¹ ۱۔ ساؤل اوندی موت تے راضی ہا۔ وَل اوُں ڈینہہیروشلیم دی کلیسا دے خلاف وڈا ظلم تھیون شروع تھیا اَتے رسولاں دے سِوا سارے ایماندار یہودیہ تے سامریہ دے علاقیاں وِچ کھِنڈ پُنڈ گئے۔ ² ۔ کجھ نیک لوگاں ستفنس کوُ دفن کیتا تے اوندے تے وڈا ماتم کیتا۔ ³ ۔ لیکن ساؤل کلیسیاواں کوُ وڈا نقسان ڈِتا ، اوہ گھر گھر ونج کے مَرداں تے عورتاں کوُ گھیلیندا، اُنہاں کوُ ڈھکوا سٹیندا ہا۔ ⁴ ۔ جیہڑۓ ایماندار کھینڈ پُند گئے ہَن اوہ کلام دی مُنادی کرن پے گئے۔ ⁵ ۔ فلپس سامریہ شاہر دوں گیا تے مسیح دی مُنادی کرن لگا ⁶ ۶۔ جئیں ویلے لوکاں دے کٹھ نے فلپس دیاں گالہیں سُنیاں تے جیہڑے معجزے اوہ ڈکھیندا ہا ڈِٹھے، تے اُنہاں اوندی طرف توجہ کیتی کہ اوہ کیا آدھے۔ ⁷ ۷۔ اُنہاں وِچوں بہوں سارے لوگ جنہاں وِچ بھوُت ہَن، اُنہاں وِچوں بھوُت وڈی آواز نال رَڑ کے نکل گئے، تے بہوں سارے لولہے تے لنگڑے لوگاں کوُ شفا ملی۔ ⁸ ۸۔ تے اوُں شاہر اِچ وڈی کوشی منائی گئی۔ ⁹ ۹۔ لیکن اوں شاہر وِچ شمعون ناں دا ہک بندہ راہندا ہا، جیہڑا جادو منتر کریندا ہا۔ اوں اپنے جادو نال سامریہ دے لوگاں کوُں حیران کیتی وَدا ہا، تے اوہ دعویٰ کریندا ہا کہ میںوی کوئی وڈی ہستی ہاں۔ ¹⁰ ۱۰۔ تے کنے لا وڈیاں تائیں سارے سامری اوندے تے خاص توجہ ڈیندےہَن تے آدھے ہَن۔ جو ایہہ بندہ خدا دی قدرت ہِے جیکوں وڈی آہدِن ¹¹ ۱۱۔ تے اوہ اوندی سُن دے ہَن، کیوں جو اوں ہک عرصے تھوں اُنہاں کوُ اپنے جادو نال حیران کیتی ودا ہا۔ ¹² ۱۲۔ لیکن ہُن اوہ فلپس دی مُنادی تے ایمان گھن آئے ہَن، جیہڑی اوہ خدا دی بادشاہی دی خوشخبری، اَتے یسوع مسیح دے ناں نال کریندا ہا۔ اُنہاں مرداں تے عورتاں سمیت بپتسمہ گِدا۔ ¹³ ۱۳۔تے شمعون وی ایمان گھن آیا تے ایندے بعد بپتسمہ وی گِدا، تے اوہ فلپس دے نال نال رہیا۔ جئیں ویلے اوں معجزات تے وڈے وڈے کم ڈِٹھے تاں بہوں حیران تھیا ¹⁴ ۱۴۔ جئیں ویلے یروشلیم وِچ رسولاں ایہہ گالھ سُنی، جو سامری وی خدا دے کلم کوُں قبول کیتا ہِے، تے پطرس تے یوحنا کوُں اُنہاں کول بھیجیا۔ ¹⁵ ۱۵۔ اُنہاں اُتھاں ونج کے اُنہاں کیتے دعا کیتی کہ اُنہاں کوُ وی پاک روح ملے۔ ¹⁶ ۱۶۔ کیوں جو اوں ویلے تائیں اُنہاں وچوں کئیں تے وی پاک روح نازل نہ تھیا ہا، اُنہاں صرف خداوند یسوع دے ناں دا بپتسمہ گِدا ہا۔ ¹⁷ ۱۷۔ وَل پطرس نے یوحنا نے اُنہاں تے ہتھ رکھے تے اُنہاں کوُ پاک روح ملیا۔ ¹⁸ ۱۸۔ جئیں ویلے شمعون ایہہ ڈِٹھا جو رسولاں دے ہتھ رکھن نال پاک روح نازل تھیندا ہِے تے اوں اُنہاں کوُ پیسے ڈیون دی پیشکش کیتی۔ ¹⁹ ۱۹۔ اوں آکھیا،" میکوُں وی ایہہ اختیار ڈیوو کہ میں وی جیندے تے ہتھ رکھاں اوں کوُ پاک روح مِلے۔ ²⁰ ۲۰۔ لیکن پطرس اوں کوُ آکھیا،" تیڈے پیسے تیڈے نال تباہ تھی ونجن"، کیون جو توں خدا دی بخشش کوُں پیسیاں دے نال مُل گھنن دا سوچیا ہِے۔ ²¹ ۲۱۔ تیڈا ایں معاملے وِچ کوُئی حصہ کئے نئیں، کیوں جو تیڈا دِل خدا دے حضور صاف کائنی۔ ²² ۲۲۔ ایں واسطے اپنے ایں گناہ تھوں توبہ کر تے خدا تھوں دعا منگ تاں تھی سگدے کہ اوہ تیکوں معافی ڈیوے، تے تیڈی خواہش پوری چا کرے۔ ²³ ۲۳۔ میکوں لگدا ہِے جو تیڈے اِچ زہر آلی کار کاوڑ ہِے تے توں گناہ اِچ پھسیا ہویاں ایں۔ ²⁴ ۲۴۔ شمعون جواب اِچ اوں کوُ آکھیا " خدا اگے میڈے کیتے دعا منگو تاں جو کجھ وی اساں آکھیا ہِے، اُنہاں وِچوں کوُئی گالھ وی میڈے نال پیش نہ آوے"۔ ²⁵ ۲۵۔ جئیں ویلے پطرس تے یوحنا خدا دے کلام دی گواہی ڈے گِدی تے اوندا کلام سُن گِدا تے واپس یروشلیم وَل گئے، رستے وِچ ویندیاں ہویاں اوہ سامریاں دیاں بہوں ساریاں وستیاں وِچ خوشخبری دی مُنادی کریندے گئے۔ ²⁶ ۲۶۔ وَل خداوند دے ہک فرشتے نے فلپس کوُں آکھیا، " اُٹھی تے اوں سڑک آلے پاسے ونج جیہڑی لَمے آلے پاسے یروشلیم شاہر تھوں غزہ شاہر کوُں ویندی ہِے"۔(ا ایہہ سڑک بیابان وِچوں تھی کے ویندی ہِے۔ ²⁷ ۲۷۔ اوہ اُٹھیا تے اوں پاسے گیا۔ ڈیکھو اُتھاں ہک ایتھوپیا دا خواجہ سرا ہائی جیہڑا ایتھوپیا دی ملکہ کنداکے دا ہک وڈا افسر ہائی۔ اوہ اوندے سارے خزانے دا مختار ہائی۔ تے اوہ یروشلیم شاہر وِچ عبادت کرن کیتے آیا دَداہا۔ ²⁸ ۲۸۔ اوہ اپنے رَتھ تے بیٹھا واپس ویندا ہا، تے ویندیاں ویندیاں یسعیاہ نبی دا صحیفہ پڑھدا پیا ہا۔ ²⁹ ۲۹۔ روح فلپس کوُں آکھیا،" وَنج تے ایں رَتھ دے نال نال ٹُر"۔ ³⁰ ۳۰۔ تاں فلپس بھج کے اوندے نال تھیا تے اوں کوُ یسعیاہ نبی دا صحیفہ پڑھدیاں سُنیا تے آکھیا،" کیا جوکجھ توں پڑھدا ہئیں اوُں کوُ سمجھدا وی ہئیں؟"۔ ³¹ ۳۱۔ "خواجہ سرا آکھیا۔" میں کیویں سمجھ سگدا ہاں جے کوُئی میکوں سمجھاوے ناں؟" اوں فلپس کوُ عرض کیتی جو اوہ رَتھ تے اوندے نال بیہہ تھیوے۔ ³² ۳۲۔ جیہڑا صحیفہ خواجہ سرا پڑھدا پیا ہا اوہ ایہہ ہا جو، اوں کوُ ذِبح تھیون آلی بھڑ آلی کار گھن گئے تے اوہ اوُن کَترن آلے لیلے آلی کار چُپ ریہا۔ تے اوں اپنا مُنہ نئیں کھولیا!۔ ³³ ۳۳۔اوندی عاجزی اِچ اوندا انصاف نہ کیتا گیا : کون اوندی نسل دا حال بیان کریسی؟کیوں جو زمین تے اوں دی زندگی ختم کیتی گئی ہِے"۔ ³⁴ ۳۴۔ تاں خواجہ سرا فلپس کنے پُچھیا، تے آکھیا،" میں تیڈے اگے عرض کریندا ہاں کہ نبی ایہہ گال کیندے بارے وِچ آدھا ہِے، اپنے یا کئیں بئے دے بارے وِچ؟"۔ ³⁵ ۳۵۔ فلپس بولنا شروع کیتا جو اوں یسعیاہ نبی دے اوں صحیفے کنے شروع کر کے یسوع دے بارےوِچ ڈسیا۔ ³⁶ ۳۶۔ جئیں ویلے اوہ سڑک تے ویندے پئے ہَن تے اوہ کئیں پانی آلی جاہ تے اَپڑے، خواجہ سرا اوں کوُ آکھیا،" ڈیکھ اِتھاں پانی ہے، تے ہُن میکوں کیہڑی شئے بپتسمہ گھنن کوں روکیندی ہِےَ" ³⁷ ۳۷۔ (نوٹ) جیکر توں اپنے پورے دِل نال ایمان گھن آویں تاں بپتسمہ گھن سگدیں۔ خواجہ سرا جواب ڈِتے، میں ایمان رکھیندا ہاں جو یسوع مسیح خدا دا پُتر ہِے"۔ ³⁸ ۳۸۔ وَل خواجہ سرا رَتھ کوُں روکن دا حکم ڈِتا۔ خواجہ سرا تے فلپس ڈُوہیں پانی وِچ لہہ گئے، تے فلپس اوں کوُ بپتسمہ ڈِتا۔ ³⁹ ۳۹۔ جئیں ویلے اوہ پانی وِچوں باہر آئے تے خداوند دا روح اوں کوُ چاء کے گھن گیا، تے خواجہ سرا اوں کوُ وَلا نہ ڈِٹھا بلکہ وڈی خوشی نال اپنے علاقے دَو وَل گیا۔ ⁴⁰ ۴۰۔ لیکن فلپس اشدود اِچ ونج لتھا۔ اوہ اوں علاقے دے سارے شاہراں اِچ خوشخبری دی مُنادی کریندا گیا، جے تائیں اوہ قیصریہ اَچ نہ اپڑیا۔