1
۱۔سردار کاہن نے آکھیا"کیا ایہ گالہیں سچ ہَن؟۔"
2
۲۔ستفنس نے آکھیا"اے بھراوو اَتے بزرگو،میڈی گالھ سُنوساڈے پیئو ابراہام تے خدا دا دلال ظاہر تھیا ہا جڈاں اوہ حاران اِچ راہون تھوں پہلے مسوپتامیہ اِچ راہندا ہا۔
3
۳۔خدا نے اوُں کوُ آکھیا،"اِیں چاہ تے اپنے رشتےداراں کوُ چھوڑ ڈے اَتے جیہڑی چاہ میں تیکوُ ڈیکھیساں اُتھایئں ونجیں۔"
4
۴۔وَل اوُں نے کسدیاں دی زمین کوُ چھوڑ ڈتے اَتے حاران اِچ آکے راہون لگ پیا،اِتھاں اوندے پیئو دے مَرن دے بعد ،اَتے جتھاں تساں ہَن راہندے ہیوے خدا اِیں جاہ تے اوُں کوُ گھِن آیا۔
5
۵۔اَتے اوُں کوُ کجھ میراث نہ ڈِتی بلکہ پیر رکھن دی وی جاہ نہ ڈِتی پَر اوُں نے وعدہ کیتا کہ اوہ ایہ سرزمین اوُں کوُ ملکیت دے طور تے اوُں دے بعد اوُں دی نسل کوُ ڈیسی حالانکہ اوُں ویلے اوُں دی کوُئی اولاد نہ ہا۔
6
۶۔خدا نے اوُں کوُ آکھیا"کہ اوُں دی نسل اِیں غیر مُلک اِچ کجھ دیر کیتے راہسی۔اَتے اُتھاں دے لوگ اُنہاں کوُ غلام بنا گھِنن اَتے چار سو سال تک اُنہاں دے نال بُرا سلوک کریسن۔
7
۷۔اَتے میں اوُں قوم دی عدالت کریساں جیندی اوہ خدمت کریسن خدا نے آکھیا اوندے بعد اوہ اُتھوں نکل آسن اَتے اِیں جاہ تے میڈی عبادت کریسن۔
8
۸۔اَتے خدا نے ابرہام دے نال ختنے دا عہد کیتا ،پَس ابرہام جڈاں اضحاق دا پیئو بنے تاں اوُں نے اَٹھویں ڈیں اوُں دا ختنہ کیتا،اضحاق یعقوب دا پیئو بنے اَتے یعقوب تھوں بارہ قبیلیاں دے سردار پیدا اتھیئے۔
9
۹۔اُنہاں بارہ قبیلیاں دے سرداراں نے حسد اِچ آکے یوسف کوُ مصر وِچ ویچ ڈِتے۔پر خداوند اوندے نال ہا۔
10
۱۰۔اَتے اوُں دی ساری مصیبتاں اِچ اوُں کوُ بچیندا ریہا تے مِصر دے بادشاہ فرعون دے سامنے اوُں کوُ حکمت ڈِتی اَتے اوندی حمایت کیتی۔فرعون نے اوُں کوُ سارے ملک مِصر تے اپنے محل دا حاکم و مختار بنا ڈِتا۔
11
۱۱۔وَل سارے مِصر تے کنعان اِچ کال پے گیا،اَتے بہوں وڈی مصیبت آ گئی ہا۔اَتے ساڈے پیئو ڈاڈا کوُ کھاون کوُ نہ مِلا۔
12
۱۲۔جڈاں یعقوب کے سُنا کہ مِصر اِچ کنک ہے تاں اوُں نے ساڈے پیئو ڈاڈا کوُ پہلی وار گھلینا۔
13
۱۳۔ڈوجھی واری یوسف نے اپنے آپ کوُ اپنے بھراواں تے ظاہر کر ڈِتا۔اَتے یوسف دے خاندان دے بارے اِچ فرعون کوُ ڈسایا گیا۔
14
۱۴۔یوسف نے اپنے بھراواں کوُ واپس اپنے پیئو یعقوب دے کول گھلیا کہ اوُں اپنے سارے خاندان سمیت مِصر اِچ آونجن اَتے اوہ سارے پچھتر لوگ ہَن۔
15
۱۵۔پَس یعقوب مِصر کوُ گیا وَل اوہ تے ساڈے پیئو ڈاڈا مَر گئے۔
16
۱۶۔اُنہاں نے اوُں کوُ سکم اِچ اوُں قبر اِچ رکھیا جیہڑی ابرہام نے عمور دے پُتراں کنوں چاندی دے سکے ڈے کہ مُل گھِن گِدی ہا۔
17
۱۷۔جیہڑے ویلے ابرہام نال وعدہ پورا کرن دا ویلہ نیہڑے آیا تاں لوگ مِصر اِچ تعداد اِچ ودھن لگ پئے۔
18
۱۸۔اوُں ویلے مِصر تے ہک بیئا بادشاہ مقرر تھیا۔اَتے ایہ بادشاہ یوسف کوُ نہ جان دا ہا۔
19
۱۹۔بادشاہ نے ساڈے لوگاں کوُ دھوکا ڈِتا اَتے ساڈے پیئو ڈاڈا نال بہوں بُرا سلوک کیتا۔اَتے زندہ راہون کیتے اُنہاں نے اپنے ڈودھ پیون آلے بچیاں کوُ سٹ ڈِتا۔
20
۲۰۔اوُں ویلے موسیٰ جمیا اوہ خدا دی نگاہ اِچ بہوں خوبصورت ہا اَتے اوندے پیئو دے گھر اوندی تریئے مہینے تک پرورش کیتے گئی۔
21
۲۱۔جڈاں اوُں کوُ سَٹ ڈِتا گیا تاں فرعون دے دھی نے اوُں کوُ چا گِدا اَتے اوُں کوُ اپنے پُتراں کار لے۔
22
۲۲۔موسیٰ کوُ مِصر دے سارے علوم دی تعلیم ڈِتی گئی ،اَتے اوہ اپنے کم تے کلام اِچ عظیم ہا۔
23
۲۳۔پَر جڈاں اوہ چالیس سال دا تھیا ،اوُں دے دل اِچ آیا کہ اوہ اپنے بھراواں اسرایئل دی نسل کول ونجے۔
24
۲۴۔اوُں نے ڈیکھیا کہ ہک اسرایئل نال بُرا سلوک کیتا ویندا پیا ہے اَتے اوُں نے اوندی حمایت کیتی تے جیہڑی مِصری اوُں کوُ مریندا پیا ہا اوُں نے اوندا بدلہ گِدا۔
25
۲۵۔اوُں نے سوچیا جو اوندے بھرا سمجھ ویسن کہ خدا اوندے ہتھوں اُنہاں کوُ بچاونا چاہندا ہے پَر اوہ نہ سمجھے۔
26
۲۶۔اگلے ڈِیں اوہ کجھ اسرایلیاں دے کول آیا جیہڑے لڑدے پئے ہَن اوہ ڈوہاں اِچ صُلح کراون دی کوشش کرنیدا ریہا۔اوُں نے آکھیا،جناب تُساں تاں بِھرا ہیوے وَل ہک ڈوجھے دے نال کیوں لڑدے ہیوے؟۔
27
۲۷۔پَر جیہڑا اپنے ہمسائےدے نال بُرا کریندا پیا ہا اوُں نے اوُں کوُ دِھکا ڈے کے آکھیا تیکوُ کیئں نے ساڈے تے حاکم مقرر کیتا ہے کیا تُوں ساڈی عدالت کریسیں؟۔
28
۲۸۔کیا توں میکوُ وی قتل کر ڈیونا چاہندا ہیئں جیویں کل توں اوُں مِصری کوُ قتل کر ڈِتا ہا؟۔
29
۲۹۔ایہ سُنن دے بعد موسیٰ اُتھوں دھروک گیا،اوہ مدیان دی جاہ تے اجنبی ہا۔جتھاں اوہ ڈو بالاں دا پیئو بنے۔
30
۳۰۔کڈاں چالہی سال لنگھ گئے تاں کوہِ سینا دے بیابان اِچ ہک فرشتہ بَھا دے جلدی ہوئی جھاڑی وِچ اوُں تے ظاہر تھیا۔
۳۱۔جیہڑے ویلے موسیٰ نے بَھا دا ایہ نظارہ ڈِٹھا تاں اوُں بہوں حیران تھیا اَتے جیویں ای اوہ ایہ ڈیکھن کیئے اوندے نیڑے گیا تاں خداوند دی آواز آئی اَتے اوُں نے آکھیا۔
۳۲۔"میں تہاڈے پیئو ڈاڈا ابرہام تے اضحاق تے یعقوب دا خدا ہاں" موسیٰ کوُ کانبا چھڑ پیا اَتے اوندے وِچ اوُں کوُ ڈیکھن دی ہمت نہ راہی۔
33
۳۳۔خداوند نے اوُں کوُ آکھیا،اپنی جوتیاں کوُ اِتھایئں لہا چھوڑ کیوں جو جیہڑی جاہ تے تُوں کھڑا ہیئں اوہ پاک ہے۔
34
۳۴۔میں مِصر اِچ اپنے لوگاں دی مصیبت ڈِٹھی ہے۔میں اُنہاں دا رونا پِٹنا سنیا ہے۔اَتے میں آیا ہاں کہ اُنہاں کوُ بچاواں۔ہن آکہ میں تیکوُ مِصر بھیجاں۔
35
۳۵۔جیہڑے موسیٰ کوُ اُنہاں نے ایہ آکھ کے رَد کر ڈِتا ہا کہ کیئں نے تیکوُ ساڈا حاکم مقرر کیتا ہا۔کہ تُوں ساڈی عدالت کریں؟"اوُں کوُ خدا نے گھلیا ہے کہ اوُنہاں دا حاکم مقرر وی ہووے اَتے اُنہاں دا چھڑانے آلا وی ہوے۔خدا نے موسیٰ دے نال اوُں فرشتے کو وی گھلیا جیہڑا جھاڑی اِچ اوندے تے ظاہر تھیا ہا۔
36
۳۶۔موسیٰ اُنہاں کوُ مِصر اِچوں کڈھ کے گھِن آیا اَتے بحیرہ قلزم تے بیاباں اِچ چالہی سال تک اُنہاں کوُ معجزات تے نشان ڈکھیندا ریہا۔
37
۳۷۔اِیں موسیٰ نے اسرایئل دے لوگاں کوُ آکھیا۔خدا تیڈے بھراواں وِچوں تہاڈے کیتے میڈی طرح دا ہک نبی بھیجسی۔
38
۳۸۔ایہ اوُہو ہے جیہڑا بیاباں اِچ اوُں جماعت تے فرشتے دے نال ہا۔اَتے جیئں نے کوہ سینا تے اوُں دے نال کلام کیتے ایہ اوُہو ہے جیہڑا ساڈے پیئو ڈاڈا دے نال ریہا۔ ایہ اوُہو ہے جیئں زندہ کلام حاصل کر کے ساکوُ ڈِتا۔
39
۳۹۔ایہ اوُہو ہے جیندی تابع داری کرن تھوں ساڈے پیئو ڈاڈا نے انکار کیتا ہا۔اَتے اُنہاں دے دل واپس مِصر دی طرف راغب تھی گئے۔
40
۴۰۔اوُں ویلے اُنہاں نے ہارون کوُ آکھیا"ساڈے کیتے دیوتا بنا دے جو ساڈی رہنمائی کرے اِیں کیے کہ موسیٰ جیہڑا ساکوں مِصر اِچوں کڈھ کے گھِن آیا ہے اساں نیئں جاندے کہ اوندے نال کیا تھیا ہے۔
41
۴۱۔پَس اُنہاں نے اوُں ڈیہاں اِچ ہک وچھا بنایا اَتے اوندے کیتے قربانیاں گھِن آئے تے اپنے ہتھاں دے کم دی خوشی منائی۔
42
۴۲۔خدا نے اُنہاں دے طرفوں منہ پھیر کِدا تاں جو آسمان دے تاریاں دی عبادت کرن جیویں کہ نبیاں دی کتاب اِچ لکھا لا تھے کہ"اے اسرایئل دے گھرانے کیا بیابان اِچ چالہی سال تک تساں میڈے کیتے قربانیاں تے زبیحے گزریندے راہے؟۔
43
۴۳۔تساں ملک دے خیمہ تے رِفان دیوتا دے تارے کوُ قبول کیتا ہے اَتے اوُں مورت دے عبادت کیتی جیہڑی تُساں بنائی ہائی۔اَتے میں تہاکوُ بابل دے اگے گھِن ویساں۔
44
۴۴۔ساڈے پیئو ڈاڈا دے کول بیابان اِچ گواہی دے طور تے اوہ خیمہ ہا جیندا حُکم خدا نے موسیٰ کوُ ڈِتا ہا کہ اوہ اوُں کوُ اوُں دے ای بنائے جیویں اوُں کوُ ڈکھایا گیا ہا۔
45
۴۵۔ایہو اوہ خیمہ ہا جینکوُ ساڈے پیئو ڈاڈا یسوع دے نال اوُں سرزمین اِچ گھِن آئے ہَن جیہڑۓ ویلے اوہ غیر قوماں دی ملکیت اِچ داخل تھیئے تاں خدا نے ساڈۓ پیئو ڈاڈا دے سامنے اُنہاں کوُ کڈھ ڈِتا ہا۔ایہ داود بادشاہ دے ویلے تک ایویں ای ریہا۔
46
۴۶۔جو خدا دی نظر اِچ مقیول تھیا۔ اوُں نے آکھیا کہ اوہ یعقوب دے خدا کیتے ہک پاک جاہ بناسی۔
47
۴۷۔پر سلیمان نے خدا دا گھر بنایا۔
48
۴۸۔خدا قادرِمطلق ہتھ دے بنائے گئے گھراں وِچ نیئں راہندا جیویں کہ نبی آدھا ہے۔
49
۴۹۔ آسمان سیڈا تخت اَتے زمین میڈے پیراں دی چوکی ہے۔تساں میڈے کیتے کیہو جیا گھر بنا سگدے وے؟ خداوند آدھے یا میڈی سکونت گاہ کتھاں ہے؟۔
50
۵۰۔کیا میڈے ہی ہتھاں نے ساریاں شیاں نیئں بنایاں؟۔
51
۵۱۔تساں لوگ جیہڑے دل تے کناں دے سخت تے طہور وی نیئں کرائی تساں نے ہر ویلے پاک رُوح کوُ ناراض کیتے تساں اوُں وی کیتا جیویں تہاڈے پیئو ڈاڈا نیئں کیتا ہا۔
52
۵۲۔اوہ کیہڑا نبی ہے جینکوُ تہاڈے پیئو ڈاڈا نے نیئں ڈکھ ڈِتا ہے؟ اُنہاں نے نبیاں کوُ قتل کیتے،اُنہاں نے اوہ راستباز دے آون دے خوشی دی خبر ڈیون آلیاں کوُ وی قتل کیتے اَتے ہُن تُساں وی اوُں کوُ دھوکا ڈیون آلے اَتے اوُں کوُ قتل کرن آلے بن گئے ہو۔
53
۵۳۔تساں اوہ لوگ ہو جنہاں نے فرشتیاں تھوں شریعت حاصل کیتی لیکن تُساں اوُں کوُ قائم نہ رکھ سگے۔
54
۵۴۔ہُن جڈاں صدرِعدالت دے لوگاں نے ایہہ گالہیں سُنیں تاں اُنہاں دے دِل سڑن لگ پئے اَتے اوہ ڈاندھ پیسن لگ پئے۔
55
۵۵۔لیکن اوُں نے پاک رُوح تھوں بھر کے آسمان دی طرف نظر چائی اَتے خدا دا جلال ڈیکھیا تے اوُں نے یسوع کوُ خدا دے سجے ہتھ کھڑے ہوئے ڈیکھیا۔
56
۵۶۔ستفنس نے آکھیا"ڈیکھو میں آسمان کوُ کھلیا ہویا تے ابنِ آدم کوُ خدا دے سجے ہتھ میں کھڑا ہویا ڈیدھا ہاں۔
57
۵۷۔پر صدرِعدالت دے لوگ اُوچی آواز نال آکھن لگے ،اَتے اپنے کناں کوُ بند کر گِدت تے کھٹے تھی کہ اوُں دی طرف دوڑے۔
58
۵۸۔اوہ اوُں کوُ شاہر دے باہر چھک گھِن گئے اَتے اوُں کوُ پتھر مارن لگے تے جیہڑا گواہ ہَں اُنہاں نے کپڑے ہک جوان ساول ناں دے بندے دے کول رکھے۔
59
۵۹۔جڈاں اوہ ستفنس کوُ سنگسار کریندے پئے ہَن تاں اوہ اوُچی آواز نال چلاندے ہوئے خداوند کوُ آدھا پیا ہا"خداوند یسوع میڈی رُوح کوُ قبول کر"۔
60
۶۰۔وَل اوہ زمین تے جُھک کے اوُچی آواز نال آکھن لگا،خداوند ایہہ گناہ اِنہاں دے اُتے نہ لا۔"جڈاں اوُں نے ایہ آکھیا تاں سو گیا۔