہ اُتھائیں اپڑیا تے اوہ اوُں کوُ اُتلے کوٹھے تے گھن گئے۔ تے ساریاں بیوہ عورتاں روندیاں پٹیندیاں اوُں کوُں کپڑے ڈِکھاون پے گئیاں جیہڑے ہرنی سیتے ہَن، جڈاں اوہ جیوندی ہا۔
40
۴۰۔ پطرس اُتھاں ساریاں کوُں کمرے وِچوں باہر کڈھ ڈِتا تے گوڈے ٹیک کے تے دُعا کرن پے گیا تے اوُندی میّت وَل کے آکھیا، " تبیتا اُٹھی " اوُں نے اپنی اکھیاں کھولیاں تے پطرس کوُ ڈِٹھا تے اُٹھی بیٹھی۔
41
۴۱۔ پطرس اوُں دا پکڑ کے اوُں کوُ اُٹھایا تے مقدّساں تے بیوہ عورتاں کوُ سڈا کے اوُں کوُ زندی اُنہاں دے حوالے کیتا۔
42
۴۲۔ ایہہ واقعہ سارے یافا اِچ مشہور تھی گیا، تے بہوں سارے لوگ خداوند تے ایمان گھن آئے۔
43
۴۳۔ پطرس یافا شاہر اِچ کئی ڈیہواراں شمعون چمڑا رنگن آلے دے گھر وِچ ریہا۔